Juud 1:12 - EBƆRƐ BE KAWƆL

¹² Nɛ le be basa ere baŋ tu menyi n chena kakpa nɛ asɔriebi bee shɛr a ji a ŋini abar kasha, k du fanɛ asɔ lubi ka do kusɔ fuful so nna. Baa paŋ anishinyɔr nna a tase a ji a nuu a keni bumo nawule be amu so. B du fanɛ bɔrɛ ka mɔl nna nɛ afu ta awɔlpa na n choŋ nɛ bɔrɛ na gboŋi na nna. K maŋ kɔ tɔnɔ kikɛ kuraa. B naa du fanɛ ndibi sɔrso mo nɛ a maŋ kɔ asɔrso amo be kesɔr be saŋɛ na nna, amoso, b du fanɛ ndibi mo nɛ a wu nɛ b tia amo nna nɛ k ki fanɛ a wu nna na kuraa.

Juud 1:12 ပူးပေါင်းရင်းမြစ်များ

2 Kronikɛls 7:20

kumo ere meeŋ lara menyi ashi kasawule nɛ n ta n sa menyi ere so nseŋ lar bɔrɛlambu nɛ n nɛfa ŋ kaŋɛ fanɛ meeŋ baa wɔ ndoŋ nɛ men baa bunyaŋ ma na to nɛ basa kikɛ e ta kumo fanɛ epel be kakpa nsaa keni kumo jiga.

Job be kawɔl 8:17

Loŋ be afitiri na be nliŋi bee luri ajembu to nna a nya a mur achin a yili nɛnɛ.

Nshɛ 1:3

Loŋ be basa du fanɛ boŋkarase be ndibi nɛ a bee sɔr asɔrso saŋɛ nɛ k daga na nna. Amo be afantaŋ maa gbaŋgbaŋ kikɛ. Kusɔ kama nɛ baa wora bee nite nɛnɛ nna a sa bumo.

Nshɛ 37:2

Ŋkpal manɛ so, b du fanɛ afitiri ŋko afantaŋ bumbuŋ nna, b maa chɛr nsaa wɔl a wu.

Aŋasa 25:14

Esa nɛ e bee nase kɔnɔ nsaa maa tia kumo du fanɛ kuwɔlpa nɛ k maa bar bɔrɛ nna.

Ezikɛl 17:9

Naniere, Ezikɛl, kaŋɛ ma, fo tama fanɛ kefeelebi ere beeŋ pete a? Kajɔnɔkoso juŋkparso na maaŋ nya agbo n tia kumo nseŋ kuya kumo be ayabi to n lɛ nɛ a wɔl a? Kajɔnɔkoso na beeŋ tiŋ n tia kefeelebi na nɛ k maŋ fin benapo lempo damta be kechɛto gba.

Ezikɛl 34:10

Ma, Enyɛnpetale Ebɔrɛ na yɛ ma nɛ menyi maŋ naa kɔ shɛŋ. Ma alɛ beeŋ suge ma mbolpɔ menyi be enɔ to nɛ menyi maaŋ naa la bumo be ekpapo a nya bumo a mɔ a we.

Ezikɛl 34:18

Menyi be beko ji ajibi lela nna ŋkukwe; nsaa chichi amo nɛ menyi maŋ ji so a wea shishɛr to! Menyeeŋ nuu nchu lela nna nseŋ gbar nchu nɛ menyi maaŋ nuu na to!

Ezikɛl 34:2

“Dimɛdi pibi, Ezikɛl, Israɛl be bejuŋkparpoana na du fanɛ mbolpɔkpapo nɛ baa keni ma basa nɛ b du fanɛ mbolpɔ so nna. Ama mee sha fanɛ fo kaŋɛ Israɛl be bejuŋkparpo na fanɛ b maŋ wora n nyalɛ nɛ ekama e nu. Kaŋɛ bumo kusɔ nɛ ma Enyɛnpetale Ebɔrɛ na kaŋɛ fanɛ: Asheŋ maaŋ nyalɛ n sa menyi, Israɛl be mbolpɔkpapo ere! Menyi be amu nɛ menyee keni so nseŋ kplaŋ ma mbolpɔ so.

Ezikɛl 34:8

Nɛ men nu n sa ma, asheŋ beeŋ baa bɔ menyi so ŋkpal manɛ so ma e la Enyɛnpetale Ebɔrɛ nɛ e bee sa ŋkpa na. Kupuŋ to be asɔbɔya lubi pɛ ma mbolpɔ m mɔ n we ŋkpal esa kikɛ ka maa keni bumo so so. Ma mbolpɔkpapoana maŋ wora ania fanɛ baŋ fin mbolpɔ na. Bumo gbagba be amu so nɛ baa keni so, mannɛ ma mbolpɔ.

Hoziya 6:4

Ama le nɛ Enyɛnpe Ebɔrɛ daŋ kaŋɛ: “Israɛlebi nɛ Judaebi, nuso bre nɛ men yɛ n naŋ wora menyi? Kasha nɛ men kɔ n sa ma na lar men to manaŋ manaŋ nna fanɛ kananɛ kachipurso be bunyaŋ ŋko kunyɔɔ nɛ k bee tɔr kachipurso nsaa kpata to manaŋ manaŋ na nna.

Levitikɔs 14:43

B kaŋ lara ajembu ŋko ebirkesi dra na n ta apopɔr m pɔr nseŋ la egbal na, nɛ kapuu na kraŋ naŋ lar egbal na so,

Matiu 13:6

Ama epeŋi ka baŋ lar nɛ asɔ kɔrso popɔrbi na bolo to, ŋkpal manɛ so, amo be nliŋi maŋ yɔ nchiŋ ko nɛ asɔ na kikɛ wɔl.

Matiu 15:13

Nɛ Yesu kaŋɛ bumo: “Kedibi kama nɛ n Tuto nɛ e wɔ ebɔrɛso na maŋ fɛa, e beeŋ tia kumo.

Maak 4:6

Ama epeŋi ka baŋ lar nɛ asɔ kɔrso popɔrbi na bolo to, ŋkpal manɛ so, amo be nliŋi maŋ yɔ nchiŋ ko nɛ asɔ na kikɛ wɔl.

Luuk 12:45

Ama nɛ fanɛ kenya na kaŋɛ mbe kumu le: ‘N nyɛnpe beeŋ chɛr ga pɔɛŋ nseŋ bɛta m ba’, nseŋ fara a bri anya nɛ b ka na, benyɛn nɛ beche kikɛ nsaa wɔtɔ a ji a nuu nsaa nuu nsa a boo,

Luuk 16:19

Kamalga ere be kaman nɛ e naŋ bɔ keŋasa ere ŋ kaŋɛ: “Damawura ko e daa wɔtɔ a buu yawu kpakpaso be asɔbuuso lela peper mɔlmɔlbi ko a wɔtɔ a ji ajibi belbelso damta kachɛ kama.

Luuk 21:34

Ama men baa de menyi be amu so nsaa maa wɔ kebaawɔtɔ jiga nɛ kasanuu nɛ durnya ere to be kasɔsha be kebaawɔtɔ to nɛ menyi be aba e pɔ menyi nɛ kachɛ nɛ ma, Nyiŋgbasa Pibinyɛn beeŋ ba na e purgi menyi fanɛ kejigbelɛ na.

Luuk 8:6

Nɛ ako malɛ tɔr kejasawule so. Asɔ na ka kɔr nɛ a bolo to n wɔl, ŋkpal manɛ so, kakpa na daa maŋ kɔ koyul.

Ɛfesesebi 4:14

Saŋɛ na so an maaŋ naa du fanɛ mbia nɛ basa e baa ta efɛ be keŋini be yiri kikɛ a kɔ a kpata anyi a lɛ a yɔ a ba fanɛ afu ka shin nɛ nchu koso a baga to na. Basa nɛ baa wora loŋ na wɔtɔ nna a kɔ bumo gbagba be efɛ be kanyiasheŋ a shin nɛ basa bee foe ekpa.

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

1 Timoti 5:6

Ama ekulpoche nɛ e ta mbe nfɛra n wɔtɔ ebel be keji to wu nna nsaa wɔ basa to na.

Hibruwebi 13:9

Men sa maŋ shin nɛ keŋini be nnaŋ to nɛ a wɔtɔ ere e fule menyi kikɛ nɛ men foe ekpa. Ebɔrɛ be kuwɔr be kakɛ e daga kebaaleŋ menyi be ŋgbeneana to, mannɛ edaŋkaresheŋ be ekpaana be ajibi nɛ a maŋ kɔ tɔnɔ n sa basa nɛ b ji amo na.

Jeems 5:5

Asɔ lela nɛ ebel be keji to nɛ men baa wɔ durnya ere to. Men daŋ nna a du fanɛ ana nɛ b bela nɛ a daŋ nɛ b kɔ a yɔ nɛ b ya mɔ na nna.