Jowɛl 2:13 - EBƆRƐ BE KAWƆL

¹³ Men shin nɛ men be kagbenejija na e di efuli ŋ ŋini fanɛ kashenteŋto men be ŋgbene maŋ dese menyi. Men be asɔbuuso be kekpɛa to ere bre maŋ la shɛŋ. Men bɛta m ba Enyɛnpe, men be Ebɔrɛ na kutɔ. E la enyitipo nna, nsaa bɛ mbe nnɔ naseso so. Saŋkikɛ e wora shiriya nna nɛ e ta men be alubi m paŋ menyi nsaa maaŋ gberge menyi kusoe

Jowɛl 2:13 ပူးပေါင်းရင်းမြစ်များ

Jɛnesis 37:29

Ruben ka laŋɛ m ba ketirbu na ase m ba wu fanɛ Josɛf maŋ naa wɔtɔ nɛ e kpɛa mbe asɔbuuso to ŋkpal kagbenejijaso

Jɛnesis 37:34

Ndoŋ nna nɛ e kpɛa mbe asɔbuuso to nseŋ ta kusɔbuuso ko nɛ kumo be kapɔr du sesaga fanɛ bɔtɛ m buu n ta nchɛ damta n shu mbe kebia na be keeli ga.

2 Samuɛl 1:11

Deevid ka nu loŋ nɛ mo nɛ basa nɛ b wɔ mo kutɔ na kikɛ kpɛa bumo be asɔbuuso to kagbenejijaso.

1 Bewura 21:27

Anebi Elaija ka malga n loge nɛ ewura Ahab kpɛa mbe epiŋi to nseŋ lara amo n ta kagbenejijaso be piŋi a buu kapa nɛ kanya a ŋini fanɛ mbe kagbene jija ga. E daŋ kini ajibi gba nna nseŋ gbir kenishito.

2 Bewura 22:11

Ewura na ka nu kusɔ nɛ k wɔ mbra be kawɔl na to nɛ e kpɛa mbe asɔbuuso to kagbenejijaso,

2 Bewura 22:19

nseŋ chɛrga mbe nfɛra m bar mbe kumu kaseto ŋ kpɛa mbe asɔbuuso to kagbenejijaso a shu ŋkpal ŋ ka kaŋɛ fanɛ meeŋ gberge Jerusalɛm be basa kusoe n shin nɛ k ki kakpa nɛ basa beeŋ baa lɔ kufu keyɔ nɛ kumo be ketre malɛ e ki kɔnɔsho n sa basa so. N nu mo ere be kabɔrɛkule,

2 Bewura 5:7

Israɛl be ewura na ka kraŋ kawɔl na nɛ mbe aba pɔ mo nɛ kufu pɛ mo ŋkpal Siriya be benapo na be eleŋ nɛ b kɔ so nɛ e kpɛa mbe asɔbuuso to m ponte ŋ kaŋɛ le: “A ji nuso nɛ Siriya be ewura na kaŋɛ fanɛ kanyɛn ere e ba ŋ kutɔ nɛ n chɛ mbe keboti? E bee fɛ fanɛ n la Ebɔrɛ nna nsaa kɔ luwu nɛ ŋkpa be eleŋ a? Naniere bre k baŋ fuli geeŋ nna fanɛ kolu nɛ e bee sha ma!”

2 Bewura 6:30

Ewura na ka nu baru ere nɛ e kpɛa mbe asɔbuuso to kagbenejijaso nɛ basa nɛ b wɔ egbal na be kaseto na wu e ka buu kagbenejijaso be asɔbuuso mbe epiŋi nɛ e buu na be kaseto.

2 Kronikɛls 6:27

kumo ere, Enyɛnpe Ebɔrɛ yili esoso n nu bumo be kekule nseŋ ta fo basa Israɛlebi be alubi m paŋ bumo nseŋ ŋini bumo kusɔ nɛ k daga nseŋ shin nɛ bɔrɛ e ba fo kasawule nɛ fo ta n sa fo basa fanɛ bumo be kapetɛ mbaanaayɔ ere so.

Job be kawɔl 1:20

Job ka nu le be asheŋ ere kikɛ, nɛ e pɛ mbe asɔbuuso ŋ kpɛa to nseŋ she mbe kumu so be emin kikɛ ŋkpal kagbenejija damta nɛ k tɔr mo so na so. Kumo be kaman nɛ e gbir m bunyaŋ Ebɔrɛ

Nshɛ 103:8

Enyɛnpe Ebɔrɛ na la ewɔrwupo nna, nsaa kɔ kanyiti; mbe kasha malɛ maa chɛrga kikɛ.

Nshɛ 106:45

E daŋ nyiŋi mbe kɔnɔkoŋwule be ŋkre na nna, nseŋ kpal kashagboŋ nɛ e kɔ n sa bumo na so n chɛrga mbe nfɛra a maŋ gberge bumo kusoe.

Nshɛ 34:18

Enyɛnpe Ebɔrɛ na taga basa nɛ bumo be aba pɔ bumo na to nna. E bee mɔlga bekama nɛ b maŋ naa kɔ tama na nna.

Nshɛ 51:17

Esa be kagbene be kejija mo ga ŋkpal alubi so e naa bɔlɔ fo kenishi.

Nshɛ 86:15

Ama fo, Enyɛnpe Ebɔrɛ na, la ewɔrwupo nɛ kasha be Ebɔrɛ nna. Fo la esa nna nsaa kɔ kanyiti, a wu kuwɔr jemanɛ kikɛ.

Nshɛ 86:5

O Enyɛnpe Ebɔrɛ, fo la esa lela nɛ fee ta alubi a paŋ nna. Fo alɛ kɔ kasha damta n sa bumo nɛ baa shu a tre fo na nna.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 58:5

Men baŋ kishi kikɛ, menyee ta menyi be amu nna a wɔtɔ awurfoŋ to. Menyi alɛ naa wora asheŋ nna fanɛ bebɔlpo, a kurgi amu a yuu to fanɛ ayu ka bel n chulgi na nseŋ naa buu nli to be asɔbuuso a dese nsunɔ to a ŋini men ka bar menyi be amu kaseto. Le nɛ menyee tre ekishi nɛ k bee par ma nna a?

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Jɛremaya 36:7

Ashere baaŋ kule Enyɛnpe Ebɔrɛ na ketampaŋ nseŋ lar bumo be asheŋ lubi to, ŋkpal manɛ so, Enyɛnpe Ebɔrɛ na nya agbo ga nna n wɔtɔ bumo.

Jɛremaya 41:5

benyɛn aduburwa ko daŋ shi nde nɛ baa tre Shɛkɛm nɛ Shilo nɛ Samɛria na nna m ba. B daa kɔ ayu nɛ eduwu be ŋkɛ nna a yɔ nɛ b ya sa Enyɛnpe Ebɔrɛ na bɔrɛlambu na to ashi Jerusalɛm. Bumo alɛ daŋ she bumo be ntɔl nna nseŋ kpɛa bumo be asɔbuuso to nseŋ naŋ ku ŋ ku bumo be eyurana, ŋkpal b ka daa shu keeli so.

Jɛremaya 42:10

E yɛ: ‘Nɛ menyee sha kechena kasawule ere so, kumo ere mee leŋ menyi to nna nɛ men chena kumo so nɛ m baa chɛ menyi to, saŋɛ na so men maaŋ naŋ lar kumo so. Kemur nɛ n shin nɛ k ba menyi so na sa ma kebɔltofinfin damta ga.

Ezikɛl 9:4

ŋ kaŋɛ mo le: “Yɔ Jerusalɛm be kadegboŋ na to n ya dulgi bekama nɛ asheŋ bee besa nɛ bumo be ŋgbene jija bumo ŋkpal ekishisheŋ nɛ a bee wora kade na to so na be nsɔto.” Nɛ kanyɛn na lar n yɔ nɛ e ya dulgi bumo.

Hoziya 14:1

Israɛl be basa, men bɛta m ba men Nyɛnpe nɛ men be Ebɔrɛ kutɔ. Men be kulubi e shin nɛ men fiti n tɔr na.

Jona 3:9

Ashere Ebɔrɛ be nfɛra beeŋ chɛrga nɛ mbe agbo e wushi nɛ e wu anyi kuwɔr nsaa maŋ shin nɛ an mur.”

Jona 4:2

Nseŋ kule Enyɛnpe Ebɔrɛ na ŋ kaŋɛ le: “O Enyɛnpe Ebɔrɛ, mannɛ le nɛ n daŋ kaŋɛ saŋɛ nɛ n kra wɔ epe na a? Loŋ so nɛ n nya manaŋ n shile n yɔ Tarshish na. N nyi fo ka la kasha nɛ kuwɔrwu be Ebɔrɛ, nsaa maa nya agbo manaŋ manaŋ. Fee wora kelela nna saŋkama nseŋ wora shiriya nɛ fo ta alubi m paŋ. Fo alɛ maa kuse a bar kasogberge basa so.

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Nahum 1:3

Enyɛnpe Ebɔrɛ na kɔ eleŋ ga, mo alɛ maa nya agbo manaŋ manaŋ, ama mo alɛ maa yige bumo nɛ baa wora a de so nɛ baa ta bumo be amu a ji. Bɔrɛfugboŋ nɛ kawuliwuli so nɛ e bee bɔla a wora asheŋ; nɛ bɔrɛwɔlpa malɛ du fanɛ mbe aya to be kalabɛr.

Nɔmbɛs 14:18

‘Ma, Enyɛnpe Ebɔrɛ na maa nya agbo manaŋ manaŋ, ma alɛ kɔ kashenteŋ be kasha nsaa ta bekama nɛ baa kini kenu n sa ma nsaa wora alubi na be alubi a paŋ bumo. Ama ma alɛ maaŋ yige kegberge bekama nɛ b wora alubi kusoe hale n ya fo bumo be kenanafofo nɛ kenana gbiramuli.’

Romebi 2:4

Ŋko fo kpal Ebɔrɛ be kelela ka shi mo to ga na so nna nɛ e ka maa nya manaŋ a gberge basa kusoe na nɛ mbe kanyiti na so so nna a fɛl mo a? Fo maŋ nyi fanɛ Ebɔrɛ be kelela wɔtɔ nna nɛ fo nya n lar fo alubi to a?

Ɛfesesebi 2:4

Ama ŋkpal Ebɔrɛ be kuwɔr ka shi ga so nɛ ŋkpal e ka bee sha anyi ga so

1 Timoti 4:8

Ŋkpal manɛ so, esa be kebaakeni mbe eyur so la kusɔ lela nna, ama esa baa ŋini mbe kumu abɔrɛsheŋ be kebaawɔtɔ, loŋ e bɔ, ŋkpal manɛ so, k beeŋ tiŋ n chɛ mo to durnya ere to nfe nseŋ naŋ chɛ mo to saŋɛ nɛ e beeŋ yɔ ebɔrɛso na.