Joshuwa 9:4 - EBƆRƐ BE KAWƆL

⁴ nɛ b kre fanɛ baaŋ fule mo. Ndoŋ nna nɛ b ya fin ajibi n wɔtɔ ebɔtɛ kpɛatoso to ŋ kre n deŋi ekurma so nseŋ ta nsaturbi nɛ a bure nɛ b baa amo n ti so.

Joshuwa 9:4 ပူးပေါင်းရင်းမြစ်များ

Jɛnesis 34:13

Ŋkpal Shɛkɛm ka jija bumo sipoche Daina so, Jeekɔb be bibinyɛn na daŋ fule nna n shuli n sa Shɛkɛm nɛ mo tuto Hamar.

Nshɛ 119:83

M maaŋ naa kɔ tɔnɔ fanɛ yabra be kapuya bureso; ama ma alɛ kraa maŋ teŋ fo mbraana so.

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.

Matiu 9:17

Ekama malɛ maaŋ shuli n chulgi nsa popɔr n wɔtɔ nsa be asɔ dra to. Nɛ e wora loŋ, asɔ na beeŋ pante n jija nɛ nsa na e wurge. Kashenteŋto, nsa popɔr daga asɔ popɔr to be keluri nna, saŋɛ na so asɔ na nɛ nsa na kikɛ maaŋ jija.”

Maak 2:22

Ekama malɛ maaŋ shuli n chulgi nsa popɔr n wɔtɔ nsa be asɔ dra to. Nɛ e wora loŋ, nsa na beeŋ shin nɛ asɔ na e pante nɛ amo kikɛ e jija. Kashenteŋto, nsa popɔr daga keluri asɔ popɔr to nna.”

Luuk 16:8

Damawura na daŋ kpaŋ mbe esibɛpo kebirkɔnshiwura na ga ŋkpal kashennyi nɛ e daŋ ŋini na so. Ŋkpal manɛ so, durnya ere to ebi kɔ kebirkɔnshi be kashennyi nna a wora bumo be asheŋ a chɔ basa nɛ b wɔ kefulto to.”

Joshuwa 9:12

Men keni anyi be bodobodo. An ka lar epe a ba menyi kutɔ na nɛ a kra walɛ nna ama naniere amo e wɔlso nseŋ puu na.

Joshuwa 9:13

Nsaturbi ere daa la apopɔr nna, ama naniere men keni kananɛ a ki adra. Anyi be asɔbuuso nɛ asɛbta gba kpɛa to nna ŋkpal an ka nite ekpa tenteŋ so.”

Joshuwa 9:3

Ama Gibiɔnebi na ka nu kusɔ nɛ Joshuwa wora Jɛriko nɛ Ai na,

Joshuwa 9:5

B daŋ ta asɔbuuso kpɛatoso nna m buu nseŋ ta asɛbta wuso nɛ b tɛ amo n wɔtɔ. Bumo be bodobodo gba daŋ wɔlso nna nseŋ puu.