Juud 1:13 - EBƆRƐ BE KAWƆL

¹³ B du fanɛ teku so be atili lubi nna a shin nɛ bumo be anishinyɔr bee kaa fanɛ atili na be eyurpi. Bumo alɛ naa du fanɛ achɛkpabi mo nɛ a bee tia a tia ashi amo be mboŋana nna. Ebɔrɛ malɛ lɔŋɛ kakpa nna n yili bumo nɛ b ya kaa wɔ ndoŋ mbaanaayɔ ashi tentembiri mina to.

Juud 1:13 ပူးပေါင်းရင်းမြစ်များ

Nshɛ 65:7

Fo e naa shin nɛ teku be awɔr bee lo. Fo e yɔɔ nchu be atili nɛ efuliana na be awɔr nɛ baa cha.

Aizaaya 57:20

Basa lubi bre du fanɛ teku nɛ k bee baga to a kaa ketili a lara eyurpi a deŋi kedeŋi so jemanɛ kikɛ na nna.

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

2 Timoti 3:13

Ama basa lubi nɛ kebirkɔnshiwuraana bre, baa wɔtɔ nna a wora alubi a ti so nsaa fule beko nɛ Setani bee fule bumo alɛ gbagba.

2 Pita 2:17

Le be basa ere du fanɛ abombi nɛ a maŋ kɔ nchu nna ŋko kenyɔlɔ nna nɛ afugboŋ bee kpata a yɔ. Ebɔrɛ kɔ tentembiri nna le mina a jo bumo.

Juud 1:6

Men baa nyiŋi emalaika mo nɛ b daa maŋ shuli a wɔ kakpa nɛ Ebɔrɛ daa sha fanɛ b baa wɔ na be asheŋ. B daŋ shile ndoŋ nna ŋkpal k ka daa maŋ bɔlɔ bumo kenishi so. Naniere b ta ŋgbɛlɛbi mo nɛ esa maaŋ tiŋ n tuge kikɛ nna ŋ kre bumo n wɔtɔ tentembiri be kakpa a jo kachɛgboŋ mo nɛ Ebɔrɛ beeŋ ji bumo demu na.

Kelaraŋŋini 20:10

Ndoŋ nna nɛ b ta alubipo mo nɛ e daŋ fule bumo na n lɛ n wɔtɔ edɛ mo nɛ jɛrbi wɔ amo to a chɔɔ na be kepa to, kakpa nɛ b daŋ ta kusɔbɔya na nɛ anebi fɛpo na n lɛ to na. Baaŋ tɔrɔ bumo ga kapa nɛ kanyɛ mbaanaayɔ.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”