Jowɛl 2:21 - EBƆRƐ BE KAWƆL

²¹ Ŋkpal Enyɛnpe Ebɔrɛ ka wora asɔgboŋ n sa menyi so menyi be ndɔana gba nya nɛfa nɛ amo be ŋgbene fuli amo nɛ a bee ji eyur.

Jowɛl 2:21 ပူးပေါင်းရင်းမြစ်များ

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

Nshɛ 71:19

O Ebɔrɛ, fo kebaawɔtɔ niŋiso shi ga, k salga to hale n ya fo awɔlpa to. Fo e wora asheŋgboŋ ga, esa kikɛ maŋ du fanɛ fo.

Nshɛ 98:8

Shin nɛ elɔrana e baa gbri fanɛ a ka bee kpla enɔ na, nɛ abeebi so e baa gbri fanɛ a ka bee cha abar a boŋ nshɛ kagbenefuliso ashi Enyɛnpe Ebɔrɛ be anishito.

Aizaaya 35:1

Kiyi be kagbene beeŋ fuli kumo, nɛ ndibi be atoto e purge ashi kasawule nɛ k dese jiga so.

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 44:23

Men kaŋɛ esoso nɛ kasawule kikɛ fanɛ a fara a boŋ nshɛ! Men naŋ kaŋɛ abee nɛ kupo to be ndibi kikɛ fanɛ amo alɛ gba e baa shuli nshɛ na so! Enyɛnpe Ebɔrɛ na mɔlga mbe basa Israɛlebi, n shin nɛ mbe kemaŋkura dii efuli ashi Israɛl be efuli so.

Aizaaya 54:4

Men sa maa ŋana kufu ŋko anishinyɔr. Menyi alɛ e sa maŋ pɔ aba kikɛ. Men teŋ menyi be kebifɔlbi to be asheŋ lubi na so. Men sa maŋ shin nɛ menyi be kebaawɔtɔ nɛ k du fanɛ ekulpoche be kebaawɔtɔ na e baa keta menyi nyɔmɔ.

Aizaaya 55:12

Kagbenefuli nɛ menyeeŋ ta n lar Babilɔn be efuli so, nseŋ lar kadegboŋ na to nɛ kayurwushi. Abeegboŋ nɛ abeebi beeŋ baa boŋ nshɛ a sa menyi, nɛ ndibi malɛ e baa kpla enɔ a wɔtɔ.

Jɛremaya 33:3

Men kule ma nɛ n nu menyi be kekule nseŋ kaŋɛ menyi asheŋgboŋ nɛ menyi maŋ nyi nsaa maaŋ tiŋ m pin amo to na.

Hoziya 2:21

Loŋ be saŋɛ na kaŋ fo, meeŋ nu menyi be kabɔrɛkule nseŋ shin nɛ bɔrɛ e ba kasawule ere so.

Jowɛl 2:20

Meeŋ ju benapo be katuŋgboŋ, nɛ b shi kelarga to be esoso m ba fanɛ elotɔr na, ashi menyi to n ya lɛ keshishɛrsawule so kiyi to chil. Meeŋ ju bumo be bejuŋkparpoana n yɔ Teku Wuso na to nseŋ shin nɛ bumo be bemantopo na malɛ e yɔ Mɛditerenia be teku to, n ya wu mbɛ a dufɛ.”

Jowɛl 2:26

Naniere, menyeeŋ nya ajibi damta n ji m moɛ, nseŋ fara a di men Nyɛnpetale Ebɔrɛ nɛ e wora emamachisheŋ n sa menyi na epaŋ. Kashenteŋto esa kama maaŋ naŋ fɛl ma basa.

Zakareya 8:15

Ama naniere mee kre kenɛfa Jerusalɛm to nɛ Juda be efuli so ebi nna. Amoso men sa maa lɔ kufu.

Ditɛronɔmi 4:32

Men bishi asheŋ to nɛnɛ a laŋɛ dra na be kaplɛa so. Kumo e la fanɛ pɔɛŋ nɛ b kurge menyi na hale n ya fo jemanɛ nɛ Ebɔrɛ to edimɛdi na nseŋ to kenishi ŋ keni durnya ere kikɛ to, kusɔ gboŋgboŋi ko fanɛ kede daŋ wora kikɛ a? Esa daŋ nu le be kesheŋ ere ŋ ku so a?

1 Samuɛl 12:16

Amoso men baa yil to kakpa nseŋ keni kusɔ nɛ Enyɛnpe Ebɔrɛ be eleŋ beeŋ wora.

1 Samuɛl 12:24

Men baa nu a sa Enyɛnpe Ebɔrɛ na nsaa ta menyi be ŋgbene kikɛ a shuŋ mo nsaa nyiŋi asheŋgboŋ damta nɛ e wora n sa menyi na.