Jowɛl 2:28 - EBƆRƐ BE KAWƆL

²⁸ Nɛ Ebɔrɛ naŋ kaŋɛ le: “Ade kikɛ be kaman, meeŋ shin nɛ ma kiyoyu e ba ekama so nɛ men be mbinyɛnsobi nɛ mbichesobi e fara a bɔ ma kubɔya na nɛ men be benyɛnnimubiana e ba ku edare nɛ men be mbrantiɛbi e baa ku bɔrɛdare.

Jowɛl 2:28 ပူးပေါင်းရင်းမြစ်များ

Aŋasa 1:23

Fo daa nu ma kefiɛ so nna, ndafanɛ meeŋ sa fo kasotoji lela nseŋ bugi kagbene n ŋini fo kusɔ nɛ n nyi.

Aizaaya 32:15

Ama Ebɔrɛ kraa beeŋ naŋ sa anyi mbe kiyoyu. Nsawule pɔso na beeŋ naŋ ki nsawule lela nɛ a kɔ eleŋ nɛ adɔsawule e wora adɔjibi nɛnɛ ga.

Aizaaya 40:5

Saŋɛ na so, Enyɛnpe Ebɔrɛ na be keshi nɛ kemaŋkura beeŋ lar efuli nɛ basa kikɛ e wu kumo. Enyɛnpe Ebɔrɛ na gbagba e nase kumo be kɔnɔ!”

Aizaaya 44:3

Meeŋ shin nɛ kasawule nɛ k wɔl a baŋɛ ŋ ki mbombi e shile kumo so. Meeŋ shin nɛ ma kiyoyu e gbelge menyi be mbia so nɛ ma nɛfa e ba menyi be kaman to ebi so.

Aizaaya 49:26

Mo alɛ beeŋ shin nɛ bumo nɛ baa mɛaŋ menyi na gbagba e mɔ abar nsaa wora asheŋ fanɛ b ka boo na. Saŋɛ na so ekama beeŋ pin fanɛ Enyɛnpe Ebɔrɛ na e la anyi be emɔlgapo. Bumo alɛ beeŋ naŋ pin fanɛ Israɛl be Ebɔrɛ lempo na e kɔ n sɔ mbe basa n yige.”

Aizaaya 49:6

Kede be kaman, nɛ Enyɛnpe Ebɔrɛ naŋ kaŋɛ ma le: “Ma kenya, ŋ kɔ kushuŋgboŋ ko a sa fo. Mannɛ ma basa, Israɛlebi nɛ b ji efute na be kebɛta m ba bumo be eyilikpagboŋ na be kushuŋ nawule nɛ feeŋ shuŋ. Meeŋ shin nɛ efuli pɔtɛana so be basa e bɔla fo so m ba pin ma, saŋɛ na so meeŋ mɔlga bumo alɛ gba.”

Aizaaya 54:13

Ma, Enyɛnpe Ebɔrɛ na gbagba e naŋ ŋini fo basa asheŋ, nseŋ sa bumo kedama nɛ kayurwushi damta.

Jɛremaya 23:25

N nyi kusɔ nɛ anebiana ere bee ku efɛ a kaŋɛ kikɛ. B yɛ ma e naa sa bumo ma abɔya ashi bumo be edareana nɛ ebɔrɛdare to.

Jɛremaya 23:28

Anebi kama nɛ e ku edare, e kaŋɛ fanɛ edare nɛ e ku. Anebi kama malɛ nɛ e nu ma kubɔya, e bɔ kubɔya na kashenteŋ be ekpa so. Ŋkpal manɛ so, kananɛ amimi kɔr ayu to na aloŋ nɛ edimɛdi be edare kɔr Ebɔrɛ be kubɔya to.

Ezikɛl 36:27

Ma alɛ beeŋ ta ma kiyoyu n wɔtɔ menyi to nseŋ shin nɛ men bɛ ma mbraana nɛ keŋini kikɛ so kenishipereso.

Ezikɛl 37:14

Ma kiyoyu beeŋ sa bumo efute nɛ b nya ŋkpa m ba kaa wɔ bumo gbagba be kasawule so. Ndoŋ nɛ baaŋ pin fanɛ ma e la Enyɛnpe Ebɔrɛ nɛ n nase kɔnɔ fanɛ meeŋ wora loŋ na. Ma, Enyɛnpe Ebɔrɛ na e kaŋɛ na.”

Ezikɛl 39:29

Ma alɛ maaŋ naaŋ lar Israɛl be basa na kaman kikɛ, ŋkpal manɛ so, meeŋ ta ma kiyoyu n wɔtɔ bumo to. Ma, Enyɛnpetale Ebɔrɛ na e kaŋɛ na.”

Danɛl 7:1

Bɛlshaaza ka ji Babilɔn be kuwura be kafɛ sososo to nɛ ma Danɛl dese kanyɛso ŋ ku bɔrɛdare nseŋ sibɛ kumo n nase.

Zakareya 12:10

Ma, Enyɛnpe Ebɔrɛ na beeŋ shin nɛ kuwɔrwu nɛ kabɔrɛkule be kiyoyu e gbelge m ba ewura Deevid be kamanebi nɛ basa nɛ b wɔ Jerusalɛm to na kikɛ so. Baaŋ to kenishi n wu esa nɛ b da mo kekpa m mɔ na nseŋ shu mbe keeli fanɛ kananɛ baa shu ebi koŋwule be keeli na, nseŋ wora kuwɔr be asheŋ fanɛ esa nɛ e paŋ mbe wurkoŋnyɛn na.

Nɔmbɛs 11:17

Meeŋ gbelge m ba ndoŋ m ba malga menyi kutɔ, nseŋ sa bumo eleŋ nɛ n sa fo na, saŋɛ na so baaŋ baa chɛ fo to a keni ma basa so nɛ esulɔ na maaŋ naa la fo nawule peya.

Nɔmbɛs 12:6

Ndoŋ nna nɛ Enyɛnpe Ebɔrɛ kaŋɛ bumo le: “Men kaŋ kusoe n nu ma mmalga ere: Ma e naa bɔla kewuŋkaŋɛ so a lara ma kumu a ŋini anebiana nsaa bɔla edare so a malga bumo kutɔ.

Luuk 1:67

Nɛ Kiyoyu Cheeŋ na bɔlɔ Jɔn mo tuto Zakareya to nɛ e wu le be kubɔya ŋ kaŋɛ:

Luuk 3:6

Durnya kikɛ malɛ beeŋ wu kananɛ Ebɔrɛ be kumɔlga be kakɛ na du.’ ”

Baru lela nɛ Jɔn kute na 7:39

Yesu daŋ malga le nna a ŋini Kiyoyu nɛ bumo nɛ baaŋ yirda mo na beeŋ ba nya kachako na be asheŋ. Amo be saŋɛ na so malɛ kikɛ nɛ b maŋ naŋ shin nɛ Kiyoyu na ba, ŋkpal manɛ so, saŋɛ na so b maŋ naŋ maŋ Yesu so n sa mo kemaŋkura.

Ashuŋ Shunso 2:33

Ebɔrɛ shin nɛ e tiŋi luwu to n ya chena mbe jisoso, ebunyampo be kakpa nseŋ shin nɛ e nya Kiyoyu Cheeŋ nɛ Etuto na nase kɔnɔ fanɛ e beeŋ sa na. Asɔ nɛ menyee wu nsaa nu naniere malɛ kikɛ la mbe kakɛ nna.

Ashuŋ Shunso 2:39

Ŋkpal manɛ so, kumo be loŋ be kɔnɔ nɛ Enyɛnpe Ebɔrɛ daŋ nase n sa menyi nɛ menyi be mmantoebi nɛ basa pɔtɛ nɛ b maŋ taga to nfe ere na kikɛ, bumo e la bumo nɛ Enyɛnpe Ebɔrɛ bee tre a ba mo kutɔ na.”

Ashuŋ Shunso 21:9

E daa kɔ mo gbagba be mbichebi kurgeso bena. B daa la anebicheana nna a wɔtɔ a maŋ kil.

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.

Hibruwebi 1:1

Dra na Ebɔrɛ daŋ bɔla anebiana so nna m malga ale damta ashi ekpa damtaana so n sa an nananyɛnana.

1 Samuɛl 19:20

nseŋ shuŋi basa fanɛ b ya pɛ Deevid m ba. Basa na ka yɔ Raama nɛ b ya wu anebiana be katuŋ ko nɛ bumo nɛ Samuɛl nɛ e la bumo kikɛ be enimu na bee wu abɔrɛsheŋ a malga. Ndoŋ nna nɛ Ebɔrɛ be kiyoyu na ba luri Sɔɔl be basa na gba to nɛ bumo alɛ gba fara a wu asheŋ a malga.

1 Samuɛl 19:21

Sɔɔl ka nu loŋ na nɛ e naŋ shuŋi mbɔ damta ko ndoŋ nɛ bumo alɛ gba fara a wu abɔrɛsheŋ a malga. Nɛ e naŋ shuŋi mbɔ be katuŋ sasopo, nɛ bumo alɛ gba ya wora loŋ koŋwule na.

1 Samuɛl 28:6

ndoŋ nna nɛ e bishi Enyɛnpe Ebɔrɛ kusɔ nɛ k daga e ka wora. Ama Enyɛnpe Ebɔrɛ daa maŋ kaŋɛ mo shɛŋ. E daa maŋ bɔla edare so ŋko bɔrɛmatapo so ŋko anebi so m malga n sa mo.