Jowɛl 2:16 - EBƆRƐ BE KAWƆL

¹⁶ Men gbargbar abar m ba shɛr kecheembiya be ekpa so. Men shin nɛ basa nɛ b bel kikɛ e ba loŋ be nshɛr na to. Men shin nɛ mbiwurbi nɛ mbi popɔrbi gba e ba. Bumo nɛ b ta abar kepopɔr to gba daga fanɛ b lar bumo be ebuana to m ba.

Jowɛl 2:16 ပူးပေါင်းရင်းမြစ်များ

2 Kronikɛls 20:13

Le be saŋɛ so nɛ Juda be benyɛn nɛ bumo be beche nɛ mbia yil bɔrɛlambu na ase.

2 Kronikɛls 29:5

nɛ e malga bumo kutɔ ndoŋ ŋ kaŋɛ le: “Livaiebi, men lara alubi men be ŋgbene to a du cheembi nseŋ luri Enyɛnpe nɛ e la men nananyɛnana be Ebɔrɛ na be bɔrɛlambu na to n lara kusɔ kama nɛ k wora eyurpi daŋkare be ekpa so ashi kumo to.

2 Kronikɛls 30:17

Ŋkpal basa na be bedamta ka daa maŋ walɛ so daŋkare be ekpa so na so, b daa maŋ tiŋ m mɔ kebansonchoŋ be ekpakpafɔlbi na. Amoso Livaiebi na e daŋ mɔ bumo be asɔbɔya nseŋ ta amo m bɔɔ Enyɛnpe Ebɔrɛ na enɔ n sa bumo.

2 Kronikɛls 30:19

E yɛ: “O! Enyɛnpe an nananyɛnana be Ebɔrɛ nɛ fo walɛ, ta bekama nɛ baa shuŋ fo nɛ kagbene koŋwule na be alubi m paŋ bumo, hale b ka maŋ walɛ so daŋkare be ekpa so kikɛ ere gba.”

2 Kronikɛls 35:6

Basa baŋ bar kebansonchoŋ be ekpakpafɔlbi nɛ mboe, menyi e daga fanɛ men mɔ amo n lɔŋɛ amo nseŋ fɔr menyi be amu so daŋkare be ekpa so pɔɛŋ n ta amo n lara sarga n sa Enyɛnpe Ebɔrɛ na, nseŋ shin nɛ Israɛlebi e bɛ keŋini nɛ Enyɛnpe Ebɔrɛ ta n sa Mosis na so n ji kejigboŋ na. Amoso men keta men be amu nɛnɛ, n sa maŋ wora kusɔ kama nɛ k beeŋ shin nɛ men wora eyurpi daŋkare be ekpa so.”

Job be kawɔl 1:5

Mbia na baŋ ji kejigboŋ ŋklade kachipurso kikɛ, Job beeŋ shuŋi n tre bumo m ba lara esarga chɔɔso n sa Ebɔrɛ ŋ kule alubi be ketampaŋ n sa mbia na, a fɛ fanɛ ashere b kaa bee ji nsaa nuu na b wora kulubi ko n da Ebɔrɛ so nɛ b maŋ nyi.

Nshɛ 19:5

Chipurso kikɛ k bee lar nna a ba fanɛ kejafɔ mo kul ka bee lar ebu to, ŋko fanɛ ekpampo ka bee lege kusɔbɔya be kubɔr na.

Ɛksodɔs 19:10

Nɛ Enyɛnpe Ebɔrɛ kaŋɛ Mosis: “Bɛta n yɔ basa na kutɔ n ya kaŋɛ bumo nɛ b ta kabre nɛ echefo n lara alubi ashi bumo be ŋgbene to nseŋ ki cheembi. K daga fanɛ b fɔr bumo be asɔbuuso gba

Ɛksodɔs 19:15

Kumo be kaman nɛ Mosis kaŋɛ bumo: “Men wora shiriya a jo eklade. Men sa maŋ kaŋ di keche nɛ kenyɛn hale n ya fo kumo be kachɛ na.”

Ɛksodɔs 19:22

Hale bɔrɛmatapoana nɛ baaŋ tiŋ n taga Ebɔrɛ to ashi kebee na ase na gba daga fanɛ b lar bumo be alubi to a du cheembi. Nɛ mannɛ aloŋ, ma, Enyɛnpe Ebɔrɛ na beeŋ gberge bumo kusoe.”

Jowɛl 1:14

Naniere, a daga fanɛ men tre abar n shɛr ŋ kishi ekishi cheembi. Men tre bejuŋkparpoana na, nɛ bekama nɛ b wɔ kasawule ere so na n shɛr men Nyɛnpe be bɔrɛlambu to n shu n tre mo.

Matiu 21:16

nɛ b bishi Yesu le: “Fee nu kusɔ nɛ mbia ere bee kaŋɛ nna ere a?” Nɛ Yesu kaŋɛ bumo: “Mm, mee nu. Menyi ere maŋ naŋ kraŋ ashi Nshɛ be Kawɔl to fanɛ: ‘Fo shin nɛ mbigboŋibi nɛ bumo nɛ b kraa wɔ enɔ to kikɛ ba pin kedi Ebɔrɛ epaŋ nɛnɛ na a?’ ”

Matiu 9:15

Nɛ Yesu bishi bumo: “Menyee sha fanɛ kejafɔ to be befɔ ka chena nɛ kagbenejija nna a? Akai, loŋ maŋ daga, ŋkpal manɛ so, kejafɔ mo kul wɔtɔ nna. Ama jemanɛ ko bee ba nɛ b lara kejafɔ mo kul na bumo to, saŋɛ na so nawule nɛ baaŋ kishi.”

1 Kɔrintebi 7:5

Amoso, men sa maŋ kaa mɔn abar keche nɛ kenyɛn be kedi ashi men be kebaawɔtɔ to ama men baŋ yili kumo nna fanɛ men maaŋ ba abar so yili saŋko n ya fo saŋko ŋkpal men ka bee sha keta men be nfɛra n wɔtɔ kabɔrɛkule to so. Ama kumo be loŋ be kaman men naŋ ba abar so nɛ Setani e sa maŋ kaŋ nya ekpa n fule menyi nɛ men tɔr mbe kechɔŋkeni to ŋkpal men ka maaŋ tiŋ n nyiti so.

Joshuwa 7:13

Kaŋɛ fo basa na fanɛ b lara alubi ashi bumo be ŋgbene to ŋ ki cheembi, saŋɛ na so, ma nɛ bumo beeŋ tiŋ n shɛr echefo, ŋkpal manɛ so, ma, Enyɛnpe Israɛl be Ebɔrɛ na kɔ le nɛ ŋ kaŋɛ: ‘Menyi Israɛlebi ka kɔ asɔ nɛ a maŋ daga men ka ta ŋ ki menyi peya so na so nɛ men doŋana pɔɔ menyi so na. Men maaŋ tiŋ n tu men doŋana ŋ kɔ, ama men baŋ lara amo efuli nna m mur amo!’

Joshuwa 8:35

Mosis be mbra na be kedosobi gba maŋ ka nɛ Joshuwa maŋ kraŋ ŋ ŋini jimaŋ na. Beche nɛ mbia nɛ befɔ nɛ b wɔ bumo to na kikɛ daŋ ti so.

1 Samuɛl 16:5

Nɛ Samuɛl yɛ: “Mm. M ba nna nɛ m ba lara sarga n sa Enyɛnpe Ebɔrɛ, amoso men lara alubi ashi men be ŋgbene to pɔɛŋ nseŋ ba ŋ kutɔ.” Kumo be kaman nɛ e kaŋɛ Jɛsi nɛ mbe mbia fanɛ b lara kulubi ashi bumo be ŋgbene to pɔɛŋ nseŋ ba kakpa nɛ baa lara sarga na.