Jowɛl 3:4 - EBƆRƐ BE KAWƆL

⁴ Tayaebi nɛ Sidɔnebi, nɛ menyi kama nɛ men wɔ Filisti be nsawule so na kikɛ; manɛ nɛ menyee sha kewora ma ere? Menyee sha kewora ma n tal to nna ŋko? To, nɛ k la loŋ bre, meeŋ juŋkpar n wora menyi pɔɛŋ nɛ men nya ekpa n wora ma n tal to.

Jowɛl 3:4 ပူးပေါင်းရင်းမြစ်များ

2 Kronikɛls 21:16

Kede be kaman nɛ Enyɛnpe Ebɔrɛ na shin nɛ Filistiebi nɛ Nlɔrbu nɛ b chena m mata Itiopiaebi na ya kɔ Jehoram kena.

Aizaaya 14:29

Filistiebi, men sa maŋ shin nɛ menyi be ŋgbene e fuli menyi ŋkpal kekpabi nɛ k bee gberge menyi kusoe na ka bu to so. Kekpabi butoso na beeŋ ki fanɛ kuwɔ lubi. Kumo be kaman nɛ k ki kusɔ gbeyeso nɛ k du fanɛ laŋchaŋ nɛ k kɔ mbuibi be aba a firgi na.

Aizaaya 34:8

Le be jemanɛ ere nɛ Enyɛnpe Ebɔrɛ na beeŋ kɔ n suge Zayɔn nseŋ sɔ kumo be basa be kɔnɔ ŋ kɔ bumo doŋana.

Aizaaya 59:18

Enyɛnpe Ebɔrɛ na beeŋ gberge mo doŋana nɛ b wɔ kufɔ nɛ bumo nɛ b taga to kikɛ kusoe agbo so, ŋkpal kusɔ nɛ b wora mbe basa so.

Jɛremaya 47:1

Pɔɛŋ nɛ Ijipt be ewura ya kɔ kade nɛ baa tre Gaaza na kena, Enyɛnpe Ebɔrɛ na daŋ kaŋɛ ma nna fanɛ ŋ kaŋɛ Filistiebi na le.

Jɛremaya 47:4

Filistiebi be kemur be saŋɛ fo, saŋɛ fo nɛ bumo be ndegboŋ nɛ baa tre Tayɛ nɛ Sidɔn na e mur nɛ b maaŋ naŋ nya kechɛto. Ma, Enyɛnpe Ebɔrɛ na e naaŋ mur Filistiebi nɛ b shi keplasawule nɛ baa tre Kriit na m ba na.

Jɛremaya 51:6

Men shile n lar Babilɔn be efuli so m mɔlga menyi be efute! Men sa maŋ shin nɛ b mɔ menyi ŋkpal Babilɔn be basa be alubi so. Bumo be kusɔ nɛ b wora na be kasogberge nɛ k daga bumo nɛ mee sa bumo a tal to na.

Jowɛl 2:10

B baa ba, kasawule bee gbuŋgbuŋ nna nɛ awɔlpa bee wora fanɛ a ka bee chicha na, nɛ epeŋi nɛ kufɔl kikɛ malɛ e biri to tuum nɛ achɛkpabi e fuli to ŋ gben.

Jowɛl 2:2

Loŋ be kachɛ na beeŋ biri to le tuum nseŋ bar kagbenejija damta. Kamɔnchɛ beeŋ ba kaa la kachɛ nɛ kusɔ kama beeŋ biri to nna nɛ bɔrɛwɔlpa e biri n sɔ kaplɛkama. Benapo lempo be katuŋgboŋ na beeŋ salga to n sɔ abee na so. Le be kesheŋ ere maŋ naŋ wora ŋ ku so kikɛ, kumo alɛ maaŋ naŋ wora kikɛ mbaanaayɔ.

Matiu 11:21

E yɛ: “Kɔrazinebi, asheŋ maaŋ nyalɛ n sa menyi kikɛ, Bɛtsaidaebi, menyi alɛ gba, asheŋ maaŋ nyalɛ n sa menyi, ŋkpal manɛ so, emamachisheŋ nɛ n wora menyi to ere, nɛ n daŋ wora amo Tayɛ nɛ Saidɔn to nna, ndoŋebi daŋ ta nsunɔ n chaŋ bumo be eyurana so nseŋ buu asɔ a tase fanɛ keeli to ebi a ŋini fanɛ b lar bumo be alubiana to n chɛr.

Matiu 11:22

Amoso, demujiachɛ na asheŋ beeŋ baa bɔ Tayɛ nɛ Saidɔn ebi so a chɔ kananɛ a beeŋ baa du n sa menyi.

Luuk 10:13

Kumo be kaman nɛ Yesu naŋ kaŋɛ: “Kɔrazinebi, asheŋ maaŋ nyalɛ n sa menyi kikɛ. Bɛtsaidaebi, menyi alɛ gba, asheŋ maaŋ nyalɛ n sa menyi, ŋkpal manɛ so, emamachisheŋ nɛ n wora menyi to, nɛ n daŋ wora amo Tayɛ nɛ Saidɔn to nna, ndoŋebiana daŋ ta nsunɔ n chaŋ bumo be eyurana so nseŋ buu asɔ a tase fanɛ keeli to ebi a ŋini fanɛ b lar bumo be alubiana to n chɛr.

Luuk 10:14

Amoso, demujiachɛ na, asheŋ beeŋ ba bɔ Tayɛ nɛ Saidɔn ebi so a chɔ kananɛ a beeŋ ba du n sa menyi.

Luuk 18:7

To, nɛ a ji nuso nɛ Ebɔrɛ bre maaŋ keni mbe basa laraso nɛ b wɔtɔ a shu kapa nɛ kanyɛ a tre mo na be asheŋ to n sa bumo? E beeŋ kini kenu manaŋ n sa bumo a?

Ashuŋ Shunso 9:4

Nɛ e tɔr kasawule nseŋ nu ebɔl ka bee bishi mo: “Sɔɔl, Sɔɔl, manɛ e ba nɛ fee tɔrɔ ma?”

Ditɛronɔmi 32:35

Enyɛnpe Ebɔrɛ na beeŋ sɔ bumo be kɔnɔ so ŋ gberge bumo doŋana na kusoe. Jemanɛ na kaŋ fo baaŋ fɛrge n tɔr; bumo be kemur be kachɛ taga to nna na.

2 Tɛsalɔnikaebi 1:6

Ŋkpal manɛ so, Ebɔrɛ bee wora asɔ nɛ amo be ekpa so nna. Basa nɛ baa tɔrɔ menyi ere, e beeŋ shin nɛ tɔrɔ e ba bumo so.

Demujipoana 11:12

Kumo be kaman nɛ Jɛfta shuŋi mbɔ Ammɔn be ewura kutɔ nɛ b ya bishi mo le: “Manɛ nɛ an wora fo nɛ fo kre kena m ba nɛ fo ba kɔ anyi?”