Jowɛl 3:12 - EBƆRƐ BE KAWƆL

¹² Nɛ Ebɔrɛ kaŋɛ: “A daga fanɛ efuli pɔtɛana so ebi kikɛ e bela ase m ba Jehoshafat be ketaŋɛ to naniere. Ndoŋ nɛ ma Enyɛnpe Ebɔrɛ na beeŋ chena n ji bumo kikɛ demu.

Jowɛl 3:12 ပူးပေါင်းရင်းမြစ်များ

2 Kronikɛls 20:26

Kumo be kachɛ nasopo na, nɛ b shɛr Bɛraka be ketaŋɛ na to nseŋ di Enyɛnpe Ebɔrɛ epaŋ ŋkpal kusɔ nɛ e wora so. Amoso nɛ baa tre ketaŋɛ na Bɛraka na. Kumo be kifito ashi Hibruwebi be ŋgbar to e la, kapandi.

Nshɛ 7:6

Enyɛnpe Ebɔrɛ, nya agbo ŋ kpa n niŋi to n tu ma doŋana nɛ b nya agbo ga na; yili to n shin nɛ kashenteŋji e di efuli.

Nshɛ 96:13

n sa Enyɛnpe Ebɔrɛ na. E bee ba nɛ e ba bɔla ekpa niŋiso nɛ kashenteŋ so nna n ji basa nɛ b wɔ durnya to demu.

Nshɛ 98:9

Ŋkpal manɛ so, mo e naa ba nɛ e ba ji kuwura kasawule so. E beeŋ ba bɔla ekpa niŋiso so n ji esa kama nɛ e wɔ kasawule so demu nɛ e maŋ kpɛa ekama to.

Aizaaya 2:4

Enyɛnpe Ebɔrɛ na beeŋ naŋ lɔŋɛ efuligboŋana nɛ kelantokɔ wɔ amo be basa to na nɛ b naaŋ nyalɛ abar so. Kumo be kaman nɛ b ta bumo be etokobi m bɛl ntekpa nseŋ ta bumo be akpa malɛ m bɛl eloji. Efuliana na maaŋ naa ŋini bumo be basa kena be kekɔ kikɛ, ŋko n naaŋ kɔ abar kena gba kuraa.

Aizaaya 22:1

Kubɔya nɛ k wɔtɔ a laŋɛ ketaŋɛ nɛ baa tre Ebɔrɛdare be Ketaŋɛ na be kaplɛa so nde. Manɛ e naa wora? Manɛ nna nɛ basa nɛ b wɔ kadegboŋ na to bee ji eyur ashi bumo be achoŋi so?

Aizaaya 3:13

Enyɛnpe Ebɔrɛ na bela ase nɛ e kaŋɛ kusɔ nɛ k wɔtɔ nseŋ wora shiriya nɛ e ji mbe basa demu.

Ezikɛl 30:3

Kachɛ na taga to, kachɛ nɛ Enyɛnpe Ebɔrɛ na beeŋ gberge fo kusoe na fo nna na, K la kemur nɛ etɔrɔ be kachɛ nna n sa efuliana na.

Ezikɛl 39:11

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Jemanɛ nɛ asheŋ ere kikɛ beeŋ wora na, meeŋ shin nɛ b puli Gɔg ashi Israɛl be kakpa nɛ baa tre Benitepo be Ketaŋɛ to nɛ k dese Teku Wuso na be epeŋilarkpa be kaba so na. Ndoŋ nɛ baaŋ puli Gɔg nɛ mbe benapo kikɛ, saŋɛ na so baaŋ baa tre ketaŋɛ na Gɔg be benapo be Ketaŋɛ.

Jowɛl 3:14

Nɛ Anebi Jowɛl kaŋɛ: “Basa ŋgboŋto ŋgboŋto beeŋ ba wɔ ketaŋɛ na to nɛ Enyɛnpe Ebɔrɛ na e ji bumo demu. Enyɛnpe Ebɔrɛ na be kachɛ na be saŋɛ na maaŋ naŋ chɛr nseŋ ba.

Jowɛl 3:2

Meeŋ gbargbar efuli pɔtɛana kikɛ so ebi m ba shɛr ketaŋɛ nɛ baa tre Jehoshafat na to n ji bumo demu ŋkpal asɔ lubi kama nɛ b wora ma basa na so. B pesaŋ Israɛlebi na to n wɔtɔ efuli pɔtɛana to nseŋ ta ma kasawule m barga to n sa abar.

Maika 4:3

E beeŋ naŋ lɔŋɛ efuliana nɛ a wɔ kufɔ nɛ tatato kikɛ, nɛ kelaŋtokɔ wɔ bumo be kefɛato na nɛ b naŋ nyalɛ abar so. Saŋɛ na so nɛ b ta bumo be etokobi m bel ntekpa nseŋ ta bumo akpa malɛ m bel eloji. Efuliana na maaŋ naa ŋini bumo basa kena be kekɔ kikɛ ŋko n naŋ kɔ abar kena gba kuraa.

Zakareya 14:4

Loŋ be jemanɛ na e beeŋ yili ɔlif be kebee nɛ k wɔ Jerusalɛm be epeŋilarkpa be kaba so na so nɛ k baŋɛ to anyɔ n tɔr ketaŋɛgboŋ nɛ k yili epeŋilarkpa m ba choŋ epeŋitɔrkpa na. Kumo be kaba koŋwule beeŋ tɔr a laŋɛ kelargato be esoso be kaba so nɛ kaba ko malɛ e tɔr a laŋɛ kelargato be kaseto be kaba so.

Kelaraŋŋini 19:11

Ndoŋ nna nɛ n wu ebɔrɛso ka bugi nɛ gbaŋɛ fuful yil. Kumo be ediipo be ketre e la Kebaayɛawora nɛ Kashenteŋ. Ekpa niŋiso nɛ e bee bɔla a ji demu nsaa kɔ kumo a kɔ kena.