Jowɛl 3:1 - EBƆRƐ BE KAWƆL

¹ Enyɛnpe Ebɔrɛ na yɛ: “Loŋ be jemanɛ na, meeŋ nɛfa Jerusalɛmebi ashi Juda be efuli so kikɛ, n shin nɛ asheŋ e naŋ nyalɛ n sa bumo.

Jowɛl 3:1 ပူးပေါင်းရင်းမြစ်များ

Nshɛ 14:7

Israɛl be kumɔlga beeŋ shi Zayɔn nna. Enyɛnpe Ebɔrɛ na e naŋ shin nɛ asheŋ e naa nite nɛnɛ n sa bumo; nɛ Israɛlebi be ŋgbene e fuli bumo ga.

Nshɛ 85:1

O Enyɛnpe Ebɔrɛ, fo e nɛfa fo kasawule nseŋ shin nɛ kusɔ kama nite nɛnɛ n sa Israɛlebi nɛ b la Jeekɔb be kaman to ebi na.

Aŋasa 1:23

Fo daa nu ma kefiɛ so nna, ndafanɛ meeŋ sa fo kasotoji lela nseŋ bugi kagbene n ŋini fo kusɔ nɛ n nyi.

Aizaaya 44:3

Meeŋ shin nɛ kasawule nɛ k wɔl a baŋɛ ŋ ki mbombi e shile kumo so. Meeŋ shin nɛ ma kiyoyu e gbelge menyi be mbia so nɛ ma nɛfa e ba menyi be kaman to ebi so.

Jɛremaya 16:15

Ama baaŋ baa bɔ ntaŋ a kaŋɛ fanɛ ma, Ebɔrɛ nɛ e bee sa ŋkpa e lara Israɛl be basa ashi kelargato be esoso be kaba so be efuli ko so nɛ efuli pɔtɛana nɛ n daŋ tintiŋ bumo n yɔ na so. Ma alɛ beeŋ naŋ bɛta bumo m ba bumo gbagba be efuli nɛ n daŋ ta n sa bumo nananyɛnana na so. Ma, Enyɛnpe Ebɔrɛ e kaŋɛ na.”

Jɛremaya 29:14

Kashenteŋ nɛ mee kaŋɛ na fanɛ menyeeŋ fin ma nseŋ wu ma nɛ ma alɛ e bɛta menyi m ba menyi be kasawule so. Meeŋ chala menyi abar so ashi efuli kama nɛ kaplɛkama nɛ men pesaŋ to n yɔ na, nseŋ bɛta menyi m ba kasawule nɛ n daŋ shin nɛ b pɛ menyi anya kumo so n yɔ efuli pɔtɛ so na so. Ma, Enyɛnpe Ebɔrɛ e kaŋɛ na.”

Jɛremaya 30:18

Ade kikɛ be kaman, nɛ Enyɛnpe Ebɔrɛ na kaŋɛ le: “Meeŋ naŋ bɛta ma basa m ba bumo be kasawule so nseŋ wu bumo be kanaŋ kama to be basa kuwɔr. Baaŋ naŋ lɔŋɛ Jerusalɛm nɛ k bure a dese ere m pɔr, nseŋ pɔr kumo to be ewurkpa n yili kumo be kakpa.

Jɛremaya 30:3

ŋkpal manɛ so, jemanɛ ko bee ba nɛ n naaŋ shin nɛ ma basa nɛ b shi Juda nɛ Israɛl be kuwurgboŋ nɛ k wɔ kelargato be esoso be kaba so na so kikɛ e bɛta m ba kasawule nɛ n ta n sa bumo nanaana na so, n naŋ ba sɔ kumo ŋ ki bumo peya. Ma, Enyɛnpe Ebɔrɛ e kaŋɛ na.”

Ezikɛl 16:53

Kumo be kaman nɛ Enyɛnpe Ebɔrɛ naŋ kaŋɛ Jerusalɛm to be basa le: “Meeŋ naŋ nɛfa Sodɔm nɛ Samɛria nɛ amo be nde kresoana kikɛ to be basa. Ma alɛ beeŋ nɛfa fo alɛ gba be basa ashi Jerusalɛm to,

Ezikɛl 39:25

Ade ere malɛ kikɛ be kaman, nɛ Enyɛnpetale Ebɔrɛ na naŋ kaŋɛ le: “Ama naniere bre meeŋ wu Jeekɔb be kaman to ebi nɛ b la Israɛl be basa na kuwɔr nseŋ shin nɛ b naŋ dii dama. Ma alɛ beeŋ kuŋ ma ketre cheembi na.

Danɛl 12:1

Nɛ Malaika nɛ e buu epiŋi fuful na kaŋɛ le: “Loŋ be saŋɛ na, Maikel nɛ e la emalaika to be enimu nsaa keni fo basa so na beeŋ lar m ba, nɛ etɔrɔ be yiri nɛ a maŋ naŋ ba saŋɛ so nɛ durnya fara kikɛ na e ba. Kumo be jemanɛ kaŋ fo, menyi be efuli so be basa kama nɛ b sibɛ bumo be atre n wɔtɔ Ebɔrɛ be kawɔl na to na beeŋ nya kumɔlga.

Jowɛl 2:29

Loŋ be saŋɛ kaŋ fo, meeŋ shin nɛ ma kiyoyu e ba ma nyɛrbi nɛ mbita kikɛ so.

Eemɔs 9:14

Saŋɛ na so meeŋ naŋ bɛta ma basa m ba bumo be kasawule so. Nɛ b naŋ lɔŋɛ m pɔr bumo be nde nɛ a bure na, nseŋ chena amo to. Baaŋ du asɔrso nɛ baa tre greep na nsaa wora amo be nsa a nu. Baaŋ dɔ ndɔana nsaa ji kusɔ kama nɛ b duu amo to.

Nɔmbɛs 11:29

Nɛ Mosis malɛ kaŋɛ le: “Fee kɔ kukɔrkɔ nna a sa ma a? K daa beeŋ par ma ga fanɛ Enyɛnpe Ebɔrɛ ka beeŋ sa mbe basa kikɛ eleŋ nɛ b baa malga fanɛ anebiana!”

Nɔmbɛs 12:6

Ndoŋ nna nɛ Enyɛnpe Ebɔrɛ kaŋɛ bumo le: “Men kaŋ kusoe n nu ma mmalga ere: Ma e naa bɔla kewuŋkaŋɛ so a lara ma kumu a ŋini anebiana nsaa bɔla edare so a malga bumo kutɔ.

Ditɛronɔmi 30:3

kumo ere Enyɛnpe menyi be Ebɔrɛ na beeŋ wu menyi kuwɔr. Mo alɛ beeŋ naŋ bɛta menyi n shi efuliana nɛ e pesaŋ menyi to n yɔ na so m ba nseŋ shin nɛ men naŋ dii dama.