Jowɛl 1:14 - EBƆRƐ BE KAWƆL

¹⁴ Naniere, a daga fanɛ men tre abar n shɛr ŋ kishi ekishi cheembi. Men tre bejuŋkparpoana na, nɛ bekama nɛ b wɔ kasawule ere so na n shɛr men Nyɛnpe be bɔrɛlambu to n shu n tre mo.

Jowɛl 1:14 ပူးပေါင်းရင်းမြစ်များ

2 Bewura 10:20

Ndoŋ na nɛ Jehu ponte ŋ kaŋɛ le: “Men kaŋɛ ekama kachɛ nɛ an lara n yili nɛ an shuŋ Baal be kegbir ere!” Nɛ b bɛ kusɔ nɛ e kaŋɛ na so.

2 Kronikɛls 20:13

Le be saŋɛ so nɛ Juda be benyɛn nɛ bumo be beche nɛ mbia yil bɔrɛlambu na ase.

Nehemaya 8:18

Baŋ yili kachɛ nɛ b fara kachɛgboŋ na be keji n ya fo kumo be kachɛ shunusopo na, Ɛzra daa kraŋ mbra be kawɔl na nna a sa basa na karechɛ kikɛ. Kachɛ burwasopo na nɛ ekama gama abar so nɛ b bunyaŋ Ebɔrɛ, fanɛ kananɛ mbra na ŋini na.

Ɛsta 4:16

“Shin nɛ Juwebi nɛ b wɔ Susa na kikɛ e ba abar so m ba kishi nchɛ asa nɛ nnyɛ asa ŋ kule Ebɔrɛ n sa ma. Ma alɛ gba nɛ ma mbita beeŋ luri loŋ be ekishi na to. Kumo be kaman, nɛ n yɔ ewura na kutɔ. Hale nɛ mbra maŋ sa ma ekpa gba, meeŋ wora loŋ. Nɛ k la luwu nɛ n wu.”

Jɛremaya 14:2

“Juda be efuli so nɛ Jerusalɛm to ebi bee shu ŋkpal kasawule na ka wɔl a dese so.

Jowɛl 1:2

Benimu, men nu nfe, menyi bekama nɛ men wɔ kasawule ere so, e kaŋ kusoe n nu. Men ka koso kikɛ le be kesheŋ ere daŋ wora men be jemanɛ to, ŋko men nananyɛnana be jemanɛ to a?

Levitikɔs 23:36

Nchɛnshunu na kikɛ to menyeeŋ baa lara esargajibi karechɛ kikɛ. Kachɛ burwasopo na nɛ men shɛr m bunyaŋ Enyɛnpe Ebɔrɛ na nseŋ lara sargajibi n sa mo, ŋkpal manɛ so, k la kabɔrɛshuŋ be kachɛ nna nɛ a maŋ daga fanɛ men shuŋ shɛŋ.

Jona 3:5

Ninɛveebi na ka nu kubɔya na nɛ b yirda Ebɔrɛ nseŋ yili kumo fanɛ ekama e kishi. Ndoŋ nna nɛ benimu nɛ mbia kikɛ ta kagbenejijaso be asɔbuuso m buu a ŋini fanɛ bumo be ŋgbene jija bumo.

Jona 3:8

Edimɛdi kikɛ e buu kagbenejijaso be asɔbuuso nseŋ shu n tre Ebɔrɛ kenishipreso. Ekama e yige asheŋ lubi be kewora nɛ kebaawɔ kebaawɔtɔ lubi to.

Zefanaiya 2:1

Kanishinyɔrpaŋ be efuli be basa ere, men ba abar so