Juud 1:20 - EBƆRƐ BE KAWƆL

²⁰ Ama menyi ere, n teri lelaana, men baa wora ania ga a chɛ abar to a yɔ anishito ashi abɔrɛsheŋ cheembi nɛ men yirda ga na to nsaa kule Ebɔrɛ ashi Kiyoyu Cheeŋ na to.

Juud 1:20 ပူးပေါင်းရင်းမြစ်များ

Zakareya 12:10

Ma, Enyɛnpe Ebɔrɛ na beeŋ shin nɛ kuwɔrwu nɛ kabɔrɛkule be kiyoyu e gbelge m ba ewura Deevid be kamanebi nɛ basa nɛ b wɔ Jerusalɛm to na kikɛ so. Baaŋ to kenishi n wu esa nɛ b da mo kekpa m mɔ na nseŋ shu mbe keeli fanɛ kananɛ baa shu ebi koŋwule be keeli na, nseŋ wora kuwɔr be asheŋ fanɛ esa nɛ e paŋ mbe wurkoŋnyɛn na.

Ashuŋ Shunso 15:9

E maŋ ŋini fanɛ an kɔr bumo to. Bumo be yirda so nɛ e ta bumo be alubi m paŋ bumo.

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Ashuŋ Shunso 6:7

Ebɔrɛ be kubɔya daŋ baa sɔ kakpa kikɛ nna nɛ Jerusalɛm be bebɛsopoana baa wora keshi a ti so nɛ bɔrɛmatapoana na be bedamta ba yirda.

Ashuŋ Shunso 9:31

Kumo be kaman nɛ asɔriebi nɛ b daa wɔ Judiya na nɛ Galili nɛ Samɛria na lar bumo be etɔrɔ na to n nya kagbenewushi gbrɛ. Kiyoyu Cheeŋ na e daŋ shin nɛ b daŋ yɔ anishito nseŋ wora keshi n ti so a wɔ Enyɛnpe be kebunyaŋ be kebaawɔtɔ to.

Romebi 15:2

Anyi be ekama e baa wora mo braana bebɛsopo asheŋ lela nɛ a bee par bumo nɛ loŋ e tiŋ n sa bumo eleŋ nɛ k beeŋ yɛr bumo anishito ashi yirda na to.

Romebi 8:15

Kiyoyu nɛ Ebɔrɛ sa menyi na malɛ maa ta menyi nna a ki anya n shin nɛ men naa lɔ kufu. Men nya Kiyoyu nɛ e bee ta menyi a ki mbia nna. Kiyoyu na malɛ so nɛ anyee tiŋ a tre Ebɔrɛ ‘Aba’, kumo e la fanɛ an Tuto.

1 Kɔrintebi 1:8

E beeŋ baa wɔtɔ menyi eleŋ to loŋ n ya fo lalaloge na, saŋɛ na so menyeeŋ ji n lar ashi Ebɔrɛ be anishito saŋɛ nɛ an Nyɛnpe Yesu Kristo beeŋ naŋ ba na.

1 Kɔrintebi 10:23

Le nɛ menyi be beko bee kaa kaŋɛ: “An kɔ ekpa nɛ an wora kusɔ kama nɛ anyee sha.” Kashenteŋ nna, ama mannɛ kusɔ kama malɛ e walɛ. Menyee kaŋɛ: “An kɔ ekpa nɛ an wora kusɔ kama nɛ anyee sha.” Kashenteŋ nna, ama mannɛ kusɔ kama e naa yɛr esa anishito.

1 Kɔrintebi 14:15

To, naniere, nuso nɛ meeŋ baa wora? Meeŋ baa ta ma kiyoyu a kule Ebɔrɛ nseŋ naa ta ma nfɛra gba a kule Ebɔrɛ. Meeŋ baa ta ma kiyoyu a boŋ nshɛ nseŋ naa ta ma nfɛra gba a boŋ amo.

1 Kɔrintebi 14:26

To, ŋ kurgepoana, naniere manɛ e naŋ ka nɛ an kaŋɛ? Men baŋ ba shɛr asɔri to, eko beeŋ baa kɔ kapandi be kashɛ ŋko keŋini ko ŋko kelaraŋŋini be kesheŋ ko ŋko ŋgbar nɛ e maa nu be kegbar ŋko amo be kifito be kekute. A daga fanɛ men baa wora ade kikɛ nɛ asɔriebi na e nya kechɛto n yɔ anishito.

Galeeshaebi 4:6

Kusɔ nɛ k bee ŋini fanɛ men la Ebɔrɛ be mbia nde: Mo ere Ebɔrɛ koŋwule na shuŋi mo Pibinyɛn be Kiyoyu na anyi be ŋgbene to, Kiyoyu na e naa tre Ebɔrɛ ‘Aba’, kumo e la fanɛ n Tuto na.

Ɛfesesebi 4:12

E wora loŋ nna nɛ e chɛ Ebɔrɛ be basa kikɛ to nɛ b nya eleŋ kabɔrɛshuŋana na to, saŋɛ na so loŋ beeŋ chɛ Kristo be eyur to ebi na to nɛ b nya eleŋ n yɔ anishito ashi kebɛso na to.

Ɛfesesebi 4:16

Mo to nɛ eyur na kikɛ to m pɛ to kpakpa a wɔ abar so a du fanɛ kananɛ awibichɛkpa nɛ achin bee pɛ esa be eyur a wɔ abar so nɛ mbaana na be kekama bee nya a shuŋ kumo be ashuŋ nɛnɛ na. Nɛ loŋ malɛ baa wora, eyur na bee bɔla kasha be kebaawɔtɔ kikɛ to nna a daŋ a yɔ anishito.

Ɛfesesebi 4:29

Men sa maa shin nɛ mmalga lubi kikɛ e baa lar men be nnɔ to. Men baa malga kechɛto nawule be mmalga, mmalga nɛ a bee yɛr basa anishito a chɛ bumo to ashi bumo be asheŋ tirsoana to, saŋɛ na so a beeŋ baa kɔ tɔnɔ a sa bekama nɛ baa nu amo na.

Ɛfesesebi 6:18

Jemanɛ kikɛ, men baa kule Ebɔrɛ ashi kiyoyu na to a ta kabɔrɛkule be yiri kikɛ nɛ asheŋ nɛ menyee sha fanɛ a wora kikɛ a kule Ebɔrɛ. Men baa kɔ le be asheŋ ere men be ŋgbene to nsaa keni so a de so nsaa kule Ebɔrɛ saŋkama a sa Ebɔrɛ be basa kikɛ.

Kɔlɔsiebi 2:7

a yil fanɛ kananɛ nliŋi bee pɛ ndibi to a yil na ŋ kraa pin mbe asheŋ a ti so m baa yirda kashenteŋ na kikɛ nyam, fanɛ kananɛ b ŋini menyi na nɛ men baa wɔtɔ a chɔrɔ Ebɔrɛ.

1 Tɛsalɔnikaebi 5:11

Amoso, men baa leŋ abar to a chɛ abar to fanɛ kananɛ men chɛr a wora na.

1 Timoti 1:4

Shin nɛ b lar ablɔmbi fuloŋ nɛ kakurge to be mmalga tenteŋana na to. Loŋ be mmalga bee bar emɔrɔ nna a maa ŋini kabɔrɛbɛso nɛ k bee shi yirda to na.

2 Timoti 1:5

Mee kaa nyiŋi kagbene koŋwuleso be yirda nɛ fo kɔ. Yirda koŋwule nɛ fo nanache Lowis nɛ fo nio Yunis daa kɔ na gbagba chap nɛ m baa nyi fanɛ fo alɛ gba kɔ na.

Taites 1:1

Kawɔl ere shi ma Pɔɔl nɛ n la Ebɔrɛ be kenya nɛ Yesu Kristo be eshuŋipo na kutɔ nna. B shuŋi ma nna nɛ m ba shin nɛ Ebɔrɛ be basa laraso be yirda e wora keshi n ti so nɛ loŋ e shin nɛ b baa kɔ kabɔrɛŋana bumo to nseŋ naa pin kashenteŋ nɛ anyi be kabɔrɛbɛso ere bee ŋini

Jeems 2:22

To, kede e naa ŋini fanɛ Eebraham be kebaawɔtɔ to yirda nɛ kumo be ashuŋ shunso e naa yɔ. E daŋ yirda Ebɔrɛ nseŋ daŋ naa wora alelasheŋ. Le malɛ be kebaawɔtɔ ere e naa ŋini e ka daŋ yirda Ebɔrɛ kashenteŋto.

2 Pita 1:1

Kawɔl ere shi ma, Saimɔn Pita nɛ n la Yesu Kristo be kenya nɛ mbe eshuŋipo na kutɔ nna a yɔ menyi nɛ men bɔla Yesu Kristo an be Ebɔrɛ nɛ an be Emɔlgapo be kananɛ e niŋi ekpa so so n nya yirda koŋwule nɛ anyi alɛ gba kɔ na kutɔ. Anyi be yirda na maŋ kɔ ebarkasa kikɛ.

1 Jɔn 5:4

Ŋkpal manɛ so, esa kama nɛ e la Ebɔrɛ pibi bee pɔɔ durnya ere so nna. Eleŋ mo nɛ k bee pɔɔ durnya so e la anyi be yirda.

Juud 1:3

Ma beshapo, k daa wɔ ma kagbene to nna ga fanɛ n sibɛ ŋ kaŋɛ menyi kumɔlga mo nɛ an kikɛ kɔ na be asheŋ, ama n naŋ wu fanɛ a daga fanɛ n sibɛ menyi ŋ kule menyi ga fanɛ men baa wora ania a kɔ a sa abɔrɛsheŋ mo nɛ an yirda nɛ Ebɔrɛ ta kela koŋwule pati m bɔɔ mbe basa laraso enɔ na.

Kelaraŋŋini 13:10

Ekama nɛ k dese fanɛ e yɔ kenyaya to, e beeŋ yɔ kenyaya to. Ekama nɛ k dese fanɛ tokobi nɛ baaŋ ta m mɔ mo, tokobi nɛ baaŋ ta m mɔ mo. Kede e naa ŋini fanɛ a daga fanɛ Ebɔrɛ be basa e baa kɔ kanyiti nɛ yirda.