Jowɛl 3:15 - EBƆRƐ BE KAWƆL

¹⁵ Loŋ be kachɛ na, epeŋi nɛ kufɔl beeŋ nyɔ m biri to ŋ ki le tuum, nɛ achɛkpabi e fuli to ŋ gben.

Jowɛl 3:15 ပူးပေါင်းရင်းမြစ်များ

Kaŋinichiŋgeliŋ 12:2

Loŋ be jemanɛ na, epeŋi nɛ kufɔl nɛ achɛkpabi maaŋ naa fuli to nɛnɛ a sa fo, ŋkpal fo anishi ka maa naa wu nɛnɛ so. Nɛ kewora fanɛ bɔrɛwɔlpa ka buu fo so jemanɛ kikɛ na.

Aizaaya 13:10

Kefulto maaŋ naa wɔtɔ, ŋkpal manɛ so achɛkpabi nɛ a wɔ esoso na kikɛ beeŋ fulto ŋ gben nɛ epeŋi e pete nseŋ biri to nɛ kufɔl malɛ gba e fuli to ŋ gben.

Ezikɛl 32:7

Jemanɛ nɛ meeŋ mur fo na kaŋ fo, meeŋ shin nɛ kakpa e buu so nɛ epeŋi nɛ kufɔl nɛ achɛkpabi kikɛ e fulto ŋ gben.

Jowɛl 2:10

B baa ba, kasawule bee gbuŋgbuŋ nna nɛ awɔlpa bee wora fanɛ a ka bee chicha na, nɛ epeŋi nɛ kufɔl kikɛ malɛ e biri to tuum nɛ achɛkpabi e fuli to ŋ gben.

Jowɛl 2:31

Jemanɛ na ya kaa taga to epeŋi beeŋ kilgi m biri to le tuum nɛ kufɔl malɛ e pre to le kpaw fanɛ ŋklaŋ na. Asheŋ ere kikɛ beeŋ wora nna pɔɛŋ nɛ Enyɛnpe Ebɔrɛ be kachɛ nɛ e beeŋ ba na e fo. Kachɛ na kaŋ fo, kufu beeŋ pɛ basa ga.

Matiu 24:29

Etɔrɔ ere be jemanɛ baŋ ba choŋ, k maaŋ chɛr ko nɛ epeŋi e biri to nɛ kufɔl e fuli to ŋ gben. Achɛkpabi beeŋ shi awɔlpa so n tɔr nɛ ebɔrɛso be eleŋana kikɛ e wea abar to.

Maak 13:24

Jemanɛ na so, etɔrɔ ere be kaman epeŋi beeŋ biri to nɛ kufɔl e fuli to ŋ gben.

Kelaraŋŋini 8:12

Ade be kaman nɛ malaika nasopo na malɛ foŋ mbe kabel nɛ kusɔ ko ŋmɛa epeŋi be mba asa be kaba koŋwuleso nɛ kufɔl be mba asa be kaba koŋwuleso nɛ achɛkpabi be ntuŋ nsa be katuŋ koŋwuleso, saŋɛ na so, kefulto be ntuŋ nsa be katuŋ koŋwuleso ki m biri to nɛ karechɛ be ntuŋ nsa be katuŋ koŋwuleso nɛ kanyɛso be ntuŋ nsa be katuŋ koŋwuleso kikɛ paŋ kefulto.