Jowɛl 1:2 - EBƆRƐ BE KAWƆL

² Benimu, men nu nfe, menyi bekama nɛ men wɔ kasawule ere so, e kaŋ kusoe n nu. Men ka koso kikɛ le be kesheŋ ere daŋ wora men be jemanɛ to, ŋko men nananyɛnana be jemanɛ to a?

Jowɛl 1:2 ပူးပေါင်းရင်းမြစ်များ

Job be kawɔl 12:12

Basakpar kutɔ nɛ anyee koya kanyiasheŋ. Ama Ebɔrɛ bre kɔ kanyiasheŋ nɛ yuku kikɛ nna. Basakpar beeŋ tiŋ m pin asheŋ to ama Ebɔrɛ bre bee pin asheŋ to nseŋ naa kɔ yuku nɛ e wora amo.

Job be kawɔl 15:10

Basa nɛ b bel a chɔ fo tuto gba kutɔ nɛ anyi ere koya kanyiasheŋ.

Job be kawɔl 21:7

Manɛ nna nɛ Ebɔrɛ bee sa basa lubi ekpa nɛ baa chena chɛr ga nɛ asheŋ bee nite nɛnɛ a sa bumo?

Job be kawɔl 8:8

An nanaana daa nyi asheŋ ga, amoso koya asheŋ bumo kutɔ.

Nshɛ 49:1

Esa kama nɛ e wɔ durnya to, e kaŋ kusoe n nu kusɔ nɛ mee kaŋɛ ere.

Aizaaya 34:1

Menyi efuli kama so be basa e ba abar so nseŋ nu nfe! Durnya kikɛ nɛ kusɔ kama nɛ k wɔ kumo to e ba nfe m ba nu.

Aizaaya 7:17

Ama Enyɛnpe Ebɔrɛ na beeŋ shin nɛ etɔrɔ damta nɛ a chɔ etɔrɔ kama nɛ a daŋ ba menyi so, yili jemanɛ nɛ Israɛl nɛ Juda be kuwurji barga to m ba fo kabre na, e ba fo nɛ fo basa nɛ fo tuto be laŋ to ebi kikɛ so. E beeŋ shin nɛ efuli nɛ baa tre Asiriya na be ewura gba e ba kɔ menyi kena.

Jɛremaya 30:7

Ma basa, k maŋ chɛr, menyeeŋ ji awurfoŋ nɛ k chɔ kekama nɛ men daŋ ji ŋ ku so, ama ma alɛ beeŋ mɔlga menyi.”

Jɛremaya 5:21

Men nu nfe! Menyi basa wulpo nɛ men maŋ nyi asheŋ ere! Manɛ so nɛ menyi maa nu ma mmalga a bɛ amo so? Manɛ so nɛ menyi maa pin to fanɛ

Danɛl 12:1

Nɛ Malaika nɛ e buu epiŋi fuful na kaŋɛ le: “Loŋ be saŋɛ na, Maikel nɛ e la emalaika to be enimu nsaa keni fo basa so na beeŋ lar m ba, nɛ etɔrɔ be yiri nɛ a maŋ naŋ ba saŋɛ so nɛ durnya fara kikɛ na e ba. Kumo be jemanɛ kaŋ fo, menyi be efuli so be basa kama nɛ b sibɛ bumo be atre n wɔtɔ Ebɔrɛ be kawɔl na to na beeŋ nya kumɔlga.

Hoziya 4:1

Enyɛnpe Ebɔrɛ na yɛ ma nɛ basa nɛ b wɔ kasawule ere so kikɛ kɔ asheŋ nɛ an ji. Israɛlebi, men loto n nu kusɔ nɛ Enyɛnpe Ebɔrɛ na bee kaŋɛ. E yɛ: “Kashenteŋji nɛ kasha maŋ naa wɔ kasawule ere so nɛ basa malɛ maŋ naa fɛ Ebɔrɛ be asheŋ.

Hoziya 5:1

“Menyi bɔrɛmatapoana, e nu nfe! Israɛl be basa, men kaŋ kusoe n nu! Menyi nɛ men la kuwurji be kanaŋ to ebi, e nu nfe! Menyi ere e daga kebaaji asheŋ nɛ amo be ekpa so! Ama ŋkpal men ka maa wora loŋ so kasogberge beeŋ ba menyi so. Men ki ajigbelɛ nɛ ashewu nna n sho basa ashi Mizpa nɛ kebeegboŋ nɛ baa tre Tabɔɔ na so.

Jowɛl 1:14

Naniere, a daga fanɛ men tre abar n shɛr ŋ kishi ekishi cheembi. Men tre bejuŋkparpoana na, nɛ bekama nɛ b wɔ kasawule ere so na n shɛr men Nyɛnpe be bɔrɛlambu to n shu n tre mo.

Jowɛl 2:2

Loŋ be kachɛ na beeŋ biri to le tuum nseŋ bar kagbenejija damta. Kamɔnchɛ beeŋ ba kaa la kachɛ nɛ kusɔ kama beeŋ biri to nna nɛ bɔrɛwɔlpa e biri n sɔ kaplɛkama. Benapo lempo be katuŋgboŋ na beeŋ salga to n sɔ abee na so. Le be kesheŋ ere maŋ naŋ wora ŋ ku so kikɛ, kumo alɛ maaŋ naŋ wora kikɛ mbaanaayɔ.

Eemɔs 3:1

Menyi Israɛlebi nɛ Enyɛnpe Ebɔrɛ lara ashi Ijipt be kasawule so dra dra na, e loto n nu kusɔ nɛ e malga ŋ gbiti menyi.

Eemɔs 4:1

Men nu nfe, menyi Samɛria be beche nɛ men danto durfɛ durfɛ fanɛ Bashan be efuli so be ana nɛ baa ji a moɛ ga na. Menyi e naa mɛaŋ betirpo nɛ betentaŋasepo nsaa nyaŋ menyi kulana fanɛ b baa sa menyi nsa na!

Eemɔs 5:1

Israɛl be basa, men nu keeli nɛ mee shu ŋkpal menyi so ere.

Maika 1:2

Menyi basa nɛ men wɔ durnya ere be efuliana kikɛ so e nu nfe! Menyi basa kama nɛ men wɔ kasawule ere kikɛ so gba e nu asheŋ ere! Enyɛnpetale Ebɔrɛ nɛ e wɔ mbe bɔrɛlambu cheembi to na, e naa shin nɛ e ji shɛda ŋ gbiti menyi.

Maika 3:1

Ndoŋ nna nɛ Maika kaŋɛ le: “Israɛlebi be bejuŋkparpo, men nu nfe! Men nyi kelela nɛ kulubi be mbarga,

Maika 3:9

Men nu nfe, menyi Israɛl be bejuŋkparpo, nɛ men kishi kebaaji asheŋ nɛ amo be ekpa so nsaa ta kulubi a tre kelela.

Matiu 13:9

Keŋasa ere be kaman nɛ Yesu kaŋɛ: “To, fo nɛ fo kɔ asoe, fo nu.”

Matiu 24:21

Ŋkpal manɛ so, kachɛ na be tɔrɔ beeŋ ba kaa chɔ tɔrɔ kama nɛ k ba basa so, yili durnya be sososo na kikɛ m ba fo mbre. Tɔrɔ kama malɛ maaŋ naŋ ba m ba fo kumo so kikɛ.

Kelaraŋŋini 2:7

Ekama nɛ e kɔ asoe, e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo ekpa nɛ e ji ŋkpa be kedibi nɛ k wɔ Ebɔrɛ be kakpa lela nɛ baa tre ndoŋ Paradisi to na be kusɔrso na.’ ”