Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Juud 1:16 - EBƆRƐ BE KAWƆL

16 Saŋkikɛ le be basa ere wɔtɔ nna a bile asheŋ a wu basa pɔtɛ kulubi. Baa bɛ bumo gbagba be ayɛlgasɔ lubiana so nna a wɔtɔ a puchi nsaa ta mmalga belbelso a fule basa pɔtɛ, saŋɛ na so baaŋ nya kusɔ nɛ baa sha.

အခန်းကိုကြည့်ပါ။ ကော်ပီ




Juud 1:16
38 ပူးပေါင်းရင်းမြစ်များ  

M maaŋ malga ŋ kpɛa ekama to, ma alɛ maaŋ ku efɛ n fur esa ko.


Ebɔrɛ e to anyi kikɛ kuraa. Mo alɛ maa keni eko a bɔlɔ kenishi a chɔ eko. Damawura ŋko etirpo, ewura ŋko ebɔlpo, kikɛ la kukoŋwule nna ashi mbe anishito.


B daŋ kini kewora Ebɔrɛ kasonu nna, nseŋ daa munto a bile asheŋ ashi bumo be ewajɛbu to.


nɛ bumo nɛ bumo nɛ alubiworapoana maŋ kɔ shɛŋ na. Bumo e naa sa basa nɛ baa ŋana Ebɔrɛ bunyaŋ nsaa wora a bɔlɔ bumo be nnɔ naseso so, hale k du kpakpa gba na.


Baa tege basa nna nsaa malga mmalga jiga, nseŋ naa kre beko be kamɛaŋ kamoowuso.


Ŋkpɛato maŋ walɛ, ama brɔbu fimbi beeŋ tiŋ n shin nɛ basa ko e wora kusɔ nɛ k maŋ daga.


Kumo be kaman nɛ basa nɛ b maa pin asheŋ to na e fara a pin asheŋ to, nɛ bumo nɛ baa munto a bile asheŋ malɛ e sɔ ma keŋini kagbenefuliso.”


Men baa kɔ kashenteŋji nsaa ji asheŋ nɛ amo be ekpa so ashi men be demuji kikɛ to. Men sa maa kpɛa betirpo to ŋko a ŋana damawuraana.


Basa nɛ Mosis daŋ shuŋi fanɛ b ya dara kasawule na ŋ keni na be kudu nɛ b bar baru lubi na, e daŋ shin nɛ Israɛlebi na daŋ fubel m bile asheŋ m malga ŋ gbiti Enyɛnpe Ebɔrɛ.


Fo baa malga a gbiti Ɛɛrɔn, kumo ere Enyɛnpe Ebɔrɛ na nɛ fo braana bee kini kenu n sa na.”


Kumo be ŋklade nɛ Israɛlebi kikɛ naŋ fubel m bile asheŋ m malga ŋ gbiti Mosis nɛ Ɛɛrɔn ŋ kaŋɛ le: “Men mɔ Enyɛnpe Ebɔrɛ be basa, ŋko!”


Ndoŋ nna nɛ Efarisiana nɛ mbraŋinipoana bile asheŋ nseŋ kaŋɛ: “Men keni, kanyɛn ere ka sɔ alubiworapoana n shin nɛ mo nɛ bumo bee ji.”


Basa na kikɛ ka wu loŋ nɛ b bile asheŋ ŋ kaŋɛ: “Men keni, e ka yɔ alubiworapo pe n ya ki mbe efɔ.”


Ndoŋ nna nɛ Efarisiana na nɛ bumo to be mbraŋinipoana na bile asheŋ nseŋ bishi Yesu be bebɛsopo na: “Manɛ e ba nɛ menyi nɛ lamposɔpoana nɛ alubiworapoana bee ji nsaa nuu?”


Ndoŋ nna nɛ Juwebi na fara a malga a gbiti mo ŋkpal e ka kaŋɛ fanɛ: “Ma e la bodobodo nɛ k shi ebɔrɛso m ba na” so.


Yesu ka pin fanɛ mbe bebɛsopo daa bile asheŋ nna ŋkpal kesheŋ na so nɛ e bishi bumo: “Kesheŋ nɛ m malga na bee pɔ menyi aba nna ŋko?


Men sa maa bile asheŋ fanɛ kananɛ bumo be beko daŋ wora nɛ malaika mɔpo na daŋ mur bumo na.


Amoso, mee kaŋɛ menyi nna na fanɛ men baa wɔ Kiyoyu na be kebaawɔtɔ to nsaa maa wora kapɔr lubi ere be ayɛlgasheŋ.


Basa nɛ b la Kristo peya na maŋ naa shin nɛ bumo be kapɔr lubiana ere bee wɔ bumo, naniere a du fanɛ b ka ta kapɔr lubiana ere nɛ amo be asɔ sha so nɛ ayɛlgasɔ nna ŋ gbir m mata kedibi so m mɔ.


Men daa wɔ menyi be ewajɛbu to nna a munto a bile asheŋ a sa abar a kaŋɛ le: ‘Enyɛnpe Ebɔrɛ na kishi anyi nna nseŋ lara anyi Ijipt be efuli so m ba nɛ e ba sa Amɔriebi nɛ b mɔ anyi.


Men baa shuŋ ashuŋ kikɛ nsaa maa bile asheŋ ŋko a ji emɔrɔ.


Men sa maa kɔ kayɛlga fuloŋ be kacheta fanɛ kananɛ nnyamase nɛ b maŋ nyi Ebɔrɛ bee wora na.


nɛ basa be kebaaji abar emɔrɔ fanɛ bumo nɛ b maŋ kɔ nfɛra a maŋ naa nyi kashenteŋ be ekpa na ŋkpal b ka bee tama fanɛ abɔrɛsheŋ to nɛ baaŋ bɔla n nya amansherbi so.


Saŋko beeŋ fo nɛ basa maaŋ naŋ nu kashenteŋ be keŋini na nsaa wɔtɔ a bɛ bumo gbagba be ayɛlgasɔ so. Baaŋ baa chala beŋinipo damta nɛ b baa ŋini bumo asɔ nɛ baa sha kebaanu.


Kananɛ naniere men la kasonu be mbia ere bre, men sa maŋ naŋ shin nɛ men be ayɛlgasɔ nɛ men daa kɔ saŋɛ nɛ men daa maŋ nyi Ebɔrɛ be ekpa na e naa wɔ menyi.


N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.


Nɛ loŋ malɛ baŋ wora, loŋ be esa na maŋ naa kɔ mbe durnya ere to be kebaawɔtɔ a wɔ edimɛdi be ayɛlgasɔ lubiana to, ama Ebɔrɛ be aparsheŋ to nɛ e kɔ mbe kebaawɔtɔ a wɔ.


fɔnfɔŋ bumo nɛ b wɔtɔ a bɛ bumo be eyurana be nyɛlga lubiana so nsaa kini Ebɔrɛ be eleŋ na so. Loŋ be basa na nya kagbene nna a wɔtɔ a wu bumo be amu nsaa tege bebunyampoana nɛ b wɔ ebɔrɛso na ŋkaa maa ŋana,


Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.


Kusɔ nɛ k daga fanɛ men fara m pin e la fanɛ, lalaloge be nchɛ na to befɛpo beeŋ ba kaa wora basa shia nsaa bɛ bumo gbagba be nyɛlga lubiana so.


nɛ e ba ji basa kikɛ demu. E beeŋ ji m bri bɔrɛkinipoana kikɛ ŋkpal alubi mo nɛ b wora ŋ gbiti Ebɔrɛ ashi le be kabɔrɛkini be ekpa so kikɛ so nɛ mmalga lubiana nɛ bɔrɛkinipo lubipo ere malga ŋ gbiti mo Ebɔrɛ na kikɛ so so.”


B daŋ kaŋɛ menyi fanɛ: “Lalaloge be nchɛ na kaŋ fo, basa beeŋ lar n wora menyi eyurto, basa nɛ baaŋ ba kaa bɛ bumo gbagba be kabɔrɛkiniso be ayɛlgasɔ lubiana so.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ