Jowɛl 2:26 - EBƆRƐ BE KAWƆL

²⁶ Naniere, menyeeŋ nya ajibi damta n ji m moɛ, nseŋ fara a di men Nyɛnpetale Ebɔrɛ nɛ e wora emamachisheŋ n sa menyi na epaŋ. Kashenteŋto esa kama maaŋ naŋ fɛl ma basa.

Jowɛl 2:26 ပူးပေါင်းရင်းမြစ်များ

Jɛnesis 33:11

Amoso, jande sɔ kakɛ nɛ n ta n shuŋi a sa fo ere, ŋkpal manɛ so, Ebɔrɛ wu ma kuwɔr ga n sa ma kusɔ kama nɛ k daga ma.” Ŋkpal Jeekɔb ka mata Isɔɔ so ga so nɛ e sɔ kakɛ na.

Nehemaya 9:25

Kumo be kaman nɛ b suge ndegboŋ nɛ egbalana kulti na nɛ adɔsawule nɛ e walɛ. B daŋ suge nwu nɛ basa daa wɔ amo to nɛ atirbu nɛ b kur n laa to a saŋ nchu, nɛ ndibi sɔrso be adɔana, nɛ ɔlifs be ndibi be adɔana nɛ ndibi sɔrso damtaana nna. B daa ji nna a moɛ nseŋ daa ji eyur ŋkpal fo enɛfa damta so.

Nshɛ 103:5

Karechɛ kikɛ e bee sa anyi asɔ nɛ a tir anyi nna, nsaa shin nɛ anyee nya eleŋ a ti so fanɛ kusore fɔlbi na.

Nshɛ 116:7

Ŋkpal Enyɛnpe Ebɔrɛ na ka wora ma kelela so, shɛŋ be asheŋ maŋ naa fɔŋ ma ashi ma kagbene to.

Nshɛ 13:6

Enyɛnpe Ebɔrɛ, meeŋ boŋ kashɛ m maŋkura fo, ŋkpal fo ka wora ma kelela so.

Nshɛ 22:26

Betirpo beeŋ ji m moɛ, nɛ bekama nɛ baa bunyaŋ fo na e chɔrɔ fo. Shin nɛ asheŋ e baa nyalɛ a sa bumo saŋkama.

Nshɛ 37:19

B maaŋ ji awurfoŋ jɛrbi be saŋɛ. Akoŋ be jemanɛ malɛ, bumo ere beeŋ baa kɔ ajibi yɛlyɛla so.

Nshɛ 67:5

Shin nɛ ekama e fur fo awɔrso.

Nshɛ 72:18

Anyee kpaŋ fo, Enyɛnpe, Israɛl be Ebɔrɛ na nna. Fo nawule e naa tiŋ a wora emamachisheŋ.

Aŋasa 13:25

Basa niŋiso kɔ ajibi saŋkikɛ nna a ji, ama belubiworapo bre nɛ akoŋ e wɔ aya.

Sɔlɔmɔn 5:1

M ba ma kudɔbi to, ŋ jipo, nɛ ma kejafɔ. N chala ma etulale nɛ asɔ dufɛso Ŋ ji ma mushoŋkɔrfɔ nɛ mushoŋchu; nseŋ nuu ma nsa belbelso nɛ kenyipochu. Ji nseŋ nu kanaŋkama so nɛ fee sha; shin nɛ kasha e boo fo.

Aizaaya 25:1

Enyɛnpe Ebɔrɛ, fo e la ma Ebɔrɛ; Meeŋ maŋkura fo nseŋ kpaŋ fo ketre. Fo e wora emamachisheŋ nɛ a bee mɔ kɔnɔ; fo alɛ e ta kashenteŋji n shin nɛ fo ŋkre nɛ fo wora dra na kikɛ bɔlɔ so.

Aizaaya 29:22

Amoso kusɔ nɛ Enyɛnpe, Israɛl be Ebɔrɛ nɛ e mɔlga bumo nananyɛn Eebraham dra dra na ashi etɔrɔ to na kaŋɛ nde: “Menyi ma basa maaŋ naŋ ji anishinyɔr kikɛ, nyɔmɔ malɛ maaŋ naŋ mɔ menyi.

Aizaaya 45:17

Ama Enyɛnpe Ebɔrɛ na mɔlga Israɛl be basa bre, nɛ b kɔ m pɔɔ so mbaanaayɔ. Bumo be basa malɛ maaŋ ŋaba kikɛ.

Aizaaya 49:23

Bewura beeŋ ki fanɛ betuto n sa fo; nɛ bewurche e ki fanɛ benio n sa fo. Baaŋ jɔŋɛ fo ase nseŋ bunyaŋ fo. Kumo be kaman nɛ b bar bumo be amu kaseto n sa fo. Saŋɛ na so, feeŋ pin fanɛ ma e la Enyɛnpe Ebɔrɛ na. Esa kama nɛ e yirda ma, maaŋ ji anishinyɔr kikɛ.

Aizaaya 54:4

Men sa maa ŋana kufu ŋko anishinyɔr. Menyi alɛ e sa maŋ pɔ aba kikɛ. Men teŋ menyi be kebifɔlbi to be asheŋ lubi na so. Men sa maŋ shin nɛ menyi be kebaawɔtɔ nɛ k du fanɛ ekulpoche be kebaawɔtɔ na e baa keta menyi nyɔmɔ.

Aizaaya 55:2

Manɛ nna nɛ menyee jija amansherbi asɔ nɛ a maŋ la ajibi so? Manɛ nna nɛ menyee shuŋ ga a fin asɔ nɛ a maaŋ chɛ menyi to? Men nu asɔ nɛ mee kaŋɛ menyi ere nseŋ wora amo nseŋ nya ajibi kikɛ to be alela n ji.

Levitikɔs 25:19

Kasawule na beeŋ wora adɔjibi nɛnɛ nɛ fo nya asɔ nɛ fee sha kikɛ a ji yɛlyɛla nsaa wɔ kayurwushi to.

Levitikɔs 26:26

Meeŋ ti ekpa nɛ menyee bɔla so a nya ajibi na, saŋɛ na so beche kudu beeŋ baa tɔ bumo be ebodobodo ashi ebodobodo be ebu koŋwule to. Baŋ baa karga amo nna a sa ekama, nɛ men we amo n loge gba, men kraa maaŋ moɛ.

Levitikɔs 26:5

Menyi be adɔjibi beeŋ wora hale nɛ men buri aboyu loŋ n ya luri waindibi be asɔrso be kechuge be jemanɛ to. Menyi alɛ beeŋ baa kraa chuge waindibi be asɔrso aboyu be keduu be jemanɛ gba. Menyi beeŋ nya ajibi kama nɛ menyee sha a ji nɛ shɛŋ maaŋ tɔrɔ menyi ashi menyi be kasawule na so.

Maika 6:14

Menyeeŋ ji ajibi, ama menyi alɛ maaŋ moɛ. Menyeeŋ chala asɔ n yili, ama menyi alɛ maaŋ baa kɔ mpetɛ nɛ a yil. Ma, Enyɛnpe Ebɔrɛ na beeŋ shin nɛ bedoŋ e ba kɔ n suge amo kikɛ.

Zefanaiya 3:11

Jemanɛ na kaŋ fo, anishinyɔr maaŋ pɛ menyi nɛ men la ma basa ŋkpal men ka daŋ kini ma nseŋ lar ma kaman na so. Ŋkpal manɛ so, meeŋ ju bekama nɛ b kɔ kamoowu nɛ ŋkpensheŋ be kebaawɔtɔ ashi menyi to, saŋɛ na so menyi maaŋ naŋ kini ma nseŋ lar ma kaman ashi ma kebee cheembi na so.

Zakareya 9:15

Enyɛnpetale Ebɔrɛ na beeŋ baa kuŋ mbe basa, nɛ b kɔ m pɔɔ bumo doŋana so m mur bumo. Baaŋ baa wora awɔr kena to fanɛ basa boo so nseŋ shin nɛ ŋklaŋ e lar bumo doŋana be eyurana so a shile fanɛ kananɛ bɔrɛmatapo bee chulgi sarga be asɔbɔya be ŋklaŋ a wurge bɔrɛsure na so na.

Zakareya 9:17

Baaŋ baa walɛ kebita kashenteŋto! Mbifɔlbi beeŋ daŋ a kɔ eleŋ nɛnɛ ŋkpal b ka beeŋ nya aboyu damta a ji nsaa nya yabra popɔr a nuu so.

Romebi 10:11

Loŋ malɛ nɛ abɔrɛsibɛ na bee kaŋɛ na fanɛ: “Esa kama nɛ e yirda mo maa ji anishinyɔr kikɛ.”

Romebi 5:5

Ebɔrɛ bɔla Kiyoyu Cheeŋ nɛ e la Ebɔrɛ be kakɛ nɛ e kɔ a sa anyi na so nna n ta mbe kasha m bɔlɔ anyi be ŋgbene to.

Romebi 9:33

Kumo be asheŋ nɛ abɔrɛsibɛ na bee kaŋɛ fanɛ Ebɔrɛ kaŋɛ le na: “Men keni, kejembu nɛ n ta n nase Zayɔn nɛ k bee shin nɛ basa bee fiti kumo na, kumo e la fanɛ kefalta nɛ baaŋ fiti n tɔr na. Ama ekama nɛ e yirda mo Yesu na bre maaŋ ji anishinyɔr kikɛ.”

Ditɛronɔmi 11:15

nɛ menyi be asɔbɔya e baa nya afitiri lela damta a ji. Menyi alɛ gbagba beeŋ nya ajibi nɛ menyee sha.

Ditɛronɔmi 12:12

Men shin nɛ menyi nɛ menyi be mbia nɛ nyɛrbi nɛ Livai be yiri to be basa nɛ b wɔ menyi be ndeana to na be ŋgbene e fuli menyi ashi Enyɛnpe Ebɔrɛ na be anishito. Men baa nyiŋi fanɛ Livai be yiri to be basa na maaŋ baa kɔ bumo gbagba be kasawule.

Ditɛronɔmi 12:18

Menyi nɛ menyi be mbia nɛ menyi be nyɛrbi nɛ Livai be yiri to be basa nɛ b wɔ menyi be ndeana to na beeŋ baa ji esarga ŋko ŋkɛana ere ashi kakpa nɛ Enyɛnpe menyi be Ebɔrɛ na beeŋ lara n yili fanɛ kakpa nɛ menyeeŋ baa shuŋ mo na nna. Kumo alɛ daga fanɛ menyi be ŋgbene e baa fuli menyi a laŋɛ kusɔ kama nɛ menyeeŋ baa wora ashi ndoŋ na so nna.

Ditɛronɔmi 12:7

Enyɛnpe menyi be Ebɔrɛ nɛ e nɛfa menyi na be anishito nɛ menyi nɛ menyi be kaman to ebi beeŋ baa ji asɔ lela nɛ menyeeŋ shuŋ n nya ndoŋ na.

Ditɛronɔmi 8:10

Ade be kaman, menyeeŋ nya asɔ kama nɛ menyee sha n ji nseŋ ta kechɔrɔ n sa Enyɛnpe menyi be Ebɔrɛ na ŋkpal e ka sa menyi kasawule lela so.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.

1 Jɔn 2:28

To, naniere ma mbi shasoana, men baa kraa wɔ mo to, saŋɛ na so, e kaŋ ba, anyi maaŋ baa shika to kikɛ, anyi alɛ maaŋ naŋ ji anishinyɔr mbe anishito ŋkpal menyi so.