Jowɛl 2:11 - EBƆRƐ BE KAWƆL

¹¹ Enyɛnpe Ebɔrɛ na bee kaa ponte to nna a juŋkpar mbe benapo, nɛ b kɔ eleŋ nsaa shi nɛ esa maaŋ tiŋ ŋ karga bumo na, nɛ baa nu a sa mo. Yee, Enyɛnpe Ebɔrɛ be kachɛ na beeŋ lubi pasaa! Wanɛ e naaŋ nya ŋkpa loŋ be kachɛ na bre?

Jowɛl 2:11 ပူးပေါင်းရင်းမြစ်များ

Nshɛ 18:14

Nɛ e to atanyembi, nɛ mo doŋana kikɛ pesaŋ to, nɛ bɔrɛ nyɛkpɛ nɛ b lara aya fuful.

Nshɛ 46:6

Nɛ efuli pɔtɛana bee baga to, nɛ kuwurjiana bee tɔr, nɛ Ebɔrɛ ponte nɛ kasawule ŋalga gba,

Nshɛ 68:18

Fo keta basa nɛ b ti ebu nna n dii n yɔ kebeegboŋ na be esoso. Ndoŋ nɛ basa ya kɛ fo asɔ. Fo doŋana nɛ b daa maa sha fanɛ fo baa wɔ ndoŋ gba sa fo ŋkɛ.

Aizaaya 13:4

Men kaŋ asoe n nu, awɔr ka bee gbri abee so fanɛ jimaŋ damta na! K du fanɛ efuliana nɛ kuwurgboŋana e naa gama abar so! Enyɛnpetale Ebɔrɛ na e naa gama benapo abar so nɛ b kɔ kena.

Aizaaya 42:13

Enyɛnpe Ebɔrɛ na bee lar nna n ya kaa kɔ fanɛ enapo na; e bela ase nna nseŋ wora shiriya a jo kena. E beeŋ boŋ to awɔrso ŋ kaŋɛ kena be asheŋ, e beeŋ kɔ m pɔɔ mo doŋana so.

Aizaaya 7:18

Loŋ be jemanɛ na kaŋ fo, Enyɛnpe Ebɔrɛ na beeŋ foŋ kafoli nɛ k baa la tɔɔnɛ n sa Ijipt be efuli so be basa, nɛ b shi lɔrgboŋ nɛ baa tre Nail na ase m ba menyi so fanɛ ashushombi na. Kumo be kaman nɛ Asiriya be basa malɛ e shi bumo be kasawule so m ba menyi so fanɛ emushoŋ na.

Jɛremaya 25:30

Jɛremaya, fo e daga fo ber asheŋ nɛ ŋ kaŋɛ ere kikɛ be kebomboŋ n sa basa ere: ‘Enyɛnpe Ebɔrɛ na beeŋ shi ebɔrɛso m ponte awɔrso fanɛ bɔrɛ ka ponte awɔlpa to na. E beeŋ ponte m malga ŋ gbiti mbe basa fanɛ kananɛ baa beri ayu nsaa boŋ nshɛ awɔrso na. Esa kama nɛ e wɔ durnya to be kaplɛkama beeŋ nu mbe ebɔl.

Jɛremaya 30:7

Ma basa, k maŋ chɛr, menyeeŋ ji awurfoŋ nɛ k chɔ kekama nɛ men daŋ ji ŋ ku so, ama ma alɛ beeŋ mɔlga menyi.”

Jɛremaya 50:34

Ama esa nɛ e beeŋ sɔ bumo n yige na kɔ eleŋ. Mbe ketre e la Enyɛnpetale Ebɔrɛ na. Mo gbagba e naaŋ sɔ bumo be kɔnɔ so n shin nɛ kayurwushi e ba bumo be kasawule so nseŋ bar etɔrɔ Babilɔn be basa so.”

Ezikɛl 22:14

Ma agbo kaŋ ba fo basa ere so, b maŋ naa kɔ kenyɛn nseŋ nya eleŋ m maŋ enɔ so gba. Ma Enyɛnpetale Ebɔrɛ na e kaŋɛ, ma alɛ beeŋ wora kumo.

Jowɛl 1:15

Enyɛnpe Ebɔrɛ be kachɛ na taga to. Kachɛ nɛ e beeŋ bar kemur na. Kashenteŋto, kachɛ na maaŋ baa walɛ kuraa!

Jowɛl 1:6

Efuli ko so ebi nɛ b shi ga, a du fanɛ elotɔr na ba kɔ m pɔɔ ma efuli so n sɔ kumo ŋ ki bumo peya. Loŋ be basa na kɔ anyii nna fanɛ buluŋ na.

Jowɛl 2:1

Men foŋ kabel nseŋ ber kenishipereso be dewuro ashi Zayɔn, nɛ k la Ebɔrɛ be kebee cheembi na so. Judaebi, men baa chicha, ŋkpal manɛ so, Enyɛnpe Ebɔrɛ be kachɛ na be saŋɛ fo n loge.

Jowɛl 2:2

Loŋ be kachɛ na beeŋ biri to le tuum nseŋ bar kagbenejija damta. Kamɔnchɛ beeŋ ba kaa la kachɛ nɛ kusɔ kama beeŋ biri to nna nɛ bɔrɛwɔlpa e biri n sɔ kaplɛkama. Benapo lempo be katuŋgboŋ na beeŋ salga to n sɔ abee na so. Le be kesheŋ ere maŋ naŋ wora ŋ ku so kikɛ, kumo alɛ maaŋ naŋ wora kikɛ mbaanaayɔ.

Jowɛl 2:25

Meeŋ bɛta asɔ kama nɛ benapo nɛ b du fanɛ elotɔr damta na daŋ jija na kikɛ n sa menyi. Ma Enyɛnpe Ebɔrɛ na e daŋ shuŋi elotɔr na.

Jowɛl 2:31

Jemanɛ na ya kaa taga to epeŋi beeŋ kilgi m biri to le tuum nɛ kufɔl malɛ e pre to le kpaw fanɛ ŋklaŋ na. Asheŋ ere kikɛ beeŋ wora nna pɔɛŋ nɛ Enyɛnpe Ebɔrɛ be kachɛ nɛ e beeŋ ba na e fo. Kachɛ na kaŋ fo, kufu beeŋ pɛ basa ga.

Jowɛl 3:14

Nɛ Anebi Jowɛl kaŋɛ: “Basa ŋgboŋto ŋgboŋto beeŋ ba wɔ ketaŋɛ na to nɛ Enyɛnpe Ebɔrɛ na e ji bumo demu. Enyɛnpe Ebɔrɛ na be kachɛ na be saŋɛ na maaŋ naŋ chɛr nseŋ ba.

Jowɛl 3:16

Ebɔrɛ shi Zayɔn be kebeegboŋ na so m ponte to fanɛ buluŋ na nɛ mbe ebɔl shi Jerusalɛm to ŋ gbri m ba fanɛ bɔrɛ ka ponte na nɛ kasawule nɛ awɔlpa kikɛ gbuŋgbuŋ to. Ebɔrɛ beeŋ baa du fanɛ kebeegboŋ a kuŋ mbe basa Israɛlebi na bre.”

Eemɔs 1:2

E yɛ: “Enyɛnpe Ebɔrɛ baŋ yili Zayɔn be kebeegboŋ na so ashi Jerusalɛm m ponte, fanɛ bɔrɛ ka gbri na, asɔbɔya be ejikpa be mboŋ kikɛ bee wɔl nna, nɛ afitiri nɛ a wɔ kebeegboŋ nɛ baa tre Kamɛl na so na kikɛ e kilgi m pere le kpaw.”

Eemɔs 5:18

Asheŋ maaŋ nyalɛ n sa menyi nɛ menyee jo Enyɛnpe Ebɔrɛ be demujiachɛ na. Mannɛ be tɔnɔ nɛ loŋ be kachɛ na beeŋ kurge n sa menyi? Loŋ be kachɛ na beeŋ ba kaa la tentembiri nna n sa menyi, mannɛ kefulto.

Eemɔs 5:20

Enyɛnpe Ebɔrɛ be demujiachɛ na, beeŋ baa la tentembiri nna mina mannɛ kefulto. Kefulto gbrɛ kama maaŋ ba wɔtɔ loŋ be kacha na.

Obadaya 1:15

Men nu nfe, kachɛ nɛ ma ere Enyɛnpetale na beeŋ ji efuli kama demu na taga to nna na. Asɔ nɛ menyi Edɔmebi wora ere beeŋ ba menyi alɛ gba so loŋ chap. Menyeeŋ teŋi kusɔ nɛ men du ere gbagba.

Nahum 1:6

E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Malakai 3:2

Kachɛ nɛ e beeŋ ba na wanɛ e naŋ tiŋ m ba mbe anishito? E kaŋ lar a ba, wanɛ bre e naŋ pete? E beeŋ baa du fanɛ kɔya nɛ b kɔ a fɔr asɔ nna ŋko edɛ nɛ baa ta a ŋalga abɛlso a lara eyurpi nna.

Nɔmbɛs 24:23

Nɛ Balaam naŋ wu ŋ kaŋɛ le: “Nɛ Ebɔrɛ shuli n wora le, wanɛ bre e naaŋ lar?

1 Tɛsalɔnikaebi 4:16

Kumo be kamɔnchɛ menyeeŋ nu kaponte nɛ malaika nimuso be ebɔl nɛ Ebɔrɛ be kabel be kushu, saŋɛ na so nɛ Enyɛnpe na gbagba e shi ebɔrɛso m ba. Bumo nɛ b yirda Yesu Kristo pɔɛŋ nseŋ wu na e naaŋ juŋkpar n tiŋi luwu to.

Kelaraŋŋini 18:8

Ŋkpal loŋ so, mbe etɔrɔ kikɛ beeŋ tu mo kachɛ koŋwule. A beeŋ baa la luwu nɛ kushu nɛ akoŋ. Edɛ beeŋ ji mo, ŋkpal manɛ so, Enyɛnpe Ebɔrɛ nɛ e bee ji mo demu na la elempo nna.”

Kelaraŋŋini 6:17

Ŋkpal manɛ so, kachɛgboŋ nɛ k la bumo be agbo be kachɛ na fo nɛ wanɛ malɛ e naaŋ tiŋ n yili bumo be anishito?”