Joshuwa 9:14 - EBƆRƐ BE KAWƆL

¹⁴ Ndoŋ nna nɛ Israɛlebi na sɔ bumo be ajibi na be ako n ji ŋ keni, ama b daŋ maŋ bishi Enyɛnpe Ebɔrɛ kusɔ nɛ k daga fanɛ b wora pɔɛŋ.

Joshuwa 9:14 ပူးပေါင်းရင်းမြစ်များ

2 Samuɛl 2:1

Ade kikɛ be kaman nɛ Deevid bishi Enyɛnpe Ebɔrɛ le: “K daga fanɛ n yɔ Juda be ndeana ere be kuko to a?” Nɛ Enyɛnpe Ebɔrɛ shuli so ŋ kaŋɛ: “Mm!” Nɛ Deevid naŋ bishi le: “Kade mo e daga ŋ ka yɔ?” Nɛ Enyɛnpe Ebɔrɛ kaŋɛ: “Yɔ Hibrɔn!”

2 Samuɛl 5:19

Nɛ Deevid bishi Enyɛnpe Ebɔrɛ le: “K daga ŋ ka ya kɔ Filistiebi ere kena a? Meeŋ tiŋ m pɔɔ bumo so a?” Nɛ Enyɛnpe Ebɔrɛ shuli so ŋ kaŋɛ: “Mm, ya kɔ bumo! Meeŋ shin nɛ men kɔ m pɔɔ bumo so kashenteŋto!”

Ɛzra 8:21

Ahava be kabombi na ase nɛ ŋ kaŋɛ fanɛ a daga an kikɛ ka kishi nseŋ bar anyi be amu kaseto ashi Ebɔrɛ be anishito nseŋ kule mo nɛ e juŋkpar anyi nseŋ keni anyi nɛ anyi be mbia nɛ anyi be asɔ kikɛ so ashi anyi be enite to.

Ɛksodɔs 28:30

Saŋkama nɛ Ɛɛrɔn bee yɔ Enyɛnpe Ebɔrɛ na be anishito, a daga fanɛ e di demuji be kɔlgu nɛ Urim nɛ Tumim wɔ kumo to na nɛ a baa chɛ mo to nɛ e baa pin Enyɛnpe Ebɔrɛ na be nfɛra.

Nɔmbɛs 27:21

Bɔrɛmatapowura Eliaza beeŋ baa ŋini mo kusɔ nɛ ma, Enyɛnpe Ebɔrɛ bee sha e ka bee wora. Loŋ e naŋ shin nɛ e baa tiŋ a juŋkpar Israɛlebi na a yɔ a ba.”

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.

Joshuwa 9:13

Nsaturbi ere daa la apopɔr nna, ama naniere men keni kananɛ a ki adra. Anyi be asɔbuuso nɛ asɛbta gba kpɛa to nna ŋkpal an ka nite ekpa tenteŋ so.”

Demujipoana 1:1

Joshuwa ka wu be kaman, nɛ Israɛlebi na kule Ebɔrɛ m bishi mo le: “Anyi be mbuna ere be kumo e naaŋ juŋkpar n ya kɔ Keenanebi na?”

Demujipoana 20:18

Kumo be kaman nɛ Israɛl be basa na yɔ kakpa nɛ baa shuŋ Ebɔrɛ ashi kade nɛ baa tre Bɛtɛl na n ya kule Ebɔrɛ m bishi: “Yiri mo e naaŋ juŋkpar anyi n ya kɔ Bɛnjamin be yiri to ebi na kena?” Nɛ Enyɛnpe Ebɔrɛ na kaŋɛ: “Juda be yiri to be basa e naŋ juŋkpar.”

Demujipoana 20:28

Nɛ Israɛl be basa na naŋ bishi Enyɛnpe Ebɔrɛ na le: “An naaŋ bɛta n ya kɔ Bɛnjamin be basa nɛ b la an kurgepoana na kena ŋko an sa maŋ naŋ yɔ?” Nɛ Enyɛnpe Ebɔrɛ na kaŋɛ le: “Men yɔ! Echefo bre meeŋ shin nɛ men kɔ m pɔɔ bumo so.”

1 Samuɛl 22:10

Nɛ Ahimɛlɛk bishi Enyɛnpe Ebɔrɛ kusɔ nɛ k daga Deevid ka wora nseŋ sa Deevid ajibi. E ta Goliɛf nɛ e la Filisti be esa na be tokobi gba n ti so n sa mo.”