Jowɛl 3:3 - EBƆRƐ BE KAWƆL

³ B daŋ to beri nna n fin bumo nɛ baaŋ ta Israɛlebi be basa nɛ b pɛ kena to na ŋ ki anya. B daŋ fa n fa bumo be mbinyɛnsobi nɛ mbichesobi fanɛ anya nseŋ ta loŋ be amansherbi na a sha esakaleche ŋko a nuu nsa.

Jowɛl 3:3 ပူးပေါင်းရင်းမြစ်များ

Job be kawɔl 6:27

Menyi ere beeŋ tiŋ m barga amunibi to n sa abar ŋko n fa men nekpaana gba n nya amansherbi!

Ezikɛl 27:13

Fo daŋ naŋ tu Griis nɛ Tubal nɛ Mɛshɛk be efuliana so ebi n ji yawu nɛ bumo alɛ ta anya nɛ danyaŋ be asɔ ko ŋ ka fo kukɔ.

Jowɛl 1:5

Menyi besanuupo ere, men tiŋi edi to nseŋ shu anishichubi! Menyi to be bekama nɛ menyee nuu nsa na, e boŋ to a shu. Men boŋ to a shu ŋkpal men ka maaŋ naŋ nya amo n nuu so.

Eemɔs 2:6

Enyɛnpe Ebɔrɛ yɛ: “Israɛl be basa wora alubi n ya baŋ so, amoso abaanaaworashɛŋ meeŋ gberge bumo kusoe. Baa fa beshenteŋjipo a sɔ amansherbi nna, nsaa fa betirpo malɛ asɛbta katuŋ koŋwuleso be yawu.

Obadaya 1:11

Kachɛ nɛ bedoŋ nɛ b la befɔ daŋ ba bɔla Jeekɔb be kanaŋ to ebi be mbuna to n luri Jerusalɛm to m muu bumo be asɔ kikɛ nseŋ to beri m barga amo to n sa abar na men daa yil jiga a keni bumo. Amoso menyi alɛ gba daa du fanɛ bedoŋ na nna na.

Nahum 3:10

Ama bedoŋ daŋ ba kɔ Tebes nseŋ pɛ kumo be basa n yɔ efuli pɔtɛ so. B daŋ mɔ bumo be mbia nna n nase agbembi so be kukɔlɔ kama so. B daŋ to beri nna m barga bumo be benimugboŋ nɛ b ta ŋgbɛlɛbi ŋ kre na to n sa abar.

Kelaraŋŋini 18:13

Baaŋ shu, ŋkpal manɛ so, b nyi esa kikɛ ka maaŋ naŋ tɔ bumo be ndibi be asɔrso mo nɛ basa kɔ a wora ŋku dufɛsoana na nseŋ naa nyi b ka maaŋ tɔ asɔ nɛ b kɔ a wora ŋku mɛlɛmɛlɛbi nɛ bumo be duwu nɛ mir nɛ fraŋkinsensi nɛ bumo be nsa nɛ ɔlifs be ŋku nɛ nyifu peso nɛ bumo be atuwe nɛ bumo be ana nɛ mbolpɔ nɛ egbaŋɛ nɛ egbaŋɛturkoana nɛ anya, kumo e la fanɛ basa be ayoyu gbagba na.