Jowɛl 3:14 - EBƆRƐ BE KAWƆL

¹⁴ Nɛ Anebi Jowɛl kaŋɛ: “Basa ŋgboŋto ŋgboŋto beeŋ ba wɔ ketaŋɛ na to nɛ Enyɛnpe Ebɔrɛ na e ji bumo demu. Enyɛnpe Ebɔrɛ na be kachɛ na be saŋɛ na maaŋ naŋ chɛr nseŋ ba.

Jowɛl 3:14 ပူးပေါင်းရင်းမြစ်များ

Nshɛ 37:13

Ama Enyɛnpe Ebɔrɛ na bee mushe belubiworapo nna, ŋkpal bumo be kasogberge be saŋɛ ka maaŋ chɛr nseŋ ba so.

Aizaaya 13:4

Men kaŋ asoe n nu, awɔr ka bee gbri abee so fanɛ jimaŋ damta na! K du fanɛ efuliana nɛ kuwurgboŋana e naa gama abar so! Enyɛnpetale Ebɔrɛ na e naa gama benapo abar so nɛ b kɔ kena.

Aizaaya 22:1

Kubɔya nɛ k wɔtɔ a laŋɛ ketaŋɛ nɛ baa tre Ebɔrɛdare be Ketaŋɛ na be kaplɛa so nde. Manɛ e naa wora? Manɛ nna nɛ basa nɛ b wɔ kadegboŋ na to bee ji eyur ashi bumo be achoŋi so?

Jowɛl 1:15

Enyɛnpe Ebɔrɛ be kachɛ na taga to. Kachɛ nɛ e beeŋ bar kemur na. Kashenteŋto, kachɛ na maaŋ baa walɛ kuraa!

Jowɛl 2:1

Men foŋ kabel nseŋ ber kenishipereso be dewuro ashi Zayɔn, nɛ k la Ebɔrɛ be kebee cheembi na so. Judaebi, men baa chicha, ŋkpal manɛ so, Enyɛnpe Ebɔrɛ be kachɛ na be saŋɛ fo n loge.

Jowɛl 2:11

Enyɛnpe Ebɔrɛ na bee kaa ponte to nna a juŋkpar mbe benapo, nɛ b kɔ eleŋ nsaa shi nɛ esa maaŋ tiŋ ŋ karga bumo na, nɛ baa nu a sa mo. Yee, Enyɛnpe Ebɔrɛ be kachɛ na beeŋ lubi pasaa! Wanɛ e naaŋ nya ŋkpa loŋ be kachɛ na bre?

Jowɛl 3:12

Nɛ Ebɔrɛ kaŋɛ: “A daga fanɛ efuli pɔtɛana so ebi kikɛ e bela ase m ba Jehoshafat be ketaŋɛ to naniere. Ndoŋ nɛ ma Enyɛnpe Ebɔrɛ na beeŋ chena n ji bumo kikɛ demu.

Jowɛl 3:2

Meeŋ gbargbar efuli pɔtɛana kikɛ so ebi m ba shɛr ketaŋɛ nɛ baa tre Jehoshafat na to n ji bumo demu ŋkpal asɔ lubi kama nɛ b wora ma basa na so. B pesaŋ Israɛlebi na to n wɔtɔ efuli pɔtɛana to nseŋ ta ma kasawule m barga to n sa abar.

Zefanaiya 1:14

Enyɛnpe Ebɔrɛ be kachɛgboŋ na taga to. K fo n loge gba kuraa! K beeŋ baa la kachɛ lubi nɛ benapo lempo nɛ b kɔ kenyɛn ga gba beeŋ baa boŋ to a shu kenishipereso nna.

Filipaiebi 3:2

Men baa de basa nɛ b du fanɛ njɔnɔ na so. Bumo e naa wora alubi nsaa wɔtɔ a sha eyur ere be keku na.

2 Pita 3:7

Kamalga koŋwule na so nɛ naniere be esosoana nɛ kasawule ere wɔtɔ a jo edɛ be keta m mur kumo na. A bee jo demujiachɛ nna, kachɛ nɛ bɔrɛkinipoana beeŋ mur na.