Jowɛl 2:14 - EBƆRƐ BE KAWƆL

¹⁴ Nɛ men lar men be alubi to ashere Enyɛnpe, men be Ebɔrɛ na beeŋ chɛrga mbe nfɛra nseŋ nɛfa menyi nɛ men be adɔjibi e wora nɛnɛ ga. Loŋ nɛ menyeeŋ tiŋ n nya adɔjibi nɛ asɔ nuuso n lara sarga n sa mo.

Jowɛl 2:14 ပူးပေါင်းရင်းမြစ်များ

2 Samuɛl 12:22

Nɛ ewura Deevid shuli so ŋ kaŋɛ le: “Mm, e ka daa wɔ ŋkpa to, n daa kishi nna nsaa shu, ŋkpal manɛ so n daŋ fɛ nna fanɛ Enyɛnpe Ebɔrɛ beeŋ wu ma kuwɔr nseŋ yige kebia na.

2 Samuɛl 16:12

Ashere Enyɛnpe Ebɔrɛ beeŋ wu kagbenejija nɛ k tɔr ma so ere nseŋ shin nɛ kɔnɔsho ere e ki nɛfa n sa ma.”

2 Bewura 19:4

Asiriya be ewurgboŋ e shuŋi mbe benapo be enimu nɛ e ba tege Ebɔrɛ nɛ e wɔ ŋkpa to na. Enyɛnpe fo Ebɔrɛ na e naŋ nu katege ere kikɛ nseŋ gberge basa nɛ baa tege mo na kusoe. Amoso kule Ebɔrɛ n sa anyi be basa nɛ b kraa wɔ ŋkpa to.”

Ɛksodɔs 32:30

Kumo be ŋklade kachipurso nɛ Mosis kaŋɛ basa na le: “Men wora kulubi gboŋgboŋi ga, ama meeŋ naŋ bɛta n dii kebee na so n ya kule Enyɛnpe Ebɔrɛ na ŋ keni ashere e beeŋ ta men be alubi m paŋ menyi.”

Aizaaya 65:8

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Esa kikɛ maaŋ shuli n ta asɔrso nɛ baa tre greep na be alela n lɛ, ama e beeŋ ta amo n wora yabra nna. To, ma alɛ gba maaŋ shuli m mur ma basa kikɛ, ama meeŋ mɔlga bumo nɛ baa shuŋ ma na.

Jɛremaya 18:8

nɛ efuli na so be basa tuba nseŋ yige bumo be asheŋ lubi na be kebaawora, m maaŋ naŋ wora kusɔ nɛ n daŋ kre kewora bumo na.

Jɛremaya 26:13

A daga fanɛ men chɛrga menyi be kebaawɔtɔ nɛ asheŋ woraso nseŋ wora Enyɛnpe, menyi be Ebɔrɛ na kasonu. Nɛ men wora loŋ, e beeŋ chɛrga mbe nfɛra a laŋɛ kemur nɛ e kaŋɛ fanɛ e beeŋ bar menyi so na.

Jɛremaya 26:3

Ashere basa na beeŋ nu kamalga na nseŋ yige bumo be asheŋ lubi na. Nɛ b wora loŋ bre, meeŋ chɛrga ma nfɛra a laŋɛ kemur nɛ n daŋ kre keta m ba bumo so na be kaplɛa so ŋkpal bumo be asheŋ lubi so na.”

Jowɛl 1:13

O, menyi bɔrɛmatapoana, men ta kagbenejijaso be asɔbuuso n buu a shu. Menyi bumo nɛ men wɔ bɔrɛsure na be anishito a shuŋ na, e boŋ to a shu. Menyi bumo nɛ menyee shuŋ Ebɔrɛ be anishito ashi bɔrɛlambu to na e buu kagbenejijaso be asɔbuuso ŋklade, ŋkpal kuyu baŋɛ to nɛ kusɔ nuuso nɛ menyeeŋ ta n lara sarga ka maŋ naa wɔtɔ so so.

Jowɛl 1:16

To, naniere gba an kɔ anishi nna a keni anyi be adɔ nɛ amo be ajibi bee jija. Kagbenefuli malɛ maŋ naa wɔ bɔrɛlambu to kuraa.

Jowɛl 1:9

Kebɔltofinfin pɛ bɔrɛmatapoana nɛ b wɔ Enyɛnpe Ebɔrɛ be bɔrɛlambu to a shuŋ na gba ŋkpal kuyu baŋɛto nɛ kusɔ nuuso kikɛ ka maŋ naa wɔtɔ nɛ b ta n lara sarga n sa Enyɛnpe Ebɔrɛ na so.

Eemɔs 5:15

Men kishi kulubi, nsaa wora kelela. Men baa kɔ a fin asheŋ be keji nɛ amo be ekpa so ashi men be edemujikpa. Ashere Enyɛnpetale na beeŋ wu efuli ere be bekama nɛ b kraa wɔ ŋkpa to ere kuwɔr.

Jona 1:6

Ndoŋ nna nɛ kuloŋgboŋ na be befarpo na be enimu yɔ Jona kutɔ n ya kaŋɛ mo le: “Fo ere dese a di nna a? Koso a shu a tre fo Ebɔrɛ. Ashere e beeŋ mɔlga anyi, nɛ an sa maŋ mur.”

Jona 3:9

Ashere Ebɔrɛ be nfɛra beeŋ chɛrga nɛ mbe agbo e wushi nɛ e wu anyi kuwɔr nsaa maŋ shin nɛ an mur.”

Zefanaiya 2:3

Menyi bekama nɛ men la bebɔlpo ashi kasawule ere so na e baa bar menyi be amu kaseto nsaa nu a sa Enyɛnpe Ebɔrɛ na. Men baa wora kusɔ nɛ k walɛ nsaa bar menyi be amu kaseto a sa mo. Nɛ men wora loŋ, ashere menyeeŋ gelge kasogberge kachɛ nɛ Enyɛnpe Ebɔrɛ na be agbo beeŋ koso na.

Heegai 2:19

Kashenteŋ nna fanɛ aboyu maŋ naa wɔtɔ nɛ ndibisɔrso na malɛ be kekama maŋ naŋ sɔr asɔrso kikɛ, ama yili kabre a yɔ meeŋ nɛfa menyi.”

2 Timoti 2:25

a wɔtɔ a yɔɔ mbe kumu nsaa ŋini basa nɛ baa ji mo emɔrɔ asheŋ amo be ekpa so. Nɛ e bee wora loŋ, shere Ebɔrɛ beeŋ bugi ekpa n sa bumo nɛ b tuba m bɛ kashenteŋ be ekpa na so

Joshuwa 14:12

Naniere ta kebeeso be efuli nɛ Enyɛnpe Ebɔrɛ nase kɔnɔ kamɔnchɛ afanɛ e beeŋ sa ma na n sa ma. An teŋ kaŋɛ fo fanɛ basa tenteŋ gboŋgboŋi nɛ baa tre Anakebi na e wɔ ndegboŋ nɛ b pɔr egbal ŋ kulti na to ashi efuli na kikɛ so. Ashere Enyɛnpe Ebɔrɛ beeŋ yili ma kaman nɛ n ju bumo n lar fanɛ kananɛ Enyɛnpe Ebɔrɛ kaŋɛ na gbagba chap.”

1 Samuɛl 6:5

Men ta asɔ nɛ men lɔŋɛ nɛ a duli eshiboe nɛ a bee jija men be adɔjibi na nɛ amo nɛ a duli achuubɔbɔ a tɔrɔ menyi na n ti ŋkre be deka na so n yɔ nɛ a baa ŋini fanɛ menyee sa Israɛl be Ebɔrɛ na bunyaŋ. Nɛ men wora loŋ bre, ashere e maaŋ naŋ shin nɛ etɔrɔ e ba menyi nɛ men be agbirana nɛ menyi be kasawule ere so.