Jowɛl 3:18 - EBƆRƐ BE KAWƆL

¹⁸ Loŋ be kachɛ na ndibi nɛ b kɔ amo be asɔrso a wora nsa na beeŋ wora keshi nɛ asɔbɔya e chase abee so. Juda be efuli so be mbombi malɛ maaŋ naŋ wɔlto kikɛ. Nchu beeŋ shi bɔrɛlambu na to n shile n ya kaa luri ndibi nɛ baa tre akasia nɛ a yil ketaŋɛ to na to.

Jowɛl 3:18 ပူးပေါင်းရင်းမြစ်များ

Job be kawɔl 29:6

N daa nya kenyipochu damta ga nna ashi ma ana nɛ mboe to, nseŋ daa nya ŋku ga ashi ma ɔlif be ndibi be asɔrso to.

Nshɛ 46:4

eboŋ ko wɔtɔ nna a shile boeŋ boeŋ, a bar kagbenefuli ashi Ebɔrɛ be kadegboŋ cheembi nɛ Enyɛnpetale Ebɔrɛ na wɔ kumo be basa to na so.

Ɛksodɔs 3:8

Ŋkpal loŋ so, nɛ ŋ gbelge m ba nɛ m ba mɔlga bumo ashi Ijiptebi na be enɔ to nseŋ lara bumo ashi Ijipt be kasawule so n yɛr bumo kasawule lela nɛ k shi so. Kasawule mo nɛ k kɔ kanya alegaiso nsaa wora ajibi nɛnɛ. Loŋ be kasawule na so nɛ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi tase so na.

Aizaaya 30:25

Kachɛ nɛ menyeeŋ kɔ n suge men doŋana be ebu lempoana nseŋ mɔ bumo be basa na, nɛ mbombi beeŋ shile abee nɛ apreŋ kikɛ so ŋ gbelge to.

Aizaaya 35:6

Ebobi beeŋ nya aya a tɛ to a cha, nɛ eneemu a nya nnɔ a boŋ to kagbenefuliso Mbombi beeŋ fara a shile kiyi to;

Aizaaya 44:3

Meeŋ shin nɛ kasawule nɛ k wɔl a baŋɛ ŋ ki mbombi e shile kumo so. Meeŋ shin nɛ ma kiyoyu e gbelge menyi be mbia so nɛ ma nɛfa e ba menyi be kaman to ebi so.

Aizaaya 45:8

Meeŋ shin nɛ kewora asheŋ niŋiso e shi ebɔrɛso m ba kasawule so fanɛ bɔrɛchu na, m ba shin nɛ kamooji nɛ kashenteŋji e sɔ kaplɛkama. Ma Enyɛnpe Ebɔrɛ na e naaŋ shin nɛ le e wora.

Aizaaya 55:1

Enyɛnpe Ebɔrɛ yɛ: “Ekama nɛ achukoŋ kɔ mo e ba nuu nchu! Ekama nɛ e maŋ kɔ amansherbi gba e ba tɔ ajibi n ji! Men ba tɔ yabra nɛ kenyipochu n nuu nsaa maŋ ka shɛŋ!

Aizaaya 66:11

Ŋkpal manɛ so, kumo be kemaŋkura nɛ kedamaya kikɛ beeŋ suse menyi alɛ gba fanɛ kananɛ kebibi bee nya a nyipo mo nio be anyipo na.

Jɛremaya 31:12

Ma basa beeŋ ba Zayɔn be kebee na so m ba boŋ nshɛ kagbenefuliso, nɛ bumo be ŋgbene e fuli ŋkpal ŋ ka nɛfa bumo so. Meeŋ sa bumo ayu be yiri yiri nɛ yabra nɛ ŋku nɛ mbolpɔ nɛ ana. Israɛl beeŋ baa du fanɛ kudɔbi nɛ k nya nchu nɛnɛ nna, kumo be basa na beeŋ nya kusɔ kama nɛ ketir bumo.

Maika 6:5

Ma basa, men baa nyiŋi kusɔ nɛ Mowab be ewura Balak daŋ kre kewora menyi nɛ kusɔ nɛ Biyɔɔ pibinyɛn Balaam daŋ kaŋɛ mo a laŋɛ menyi be kaplɛa so na. Men naŋ nyiŋi asheŋ nɛ e wora saŋɛ nɛ men lar Shitim a yɔ Gilgaal na nseŋ nyiŋi kananɛ ma, Enyɛnpe Ebɔrɛ na mɔlga menyi ale damta.”

Zakareya 14:8

Kachɛ na kaŋ fo, nchu nɛ a bee sa ŋkpa beeŋ shi Jerusalɛm to a shile. Nchu na be bargato beeŋ baa shile a luri teku nɛ baa tre Teku Wuso na to nɛ bargato malɛ e baa shile a luri kumo nɛ baa tre Mɛditerenia be Teku na to. Ketarso nɛ kechali so kikɛ nɛ nchu na beeŋ baa shile.

Nɔmbɛs 25:1

Saŋɛ nɛ Israɛlebi na daŋ wora bumo be keeyi to ashi kepla nɛ baa tre Akasia na, nɛ bumo be benyɛn ko fara a di Mowab be beche nɛ b wɔ ndoŋ na.