Joshuwa 9:17 - EBƆRƐ BE KAWƆL

¹⁷ Kumo be kaman nɛ Israɛlebi na lar n ta nchɛ asa n ya fo basa na be nde to. Bumo be nde na e la: Gibiɔn nɛ Chefira nɛ Bɛɛrɔf nɛ Kiriaf Jearim.

Joshuwa 9:17 ပူးပေါင်းရင်းမြစ်များ

2 Samuɛl 4:2

Ishboshɛf daŋ ta Baana nɛ Reekab nɛ bumo tuto e la Rimmɔn na nna ŋ ki benapo nɛ baa ta kena a purgi basa a pɛ bumo na be bejuŋkparpo. B shi Bɛɛrɔf nɛ k la Bɛnjamin be yiri to ebi be kasawule na be kaba ko nna.

1 Kronikɛls 2:50

Kalɛb be kaman to ebi e kraa la bede gba. Kalɛb pibinyɛn nimuso nɛ mo nɛ mbe eche Efraf daŋ kurge e daa la Hur. Hur pibinyɛn Shobal e daŋ juŋkpar n chena Kiriaf Jearim.

1 Kronikɛls 2:52

Shobaal nɛ e juŋkpar n chena Kiriaf Jearim na b kenana e daa la Harowe be basa nɛ Menuhɔf be kabuna ebi na be bargato,

1 Kronikɛls 2:53

n ta Itriebi nɛ Putebi nɛ Shumebi nɛ Mishraebi be mbuna nɛ bumo alɛ gba daa wɔ Kiriaf Jearim na.

1 Kronikɛls 21:29

Enyɛnpe Ebɔrɛ be wajɛbu nɛ Mosis daŋ yuu ashi kiyi na to nɛ bɔrɛsure nɛ e pɔr nɛ b daa lara sarga chɔɔso kumo so na kikɛ daa wɔ kakpa nɛ baa bunyaŋ Enyɛnpe Ebɔrɛ loŋ be saŋɛ na ashi Gibiɔn na nna;

Ɛzra 2:25

Kiriaf Jeerim nɛ Kɛfira nɛ Beerɔt ebi daa la basa alfa ashunu nɛ adena nɛ asa.

Jɛremaya 26:20

Kanyɛn ko gba daa wɔtɔ nɛ baa tre mo Uriya, nɛ e la kanyɛn nɛ baa tre Shemaya na pibinyɛn nseŋ shi kade nɛ baa tre Kiriaf Jeerim na. Mo alɛ gba daŋ malga ŋ gbiti Jerusalɛm nɛ Juda ashi Enyɛnpe Ebɔrɛ na be ketre to fanɛ kananɛ Jɛremaya wora ere.

Joshuwa 10:2

Nɛ kumo be loŋ shin nɛ kufu pɛ Jerusalɛmebi na ga, ŋkpal manɛ so, Gibiɔn gba daa la kadegboŋ nna fanɛ nde nɛ a kɔ bewura na. K daa shi a chɔ Ai nɛ kumo be basa malɛ daa la benapo lempo ga.

Joshuwa 15:60

N ta Kiriaf Baal nɛ baa tre Kiriaf Jearim na nɛ Raaba. Amo alɛ la nde anyɔ nɛ amo ndewurbi.

Joshuwa 15:9

nseŋ naŋ yili ndoŋ m bɔla Nɛftowa be mbombi na to n ya lar ndegboŋ nɛ a mata Efrɔn be kebeegboŋ na, nseŋ yili ndoŋ ŋ kilgi n sɔ Baala nɛ baa tre Kiriaf Jearim na.

Joshuwa 18:14

K ka fo kebeegboŋ na nɛ k yili kumo be epeŋitɔrkpa ŋ kilgi m bɔla kebee na be kelargato be kaseto be kaba so a yɔ Kiriaf Baal ŋko Kiriaf Jearim nɛ k la Juda be yiri to ebi peya na.

Joshuwa 18:15

Kasawule na be kelargato be kaseto be kaba so be ekar fara Kiriaf Jearim be ekarso nna n ta n sɔ epeŋitɔrkpa hale n ya fo Nɛftowa be abuye na,

Joshuwa 9:16

B ka wora kɔnɔkoŋwule na be nchɛ asa nɛ Israɛlebi na pin fanɛ Gibiɔnebi na chena n taga bumo to nna.

Joshuwa 9:18

Ama Israɛlebi na daa maŋ kɔ bumo, ŋkpal manɛ so, bumo be bejuŋkparpoana na daŋ nase kɔnɔ kpakpaso nna n sa bumo ashi Enyɛnpe nɛ Israɛl be Ebɔrɛ na be anishito. Ndoŋ nna nɛ Israɛlebi na kikɛ fubel n sa bumo be bejuŋkparpoana na.

Joshuwa 9:3

Ama Gibiɔnebi na ka nu kusɔ nɛ Joshuwa wora Jɛriko nɛ Ai na,

Joshuwa 9:9

Nɛ b kaŋɛ le: “An shi efuli wɔfɔ nna nseŋ nu Enyɛnpe, menyi be Ebɔrɛ na be asheŋ. An nu kusɔ kama nɛ e wora n sa menyi ashi Ijipt be kasawule so,

Demujipoana 18:12

B daŋ ya wora bumo be keeyito nna ashi Kiriaf Jeerim nɛ k wɔ Juda be efuli so na. Amoso nɛ hale m ba fo kabre ndoŋ bee ji Dan be keeyito na.

1 Samuɛl 6:21

Nɛ b shuŋi mbɔ fanɛ b ya kaŋɛ Kiriaf Jearim be basa na le: “Filistiebi na bɛta Enyɛnpe Ebɔrɛ be ŋkre be deka na m ba. Men ba ta kumo n yɔ menyi pe.”

1 Samuɛl 7:1

Ndoŋ nna nɛ Kiriaf Jearim be basa na ba ta Enyɛnpe Ebɔrɛ be ŋkre be deka na n yɔ kanyɛn ko nɛ baa tre Abinadab nɛ mbe laŋ wɔ kebee be esoso na pe nseŋ lara mo pibinyɛn Eliaza n yili fanɛ e baa keni kumo so.