Jowɛl 2:10 - EBƆRƐ BE KAWƆL

¹⁰ B baa ba, kasawule bee gbuŋgbuŋ nna nɛ awɔlpa bee wora fanɛ a ka bee chicha na, nɛ epeŋi nɛ kufɔl kikɛ malɛ e biri to tuum nɛ achɛkpabi e fuli to ŋ gben.

Jowɛl 2:10 ပူးပေါင်းရင်းမြစ်များ

Nshɛ 114:7

Enyɛnpe Ebɔrɛ nɛ men nananyɛn Jeekɔb shuŋ dra na baŋ firgi n taga to, kasawule bee gbuŋgbuŋ nna;

Nshɛ 18:7

Nɛ kasawule gbuŋgbuŋ to m baŋɛ, nɛ abeegboŋ be kaseto gbuŋgbuŋ. A gbuŋgbuŋ nna ŋkpal Ebɔrɛ ka nya agbo so.

Aizaaya 13:10

Kefulto maaŋ naa wɔtɔ, ŋkpal manɛ so achɛkpabi nɛ a wɔ esoso na kikɛ beeŋ fulto ŋ gben nɛ epeŋi e pete nseŋ biri to nɛ kufɔl malɛ gba e fuli to ŋ gben.

Aizaaya 34:4

Epeŋi nɛ kufɔl nɛ achɛkpabi kikɛ beeŋ foe basa be anishi so nɛ b bɔɔ awɔlpa fanɛ kelaŋ na. Kusɔ kama nɛ k wɔ awɔlpa so beeŋ tɔr to fanɛ afantaŋ ŋko asɔrso ka bolo kedibi so n chuge n tɔr to na.

Aizaaya 5:30

Kachɛ nɛ baaŋ kre kena m ba na, baaŋ munto fanɛ teku ka bee kaa ketili a gbri na. Tentembiri nɛ kebagato beeŋ sɔ efuli na kikɛ so, ŋkpal manɛ so kuwɔlpa nɛ k biri to beeŋ buu kefulto nɛ k wɔtɔ kabre ere kikɛ so.

Jɛremaya 4:23

Ade be kaman nɛ ŋ to kenishi ŋ keni ŋ kulti, nseŋ wu fanɛ edimɛdi nɛ asɔbɔya kikɛ maŋ naa wɔtɔ. Nɛ n naŋ to kenishi ŋ keni awɔlpa so, nɛ kefulto kikɛ maŋ wɔ kumo so.

Jowɛl 2:2

Loŋ be kachɛ na beeŋ biri to le tuum nseŋ bar kagbenejija damta. Kamɔnchɛ beeŋ ba kaa la kachɛ nɛ kusɔ kama beeŋ biri to nna nɛ bɔrɛwɔlpa e biri n sɔ kaplɛkama. Benapo lempo be katuŋgboŋ na beeŋ salga to n sɔ abee na so. Le be kesheŋ ere maŋ naŋ wora ŋ ku so kikɛ, kumo alɛ maaŋ naŋ wora kikɛ mbaanaayɔ.

Jowɛl 2:31

Jemanɛ na ya kaa taga to epeŋi beeŋ kilgi m biri to le tuum nɛ kufɔl malɛ e pre to le kpaw fanɛ ŋklaŋ na. Asheŋ ere kikɛ beeŋ wora nna pɔɛŋ nɛ Enyɛnpe Ebɔrɛ be kachɛ nɛ e beeŋ ba na e fo. Kachɛ na kaŋ fo, kufu beeŋ pɛ basa ga.

Jowɛl 3:4

Tayaebi nɛ Sidɔnebi, nɛ menyi kama nɛ men wɔ Filisti be nsawule so na kikɛ; manɛ nɛ menyee sha kewora ma ere? Menyee sha kewora ma n tal to nna ŋko? To, nɛ k la loŋ bre, meeŋ juŋkpar n wora menyi pɔɛŋ nɛ men nya ekpa n wora ma n tal to.

Eemɔs 5:8

Enyɛnpe Ebɔrɛ e to achɛkpabi, Mo e to achɛkpabi be yiri yiri nɛ baa tre Pleeds nɛ Ɔriɔn na kikɛ. Mo e naa shin nɛ kanyɛ bee kilgi kapa, nɛ kapa malɛ bee kilgi kanyɛ. Mo e shin nɛ teku be nchuana bee ki bɔrɛ a ba kasawule so. Mbe ketre e la Enyɛnpe Ebɔrɛ na.

Nahum 1:5

Abeegboŋ bee gbuŋgbuŋ to Enyɛnpe Ebɔrɛ na be anishito nna, nɛ abeebi bee ŋalga mbe anishito. E baŋ lar a ba kasawule kikɛ bee gbuŋgbuŋ nna nɛ durnya nɛ kumo be basa kikɛ e baa chicha.

Matiu 24:29

Etɔrɔ ere be jemanɛ baŋ ba choŋ, k maaŋ chɛr ko nɛ epeŋi e biri to nɛ kufɔl e fuli to ŋ gben. Achɛkpabi beeŋ shi awɔlpa so n tɔr nɛ ebɔrɛso be eleŋana kikɛ e wea abar to.

Matiu 27:51

Ndoŋ nna nɛ bɔrɛlambu na to be patisa na yili kumo be esoso n chaŋɛ to m ba kaseto. Nɛ kasawule gbuŋgbuŋ to nɛ afalta baŋɛ m baŋɛ to.

Ashuŋ Shunso 2:20

Nɛ epeŋi e biri to gbrum, nɛ kufɔl malɛ e pere to kpaiŋ fanɛ ŋklaŋ. Amo kikɛ beeŋ wora nna pɔɛŋ nɛ Enyɛnpe be kachɛgboŋ na e fo.

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.

Kelaraŋŋini 6:12

Ndoŋ nna nɛ n naŋ keni n wu Kpakpafɔlbi na ka naŋ bu tɔɔnɛ be kebersobi shesopo na to nɛ kasawule be kebembeŋgboŋ ko gbuŋgbuŋ kasawule ga nɛ epeŋi kilgi m biri to a du fanɛ fusa lembir na nɛ kufɔl malɛ pere to le kpaiŋ fanɛ ŋklaŋ na.

Kelaraŋŋini 8:12

Ade be kaman nɛ malaika nasopo na malɛ foŋ mbe kabel nɛ kusɔ ko ŋmɛa epeŋi be mba asa be kaba koŋwuleso nɛ kufɔl be mba asa be kaba koŋwuleso nɛ achɛkpabi be ntuŋ nsa be katuŋ koŋwuleso, saŋɛ na so, kefulto be ntuŋ nsa be katuŋ koŋwuleso ki m biri to nɛ karechɛ be ntuŋ nsa be katuŋ koŋwuleso nɛ kanyɛso be ntuŋ nsa be katuŋ koŋwuleso kikɛ paŋ kefulto.

Kelaraŋŋini 9:2

Kechɛkpabi na ka bugi kemaŋ nɛ k maŋ kɔ ekar na nɛ edishi lar fanɛ a ka shi edɛgboŋ ko to na. Nɛ epeŋi nɛ awɔlpa kikɛ biri to ŋkpal edishi mo nɛ a shi kemaŋ na to so.