Jowɛl 2:30 - EBƆRƐ BE KAWƆL

³⁰ Kumo be kamɔnchɛ, meeŋ sa menyi kefiɛso be etɔɔnɛsheŋ nɛ e shi awɔlpa to nɛ kasawule so. Kumo be jemanɛ so, basa ko be ŋklaŋ beeŋ lar edɛ beeŋ suse n shin nɛ edishi e sɔ awɔlpa to kikɛ.

Jowɛl 2:30 ပူးပေါင်းရင်းမြစ်များ

Jɛnesis 19:28

n ya yili ndoŋ ŋ keni Sodɔm nɛ Gomɔra nɛ ketaŋɛ na to kikɛ be kaba so n wu edishi ka bee kaa kululu kasawule na so fanɛ kananɛ kupuŋ bee chɔɔ nɛ edishi bee lar na.

Sɔlɔmɔn 3:6

Wanɛ e shi keshishɛrsawule so a ba fanɛ edishi ka bee kaa kululu loŋ, nɛ etulale kpakpaso fanɛ mɛr nɛ fraŋkinsensi nɛ eyawujipoana bee fa na be efɛa bɛ mo so loŋ?

Jɛremaya 4:28

Durnya to beeŋ ki fanɛ b kaa bee shu keeli na, nɛ esoso e ki m biri to. Ŋkpal manɛ so, Enyɛnpe Ebɔrɛ na teŋ malga, mo alɛ maaŋ chɛrga mbe nfɛra n leŋi kamalga na. E teŋ yili kusɔ nɛ e beeŋ wora, mo alɛ maaŋ yige kusɔ nɛ e yili na be kewora.

Zakareya 14:6

Loŋ be kachɛ na kaŋ fo, kefulto ŋko awo ŋko kenyɔlɔ maaŋ baa wɔtɔ.

Matiu 24:29

Etɔrɔ ere be jemanɛ baŋ ba choŋ, k maaŋ chɛr ko nɛ epeŋi e biri to nɛ kufɔl e fuli to ŋ gben. Achɛkpabi beeŋ shi awɔlpa so n tɔr nɛ ebɔrɛso be eleŋana kikɛ e wea abar to.

Luuk 21:11

Abembeŋgboŋ beeŋ ba nɛ akoŋ nɛ alɔana e tɔr mboŋ damta. Alemaŋkarsheŋ damta beeŋ shi ebɔrɛso n wora nɛ kufu e pɛ basa ga.

Joshuwa 8:20

Ai be benyɛn na ka gbɛ ŋ keni nɛ bumo be kade kikɛ bee suse edɛ nɛ edishi bee dii a yɔ awɔlpa to. Nɛ b wora cham a maŋ naa nyi kakpa nɛ baaŋ naŋ bɔla ŋ ŋana, ŋkpal manɛ so saŋɛ na so nɛ Israɛlebi nɛ b daŋ ju a yɔ keshishɛrsawule so na malɛ kilgi nɛ b kɔ bumo.

Kelaraŋŋini 18:18

n shu awɔrso ŋkpal b ka wu edɛ mo nɛ a bee chɔɔ mo na be edishi so ŋ kaŋɛ: “Cha, kade mo malɛ e daŋ naŋ fo kadegboŋ ere so?”

Kelaraŋŋini 18:9

Kasawule so be bewura mo nɛ b ji kesakalea nseŋ naŋ tu mo n ji mbe dama na kaŋ wu edɛ mo nɛ a bee chɔɔ mo na be edishi, baaŋ boŋ to n shu anishichubi ŋkpal mo so.

Kelaraŋŋini 8:7

Malaika juŋkparso na ka foŋ mbe kabel nɛ abɔrɛjembubi nɛ edɛ wea ŋklaŋ to m ba wurge kasawule so nɛ kasawule be ntuŋ nsa be katuŋ koŋwuleso chɔɔ nɛ ndibi kikɛ be ntuŋ nsa be katuŋ koŋwuleso chɔɔ nɛ kefitiri bumbuŋ kama chɔɔ.

Demujipoana 20:38

Israɛl be benapo na nɛ bumo nɛ b daŋ ŋana m pugi na daŋ kre nna n yili fanɛ b kaŋ luri kade na to b nya edɛ n wɔtɔ nwuana to,

Demujipoana 20:40

Ama edishi na ka kaa n dii awɔlto nɛ Bɛnjamin be basa na kilgi ŋ keni n wu edishi ka bee kaa bumo be kade na to a yɔ awɔlpa so.