Jowɛl 1:10 - EBƆRƐ BE KAWƆL

¹⁰ Nfe be adɔsawule kikɛ nyam jija nsaa maŋ naa kɔ tɔnɔ. Nsawule kikɛ wɔl nɛ asɔ duuso kikɛ mur. Asɔrso popɔrbi kikɛ wɔl, nɛ ŋku loge.

Jowɛl 1:10 ပူးပေါင်းရင်းမြစ်များ

Jɛnesis 4:12

Fo naŋ dɔ kumo so gba, fo maaŋ nya shɛŋ. Yili kabre a yɔ fo maaŋ baa kɔ epe, feeŋ baa la efɔ nna a na chamcham durnya ere to.”

Aizaaya 15:6

Mbombi nɛ a wɔ kakpa nɛ baa tre Nimrim na wɔlto nna nɛ ndoŋ be afitiri kikɛ wɔl. Kefitiri bumbuŋ kikɛ maŋ naa wɔ eboŋkarana na.

Aizaaya 24:11

Kagbenefuli foe durnya to nɛ basa bee ponte to agbembi so a kaŋɛ le: “Anyi maŋ naa kɔ yabra! Anyi maŋ naa kɔ yabra!”

Aizaaya 24:7

Ewaindibi bee wu nna nɛ yabra be asheŋ bee ki kpakpa. Esa kama nɛ mbe kagbene daa fuli mo wɔ kagbenejija to naniere nna.

Jɛremaya 12:11

B shin nɛ k ki kasawule jiga nɛ k maaŋ naŋ tiŋ n wora shɛŋ n sa ma. Kasawule na kikɛ ki fanɛ keshishɛrsawule nɛ kumo be asheŋ maŋ tir esa kikɛ.

Jɛremaya 12:4

Nfɛ afanɛ nɛ ewule beeŋ baa wɔ anyi be kasawule so, nɛ kaplɛkama be afitiri e wu nsaa maaŋ naa wɔtɔ? Asɔbɔya nɛ mbuibi kikɛ bee wu nna ŋkpal anyi be basa be lubi so. Ba kaa puchi a kaŋɛ le nna: “Ebɔrɛ maa wu kusɔ nɛ anyee wora.”

Jɛremaya 48:33

Kagbenefuli nɛ kagbenewushi maŋ naa wɔ basa to ashi Mowab be adɔsawule nɛ ndibisɔrso be adɔana so ŋkpal b ka maŋ naa nya adɔjibi nɛ greeps, a wora yabra so.

Hoziya 4:3

Ŋkpal loŋ so ewule lubi beeŋ yili menyi be kasawule ere so nɛ kusɔ kama nɛ k wɔ kumo so kikɛ e wu. Asɔbɔya nɛ mbuibi nɛ ekɔrɔtɔ kikɛ beeŋ wu.”

Hoziya 9:2

Ama k maaŋ chɛr ko nɛ menyi maa naa kɔ ayu nɛ ɔlif be ŋku nɛ asɔnuuso belbelso.

Jowɛl 1:12

Ndibi sɔrso be yiri yiri kikɛ bolo to nseŋ wɔl n wu kuraa; nɛ bomin kikɛ be kagbenefuli n loge kuraa.

Jowɛl 1:5

Menyi besanuupo ere, men tiŋi edi to nseŋ shu anishichubi! Menyi to be bekama nɛ menyee nuu nsa na, e boŋ to a shu. Men boŋ to a shu ŋkpal men ka maaŋ naŋ nya amo n nuu so.

Jowɛl 2:19

ŋ kaŋɛ bumo le: “Naniere bre meeŋ sa menyi adɔjibi nɛ asɔ nuuso nɛ ɔlif be asɔrso be ŋku nɛ men ji m moɛ. Loŋ na efuli pɔtɛana so ebi maaŋ naŋ fɛl menyi nseŋ wora menyi eyurto.

Levitikɔs 26:20

Menyi maaŋ nya shɛŋ ashi kushuŋ kpakpaso kama nɛ menyeeŋ shuŋ to, ŋkpal manɛ so, menyi be adɔjibi nɛ ndibi sɔrso maaŋ wora kasawule na so.

Habakuk 3:17

Hale nɛ figi be ndibi maŋ sɔr gba, nɛ afeelebi nɛ baa tre greeps na maŋ kɔ asɔrso; hale nɛ ɔlif be ndibi maŋ sɔr shɛŋ, nɛ adɔsawule maŋ wora ajibi gba; hale nɛ kubolpɔ koŋwule gba maŋ naa wɔtɔ, nɛ kena koŋwule maŋ naa wɔ kenalu to gba,

Heegai 1:11

Ma e shin nɛ ewule ba adɔsawule nɛ abee nɛ ndibi sɔrso be adɔ so nɛ kusɔ kama nɛ k bee shi kasawule to nɛ edimɛdi nɛ asɔbɔya kikɛ so, nɛ menyi be kegben kikɛ to jiga na. B ka wora Ebɔrɛ be kamalga kasonu be asheŋ

Malakai 2:3

Meeŋ gberge men be mbia kusoe nseŋ ta asɔbɔya nɛ menyee ta a lara esarga na be ebin ŋ gbiti menyi be anishito. Kumo be kaman nɛ ma nɛ menyi maa naa kɔ shɛŋ.