Jowɛl 2:9 - EBƆRƐ BE KAWƆL

⁹ Baa yarase nna a buu kadegboŋ na nsaa shile a tɛmbaŋ kumo be egbalana. Baa tiŋ a bɔla etokuro to a luri ebuana to fanɛ beyu na.

Jowɛl 2:9 ပူးပေါင်းရင်းမြစ်များ

Ɛksodɔs 10:14

Ndoŋ nna nɛ elotɔr na ba sensaŋ Ijipt be kasawule kikɛ to nseŋ buu efuli na so kikɛ. Bumo be keshi nɛ kulubi be kaduli maŋ naŋ ba kasawule so kikɛ. Bumo alɛ maaŋ naŋ ba kasawule so loŋ kikɛ.

Ɛksodɔs 10:6

Baaŋ luri m bɔlɔ fo nɛ fo beyaasepo nɛ Ijiptebi kikɛ be elaŋana to. K beeŋ baa la kusɔ nɛ men tutoana na ŋko men nanaana gba maŋ naŋ wu ŋ ku so, yili saŋɛ nɛ b ba kasawule ere so kikɛ m ba fo nɛ mbre.” Kumo be kaman nɛ Mosis nɛ Ɛɛrɔn lar ewura Fɛɛro kutɔ.

Jɛremaya 9:21

Luwu bɔla anyi be etokuro to n luri mboŋ lempoana nɛ amo to be keluri du kpakpa na to. K mɔ anyi be mbia n lɛ agbembi so nseŋ mɔ anyi be mbifɔlbi n lɛ alɔnɛ so.

Baru lela nɛ Jɔn kute na 10:1

Yesu e daŋ bɔ keŋasa ere ŋ kaŋɛ: “Ma e kaŋɛ menyi kashenteŋto na fanɛ esa kama nɛ e maa bɔla mbolpɔ be kuluu be kabuna to a luri kuluu na to nsaa bɔla kaboŋ pɔtɛ a tɛ a luri kumo to la eyu nɛ esugepo nna.