Jowɛl 2:20 - EBƆRƐ BE KAWƆL

²⁰ Meeŋ ju benapo be katuŋgboŋ, nɛ b shi kelarga to be esoso m ba fanɛ elotɔr na, ashi menyi to n ya lɛ keshishɛrsawule so kiyi to chil. Meeŋ ju bumo be bejuŋkparpoana n yɔ Teku Wuso na to nseŋ shin nɛ bumo be bemantopo na malɛ e yɔ Mɛditerenia be teku to, n ya wu mbɛ a dufɛ.”

Jowɛl 2:20 ပူးပေါင်းရင်းမြစ်များ

2 Bewura 8:13

Nɛ Haziɛl kaŋɛ: “Fo kayɛrbi e la ma. M maŋ kɔ eleŋ. Fo tama fanɛ meeŋ shuli n wora loŋ a?” Nɛ Elaisha kaŋɛ mo le: “Enyɛnpe Ebɔrɛ na e lara ŋ ŋini ma fanɛ fo e naŋ ba ki Siriya be ewura m bɛ emo nɛ e bee ji ere so.”

Nshɛ 126:3

Kashenteŋto nɛ e wora asheŋgboŋ n sa anyi; nɛ anyi alɛ be ŋgbene fuli anyi alegaiso!

Ɛksodɔs 10:19

Kede be kaman nɛ Enyɛnpe Ebɔrɛ shin nɛ epeŋitɔrkpa be afugboŋ ko malɛ kilgi m ber m ba eleŋso m ba gbare elotɔr na kikɛ nyam n ya wɔtɔ teku peper na to nɛ ekoŋwule gba daa maŋ naŋ ka ashi Ijipt be efuli na kikɛ so.

Ɛksodɔs 8:14

Nɛ Ijiptebi na bela epulo wuso na n deŋi n deŋi abar so le kululu nɛ b bɛ a dufɛ puŋ puŋ puŋ kasawule na so kikɛ.

Aizaaya 34:3

Baaŋ wu n dese m bɛa a dufɛ nɛ bumo be ŋklaŋ malɛ e shile abee so ŋ gbelge to fanɛ nchu na.

Ezikɛl 47:18

Epeŋilarkpa be gbaŋ na malɛ fara Damaskɔs nɛ Hawuran be abonfu anyɔ be nferinto nna ŋ keta n sɔ kelargato be kaseto, nɛ Jɔɔdan be Lɔr ki Israɛl be basa be kasawule ashi epeŋitɔrkpa be kaba so nɛ Giliad be kasawule ashi epeŋilarkpa be egbaŋ to, nseŋ keta loŋ n ya lar kade nɛ baa tre Tama nɛ k mata Teku Wuso na.

Eemɔs 4:10

Kulɔ lubi nɛ k bee mɔ nɛ n daŋ shin nɛ k ba Ijipt be efuli so ebi so dra dra na gbagba nɛ n shin nɛ k ba menyi alɛ gba so. Ma e mɔ men be mbifɔlbi kena to n shin nɛ b pɛ bumo be egbaŋɛ n choŋ, nɛ bubuni be efɛa sɔ menyi be echenakpa a dufɛ pumpuŋ a mɔ menyi. Ama amo nɛ amo kikɛ, men kraŋ kini kebɛ ma so.

Zakareya 14:8

Kachɛ na kaŋ fo, nchu nɛ a bee sa ŋkpa beeŋ shi Jerusalɛm to a shile. Nchu na be bargato beeŋ baa shile a luri teku nɛ baa tre Teku Wuso na to nɛ bargato malɛ e baa shile a luri kumo nɛ baa tre Mɛditerenia be Teku na to. Ketarso nɛ kechali so kikɛ nɛ nchu na beeŋ baa shile.

Malakai 3:11

M maaŋ shin nɛ asɔfirgisobi e jija menyi be adɔjibi saŋɛ na so menyi be afeelebi nɛ a bee sɔr asɔrso nɛ baa tre greep na beeŋ sɔr nɛnɛ.

Ditɛronɔmi 11:24

Kasawule kama nɛ menyeeŋ bɔla so n choŋ beeŋ ki menyeya nɛ menyi be efuli e salga to n shi keshishɛrsawule nɛ k wɔ kelargato be kaseto be kaba so na n ya fo Lebanɔn be abeegboŋ ashi kelargato be esoso nseŋ naŋ yili lɔrgboŋ nɛ baa tre Yufreetes na ashi epeŋilarkpa n ya fo Teku nɛ baa tre Mɛditerenia nɛ k wɔ epeŋitɔrkpa be kaba so na.