Jowɛl 2:23 - EBƆRƐ BE KAWƆL

²³ Zayɔnebi, men shin nɛ men be ŋgbene e fuli menyi ŋkpal kusɔ nɛ Enyɛnpe, men be Ebɔrɛ na wora n sa menyi na so. E sa menyi dɔchubɔrɛso be bɔrɛ nɛ bɔrɛchu lela nɛ a shin nɛ men be adɔjibi wora nɛnɛ fanɛ kananɛ a chɛr a wora na.

Jowɛl 2:23 ပူးပေါင်းရင်းမြစ်များ

1 Bewura 8:36

kumo ere, Enyɛnpe Ebɔrɛ, yili esoso n nu bumo be kekule nseŋ ta fo basa Israɛlebi be alubi m paŋ bumo nseŋ ŋini bumo kusɔ nɛ k daga, n shin nɛ bɔrɛ e ba fo kasawule nɛ fo ta n sa fo basa fanɛ bumo be kapetɛ mbaanaayɔ ere so.

Job be kawɔl 33:23

Ashere Ebɔrɛ be emalaika ŋgboŋ to ŋgboŋ to nɛ baa nyiŋi edimɛdi kusɔ nɛ k daga na be eko e naaŋ ba chɛ bumo to.

Job be kawɔl 37:13

Mo e naa shin nɛ bɔrɛ bee ba kasawule so nɛ kakpa bee wushi. E beeŋ tiŋ n shin nɛ k ba ŋ gberge basa kusoe, mo alɛ beeŋ naŋ tiŋ n shin nɛ k ba a ŋini mbe kasha.

Nshɛ 104:34

Mee tama fanɛ ma nfɛra fɛso beeŋ baa par fo, ŋkpal manɛ so, ma kagbene fuli fo so.

Nshɛ 147:8

Mo e naa shin nɛ abɔrɛwɔlpa bee salga to a buu kaplɛkama so; nɛ bɔrɛ bee ba kasawule so a shin nɛ afitiri bee kɔr abee so.

Nshɛ 149:2

Israɛl be basa, men shin nɛ menyi be ŋgbene e fuli menyi ŋkpal menyi be etopo na so; menyi Jerusalɛm to be basa malɛ e ji eyur ŋkpal menyi be ewura so!

Nshɛ 28:7

Enyɛnpe Ebɔrɛ na e naa sa ma eleŋ nsaa kuŋ ma. N yirda mo kashenteŋto. E chɛ ma to n shin nɛ ma kagbene fuli ma. Amoso meeŋ ji eyur nseŋ boŋ nshɛ n di mo epaŋ.

Nshɛ 32:11

Amoso, menyi bekama nɛ menyee wora asheŋ niŋiso na; e shin nɛ men be ŋgbene e fuli menyi nɛ men ji eyur; ŋkpal kusɔ nɛ Enyɛnpe na wora so. Menyi nɛ menyee wora mo kasonu na e boŋ nshɛ kagbenefuliso.

Nshɛ 84:6

Jemanɛ kikɛ nɛ b baŋ ya kaa bɔla ketaŋɛ wɔlso nɛ baa tre Baka na to, k bee ki kebuye nna a shile. Kpanchali so be bɔrɛ gba bee shin nɛ k bee bɔlɔ nchu nna a shile.

Aŋasa 16:15

Ewura be kagbenefuli bee bar ŋkpa nna nɛ mbe kasha malɛ du fanɛ dɔchubɔrɛso be bɔrɛ.

Aizaaya 30:21

Nɛ fanɛ men foe ekpa a yɔ jisoso ŋko bena so gba, menyeeŋ nu mbe ebɔl menyi be kamanto ka bee kaŋɛ le: “Ekpa na nde. Men bɔla kumo so.”

Aizaaya 30:23

Ade be kaman, jemanɛ kikɛ nɛ men duu asɔ, Enyɛnpe Ebɔrɛ na beeŋ shin nɛ bɔrɛchu e ba nɛ a kɔr n daŋ nseŋ wora nɛnɛ nɛ men teŋi. Men be asɔbɔya malɛ gba beeŋ nya ejikpa damta a ji.

Aizaaya 41:16

Kumo be kaman nɛ men ta amo n lɛ afu to nɛ afu na e sulɔ amo n ya lɛ. Afugboŋ beeŋ pesaŋ amo to n sɔ kaplɛkama. Saŋɛ na so menyi be ŋgbene beeŋ fuli menyi ŋkpal ŋ ka la men be Ebɔrɛ so. Kede be kaman nɛ men kpaŋ ma nɛ n la Israɛl be Ebɔrɛ cheembi na.

Aizaaya 61:10

Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Jɛremaya 3:3

Amoso nɛ ewule bee yili nɛ bɔrɛ maa ba na. Ama kananɛ sakaleche maŋ kɔ nyɔmɔ na nɛ menyi alɛ gba maŋ kɔ nyɔmɔ a laŋɛ kusɔ nɛ men wora na be kaplɛa so.

Jɛremaya 5:24

Men kini kekaŋɛ le: ‘Men shin nɛ an shuŋ Enyɛnpe Ebɔrɛ na! Mo e naa shin nɛ dɔchubɔrɛ so nɛ kpaŋchala so be bɔrɛ bee ba nɛ anyee nya a dɔ a teŋi kafɛ kikɛ na.’

Nfabel 4:2

Jerusalɛm be mbrantiɛfɔlbi daa du fanɛ shuwa n sa anyi nna; ama naniere bumo e ki fanɛ ebɔ be mpuliya nɛ ekama bee keni jiga na.

Ezikɛl 34:26

Ade be kaman, meeŋ nɛfa bumo nseŋ shin nɛ b baa wɔ ma kebee cheembi na ase nɛ n sa bumo bɔrɛchu lela jemanɛ nɛ k daga nsaa la nɛfa na.

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Levitikɔs 26:4

meeŋ shin nɛ bɔrɛ e baa ba menyi jemanɛ nɛ k daga, saŋɛ na so adɔjibi beeŋ baa wora nɛnɛ nɛ ndibi e baa sɔr nɛnɛ kasawule na so.

Eemɔs 4:7

Saŋɛ so nɛ k daga men be asɔduuso ka nya bɔrɛ nɛnɛ na, nɛ mee pɛ bɔrɛ a keta. Ma e naa shin nɛ bɔrɛ bee ba. Ma alɛ e naa shin nɛ bɔrɛ bee ba kade ko to nsaa yige kuko, ŋko a ba ndɔ ko to a yige kuko nɛ k bee wɔl.

Zakareya 10:1

Men kule Enyɛnpe Ebɔrɛ na bɔrɛchu kechali so. Mo e naa shin nɛ bɔrɛ bee mɔl a ba, a shin nɛ kasawule so bee nya kayul nɛ asɔduu bee kɔr a wora nɛ edimɛdi bee nya a ji.

Zakareya 10:7

Israɛl be basa na beeŋ baa kɔ eleŋ fanɛ benapo, nsaa kɔ kagbenefuli fanɛ eyabra nuupo. Bumo be kaman to ebi beeŋ baa nyiŋi kekɔmpɔɔso ere nɛ bumo be ŋgbene a fuli ŋkpal kusɔ nɛ Enyɛnpe Ebɔrɛ na wora so.

Zakareya 9:13

Meeŋ ta Judaebi fanɛ enapo be keta na, nseŋ ta Israɛlebi malɛ fanɛ ma atanyembi.” Ma alɛ beeŋ naŋ ta Zayɔn be basa fanɛ ma tokobi, ŋ kɔ Griikebi kena.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Ashuŋ Shunso 14:17

Ama jemanɛ kikɛ, mo alɛ bee wora asɔ lela damta nna a ŋini menyi esa nɛ e la mo. Mo e naa sa menyi bɔrɛchu nɛ adɔjibi jemanɛ nɛ a daga. Mo e naa sa menyi ajibi jiso nsaa shin nɛ kagbenefuli bee bɔlɔ menyi to.”

Ditɛronɔmi 11:14

Nɛ menyee wora loŋ, e beeŋ shin nɛ bɔrɛ e ba jemanɛ nɛ k daga menyi be kasawule so, kumo e la fanɛ dɔchubɔrɛso nɛ kechalaso be bɔrɛ beeŋ ba nɛnɛ n sa menyi, saŋɛ na so menyeeŋ dɔ n nya ayu nɛ yabra belbelso nɛ ɔlif be ŋku nɛnɛ,

Ditɛronɔmi 28:12

Mo koŋwule na beeŋ bugi ebɔrɛso be mbuna n shin nɛ bɔrɛ e ba menyi jemanɛ nɛ k daga nseŋ nɛfa menyi be ashuŋ. Saŋɛ na so, efuli damtaana be basa beeŋ baa ba menyi kutɔ m ba ka paŋ menyi amansherbi ama menyi ere maaŋ yɔ efuli kikɛ so n ya paŋ shɛŋ.

Ditɛronɔmi 32:2

Ma keŋini beeŋ ba fanɛ bɔrɛchu nɛ kasawule e pɔ fanɛ bunyaŋ ka tɔr. Ma mmalga beeŋ tɔr to fanɛ bɔrɛ ka bee ba asɔduuso popɔrbi so ŋko fanɛ bɔrɛ ka bee furi afitiri wurbi so.

Filipaiebi 3:1

Ŋ kurgepoana, ma lalaloge be kamalga nde fanɛ Enyɛnpe e sa menyi kagbenefuli nɛnɛ. Kashenteŋto, ma kenaŋ n sibɛ asheŋ koŋwule ere gbagba n sa menyi maŋ tir ma, kumo be loŋ malɛ e naaŋ chɛ menyi to gba.

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.