Jowɛl 3:11 - EBƆRƐ BE KAWƆL

¹¹ Menyi efuli pɔtɛana so ebi nɛ men kulti nfe ere kikɛ, e wora manaŋ ŋ gbargbar abar.” Kede be kaman nɛ anebi Jowɛl kaŋɛ Ebɔrɛ le: “O Enyɛnpe Ebɔrɛ, shuŋi fo benapo nɛ b kɔ basa ere kena.”

Jowɛl 3:11 ပူးပေါင်းရင်းမြစ်များ

Nshɛ 103:20

Menyi emalaika lempoana, nɛ menyee nu Enyɛnpe Ebɔrɛ be kɔnɔ nsaa wora mo kasonu na kikɛ e kpaŋ mo!

Aizaaya 10:34

Enyɛnpe Ebɔrɛ na e naaŋ ku bumo n lɛ fanɛ kananɛ baa ta kekpanfu a ku ndibi ashi Lebanɔn be kupo to a lɛ na!

Aizaaya 13:3

N tre ma benapo lempoana nɛ b yirda bumo be amu n lar nɛ b ya kɔ kena ŋ gberge basa nɛ n nya agbo n wɔtɔ na kusoe.

Aizaaya 37:36

Ade kikɛ be kaman nɛ Enyɛnpe Ebɔrɛ na shin nɛ mbe malaika yɔ Asiriya be basa be keeyi to n ya mɔ benapo ŋgboŋ kalfa nɛ aduburwa nɛ anu. Kare ka chɛ kachipurdidi, nɛ bumo kikɛ wu a dese!

Jowɛl 3:2

Meeŋ gbargbar efuli pɔtɛana kikɛ so ebi m ba shɛr ketaŋɛ nɛ baa tre Jehoshafat na to n ji bumo demu ŋkpal asɔ lubi kama nɛ b wora ma basa na so. B pesaŋ Israɛlebi na to n wɔtɔ efuli pɔtɛana to nseŋ ta ma kasawule m barga to n sa abar.

Maika 4:12

Ama efuliana ere maŋ nyi kusɔ nɛ k wɔ Enyɛnpe Ebɔrɛ na be nfɛra to. B maŋ nyi fanɛ b gama abar so nna nɛ kasogberge e ba bumo so fanɛ kananɛ baa bri ayu na.

Zefanaiya 3:8

Menyi ere e jo a keni kachɛ nɛ meeŋ wu efuliana na kulubi nseŋ ji amo demu na. N tiŋ n yili kumo fanɛ meeŋ gama efuliana na nɛ kuwurjiana kikɛ abar so nseŋ shin nɛ ma agbo nɛ k bee suse fanɛ edɛ na e ba bumo so. Meeŋ nya agbo ga m mur durnya ere kikɛ.

2 Tɛsalɔnikaebi 1:7

Mo e naaŋ sa anyi nɛ menyi nɛ menyee ji awurfoŋ ere ewushi kachɛ nɛ Enyɛnpe Yesu beeŋ lara mbe kumu ŋ ŋini durnya saŋɛ nɛ mo nɛ mbe emalaika lempo beeŋ shi ebɔrɛso m ba nɛ edɛ chɔɔso

Kelaraŋŋini 19:14

Ebɔrɛso be benapo daŋ buu wajɛ fuful lela nɛ a walɛ so n fuli parr nna n dii egbaŋɛ fuful m bɛ mo so.