Jowɛl 1:12 - EBƆRƐ BE KAWƆL

¹² Ndibi sɔrso be yiri yiri kikɛ bolo to nseŋ wɔl n wu kuraa; nɛ bomin kikɛ be kagbenefuli n loge kuraa.

Jowɛl 1:12 ပူးပေါင်းရင်းမြစ်များ

Nshɛ 4:7

Kagbenefuli nɛ fo sa ma na chɔ kumo nɛ aboyu damta be keburi ŋko nsa damta be kenya bee sa basa ga.

Nshɛ 92:12

Basa lela beeŋ dii dama fanɛ ŋkubadibi ka purge na; baaŋ daŋ n yili fanɛ Lebanɔn be ndibi nɛ baa tre sida na.

Sɔlɔmɔn 2:3

Kananɛ mangodibi bee wea ndibi pɔtɛ to ashi kupo to na nɛ n jipo du ashi mbrantiɛbia to. Kumo be kiyoyul to be kechena wɔ ebel nna nɛ kumo kusɔrso bee wora ma kɔnɔ to ebel ga

Sɔlɔmɔn 4:13

Ndoŋ nɛ asɔduuso bee wora nɛnɛ nsaa sɔr asɔrso jiso lela nɛ baa tre pomegranates na, nɛ asɔrso dufɛso lela nɛ baa tre naad nɛ hena na;

Aizaaya 16:10

Esa kama b kagbene maŋ fuli ŋkpal nsawule na ka maŋ naa wora adɔjibi ga na so. Esa kikɛ maa boŋ nshɛ ashi waindibi be adɔana to. Ekama maŋ naa nya afeelebi be asɔrso nɛ baa tre greeps na a wora nsa. Esa kama maŋ naa nu kagbenefuliso be awɔr gba kuraa.

Aizaaya 24:11

Kagbenefuli foe durnya to nɛ basa bee ponte to agbembi so a kaŋɛ le: “Anyi maŋ naa kɔ yabra! Anyi maŋ naa kɔ yabra!”

Aizaaya 24:7

Ewaindibi bee wu nna nɛ yabra be asheŋ bee ki kpakpa. Esa kama nɛ mbe kagbene daa fuli mo wɔ kagbenejija to naniere nna.

Aizaaya 9:3

Enyɛnpe Ebɔrɛ, fo shin nɛ fo basa wora keshi n ti so; fo alɛ nseŋ shin nɛ bumo be ŋgbene fuli bumo. Baa ji eyur kagbenefuliso ashi kusɔ nɛ fo wora to nna, fanɛ kananɛ basa nɛ b teŋi ayu be ŋgbene bee fuli bumo na, ŋko fanɛ basa nɛ b kɔ n suge asɔ kena to nsaa barga amo to na.

Jɛremaya 48:3

Basa nɛ b wɔ Horoneem na beeŋ shu n fin kechɛto jemanɛ nɛ bedoŋ beeŋ kɔ bumo be kade m mur kumo na.

Jɛremaya 48:33

Kagbenefuli nɛ kagbenewushi maŋ naa wɔ basa to ashi Mowab be adɔsawule nɛ ndibisɔrso be adɔana so ŋkpal b ka maŋ naa nya adɔjibi nɛ greeps, a wora yabra so.

Jowɛl 1:10

Nfe be adɔsawule kikɛ nyam jija nsaa maŋ naa kɔ tɔnɔ. Nsawule kikɛ wɔl nɛ asɔ duuso kikɛ mur. Asɔrso popɔrbi kikɛ wɔl, nɛ ŋku loge.

Jowɛl 1:16

To, naniere gba an kɔ anishi nna a keni anyi be adɔ nɛ amo be ajibi bee jija. Kagbenefuli malɛ maŋ naa wɔ bɔrɛlambu to kuraa.

Jona 4:7

Ama kumo be ŋklade kachipurdidi nɛ Ebɔrɛ shin nɛ kushushombi gboŋgboŋi ko ba ji kefeelebi na nɛ k bolo to.

Heegai 2:19

Kashenteŋ nna fanɛ aboyu maŋ naa wɔtɔ nɛ ndibisɔrso na malɛ be kekama maŋ naŋ sɔr asɔrso kikɛ, ama yili kabre a yɔ meeŋ nɛfa menyi.”

Malakai 3:11

M maaŋ shin nɛ asɔfirgisobi e jija menyi be adɔjibi saŋɛ na so menyi be afeelebi nɛ a bee sɔr asɔrso nɛ baa tre greep na beeŋ sɔr nɛnɛ.

Nɔmbɛs 13:23

Basa nɛ b shuŋi na ka fo ketaŋɛ nɛ baa tre Eshkɔl na to, nɛ b ku kesɔrso nɛ baa tre greep na be asɔrso be keyabi. Ŋkpal k ka daa shibi ga nsaa wɔ egbɛ so b daŋ ta kumo nna n deŋi kedibi so nɛ basa anyɔ cha abar n sulɔ kumo bumo be abatimu so a nite. B daŋ ta kedibi nɛ baa tre pomegranates na be asɔrso nɛ figidibi be asɔrso gba nna n ti kumo so.