Juud 1:23 - EBƆRƐ BE KAWƆL

²³ Men baa mɔlga beko a suge bumo ashi edɛ to, men baa wu beko malɛ kuwɔr nsaa ŋana bumo be alubiana a de so nɛ a sa maŋ kaŋ gbiti menyi.

Juud 1:23 ပူးပေါင်းရင်းမြစ်များ

Aŋasa 7:8

E daa na kubɔrbi so nna a mata kakpa nɛ eche ko daa wɔ, nseŋ bɔla eche na be kawu ase.

Aizaaya 64:6

Anyi kikɛ wora alubi ŋ ku so. Hale anyi be asheŋ lela gba du fanɛ achɛbi krenso ashi fo kutɔ nna. Anyi be alubi so, an du fanɛ afantaŋ wɔlso nɛ afu ber amo n ya lɛ nna.

Nfabel 4:14

Kashenteŋto, anebiana na nɛ bɔrɛmatapoana na daa nite kadegboŋ na be agbembi so cham cham fanɛ etanpo nna. Ŋkpal basa nɛ b wu na be luwu be turju ka bɛ bumo so so, esa kikɛ daa maa sha kefirgi n tege bumo to gba kuraa.

Levitikɔs 14:47

Esa kama nɛ e beeŋ dese ŋko n ji laŋ na to daga e fɔr mbe asɔbuuso.

Levitikɔs 15:17

Wajɛ ŋko kusɔbɔya be kawɔl be kusɔ kama nɛ enyɛn be nchu na beta daga kefɔr, ama kumo alɛ kraa beeŋ baa wɔ eyurpi to n ya fo kaaseso.

Eemɔs 4:11

Kananɛ m mur ndegboŋ nɛ baa tre Sodɔm nɛ Gomɔra dra dra na, nɛ m mur menyi alɛ gba be beko. Menyi bumo nɛ men nya men be amu na du fanɛ kedibi nɛ k bee chɔɔ nɛ b lara kumo edɛ to n lɛ nna. Ama amo nɛ amo kikɛ men kraŋ kini kebɛta m ba ma kutɔ. Ma Enyɛnpe Ebɔrɛ na e malga na.

Romebi 11:14

Shere mee wora loŋ, meeŋ tiŋ n shin nɛ kayɛlga e pɛ ma basa nɛ loŋ e tiŋ n shin nɛ bumo be beko e nya kumɔlga.

1 Kɔrintebi 15:33

Men sa maŋ kaŋ fule men be amu. Beteri lubi e naa jija da lela.

1 Kɔrintebi 3:15

Ama nɛ fanɛ kusɔ na baŋ chɔɔ bre, e beeŋ tɔr. Mo ere gbagba beeŋ nya kumɔlga, ama kumo alɛ beeŋ baa du fanɛ esa nɛ e bɔla edɛ to nna n shile n lar n nya mbe kumu.

2 Kɔrintebi 5:11

Ŋkpal anyi alɛ ka nyi kusɔ nɛ baa tre Ebɔrɛ be kaŋana na so, anyee wora ania nna ga a chɛ basa to nɛ b pin kusɔ nɛ k wɔtɔ. Ebɔrɛ e nyi kananɛ an du nɛnɛ nɛ ma alɛ bee tama fanɛ loŋ nɛ menyi alɛ gba nyi anyi ashi men be ŋgbene to.

2 Tɛsalɔnikaebi 3:14

Nɛ ekama nɛ e kini kewora kusɔ nɛ anyee kaŋɛ menyi kawɔl ere to ere, men baa de amodoŋwura so a gelge mo nɛ anishinyɔr e pɛ mo.

1 Timoti 4:16

Baa de so a keni fo kumu nɛ fo abɔrɛsheŋ be keŋini na so nɛnɛ. Baa wora asɔ ere, ŋkpal manɛ so, loŋ e naaŋ mɔlga fo nɛ bumo nɛ baa nu fo mmalga na.

2 Jɔn 1:11

ŋkpal manɛ so, ekama nɛ e chɔrɔ mo bee chɛ mo to a wora mbe ashuŋ lubi na nna na.

Juud 1:22

Men baa wu bumo nɛ baa shika to na kuwɔr.

Kelaraŋŋini 3:18

Amoso, mee sa menyi nfɛra nna fanɛ men tɔ shuwa mo nɛ a maŋ kɔ saŋgre kikɛ amo to ŋ kutɔ, saŋɛ na so menyeeŋ dii dama. Men tɔ asɔbuuso fuful gba ashi ŋ kutɔ m buu men be anishinyɔr be eyurkpaŋ na so nseŋ tɔ kudur malɛ gba n fɔr men be anishiana so n tiŋ a wu.

Kelaraŋŋini 3:4

Men kraa kɔ basa gbrɛbi ko ashi Saadis to nɛ eyurpi kama maŋ gbiti bumo be asɔbuuso na. Bumo alɛ beeŋ tu ma n nite m buu asɔ fuful, ŋkpal manɛ so, b daga loŋ.