Jowɛl 3:19 - EBƆRƐ BE KAWƆL

¹⁹ Ijipt be kasawule beeŋ ki kiyi to chil, kakpa nɛ basa maaŋ baa wɔ, nɛ Edɔm be kasawule malɛ kikɛ e jija ŋ ki keshishɛrsawule ŋkpal b ka kɔ Juda be efuli so ebi kena nseŋ mɔ basa nɛ b maŋ wora alubi na so.

Jowɛl 3:19 ပူးပေါင်းရင်းမြစ်များ

Nshɛ 137:7

O Enyɛnpe Ebɔrɛ, nyiŋi kusɔ nɛ Edɔmebi na wora kachɛ nɛ Jerusalɛmebi kɔ n tɔr na. B yɛ: ‘Men bure kadegboŋ na! Men mur kumo kikɛ kuraa!’

Aizaaya 11:14

Baaŋ chɛ abar to ŋ kɔ Filistiebi nɛ b wɔ epeŋitɔrkpa na nseŋ suge basa nɛ b wɔ epeŋilarkpa na be asɔ eleŋso. Bumo alɛ beeŋ kɔ m pɔɔ Edɔm nɛ Mowab be basa so, nseŋ shin nɛ Ammɔn be basa e wora bumo kasonu.

Aizaaya 11:15

Kumo be kaman nɛ Enyɛnpe Ebɔrɛ na e shin nɛ Teku Peper na be keyabi nɛ k mata Ijipt na e wɔlto nseŋ shin nɛ afu tushiso e ba shin nɛ lɔrgboŋ nɛ baa tre Yufreetes na gba e wɔlto ŋ ka mbombi wurbi ashunu nawule. Saŋɛ na so ekama beeŋ tiŋ n nite m bɔla kumo to n choŋ.

Jɛremaya 49:17

Kede be kaman, nɛ Enyɛnpe Ebɔrɛ na naŋ kaŋɛ le: “Kemur nɛ k beeŋ ba Edɔm be efuli so na be asheŋ beeŋ baa keta kufu. Ekama nɛ e beeŋ bɔla ndoŋ a choŋ nseŋ wu kumo, kufu beeŋ pɛ mo nɛ e baa chicha.

Jɛremaya 51:35

Babilɔn be efuli so be basa piira anyi be beko nseŋ mɔ beko malɛ. Naniere, Enyɛnpe Ebɔrɛ, shin nɛ b ka kumo be kukɔ!”

Nfabel 4:21

Menyi Edɔm be efuli so, nɛ Uz be kasawule so be basa, menyi be ŋgbene fuli menyi nna nɛ menyee mushe. Menyeeŋ ji jɛrbi nseŋ ji awurfoŋ ga. Menyeeŋ nite kesaria a jante fanɛ men ka boo nsa na.

Obadaya 1:1

Kusɔ nɛ Enyɛnpetale Ewurgboŋ na kaŋɛ a laŋɛ Edɔm be kaplɛa so nɛ an nu nde: “Men koso n shin nɛ an yɔ nɛ anyi nɛ Edɔmebi e ya kɔ abar kena.”

Habakuk 2:17

Men ku Lebanɔn be kupo to be ndibi n lɛ, naniere baaŋ ku menyi alɛ gba n lɛ. Men mɔ kumo to be asɔbɔya kikɛ nɛ naniere asɔbɔya bee funti menyi. Ŋkpal basa damta nɛ men mɔ nɛ nsawule nɛ ndegboŋana nɛ men mur durnya ere to so nɛ asheŋ ere beeŋ ba menyi so.

Zakareya 10:10

Meeŋ ya keta bumo n shi Ijipt nɛ Asiriya be efuliana so m ba epe, nɛ b ba chena bumo gbagba be kasawule so. Meeŋ shin nɛ b chena Giliad nɛ Lebanɔn be nsawule gba so, n sɔ amo kikɛ so.

2 Tɛsalɔnikaebi 1:6

Ŋkpal manɛ so, Ebɔrɛ bee wora asɔ nɛ amo be ekpa so nna. Basa nɛ baa tɔrɔ menyi ere, e beeŋ shin nɛ tɔrɔ e ba bumo so.