Joshuwa 9:1 - EBƆRƐ BE KAWƆL

¹ Bewura nɛ b wɔ Jɔɔdan be lɔr na be epeŋitɔrkpa be efuli nɛ k wɔ abee be kaba so nseŋ kra Mɛditerenia be teku na be kepla n ya fo Lebanɔn na daŋ nu Israɛlebi be kekɔmpɔɔso na be asheŋ nna. B daa la Hitebi nɛ Amɔriebi nɛ Keenanebi nɛ Pɛrizebi, nɛ Hivebi nɛ Jebusiebi be bewura nna.

Joshuwa 9:1 ပူးပေါင်းရင်းမြစ်များ

2 Samuɛl 24:7

Kumo be kaman nɛ b yɔ kade nɛ b pɔr egbal ŋ kulti nɛ baa tre Tayɛ na, n ta loŋ n ya fo Hivebi nɛ Keenanebi be nsawule so be nde kikɛ to. N yili ndoŋ n yɔ Bɛshiba nɛ k wɔ Juda be kelargato be kaseto be keshishɛrsawule so na.

Ɛksodɔs 23:23

Nɛ ma malaika na e juŋkpar menyi n yɔ Amɔriebi nɛ Hitebi nɛ Pɛrizebi nɛ Keenanebi nɛ Hivebi nɛ Jebusiebi be nsawule so nɛ m mur bumo kikɛ.

Ɛksodɔs 23:31

Meeŋ shin nɛ men be ekar e yili teku peper na n ya fo Filistiebi be teku na nseŋ naŋ yili keshishɛrsawule na so n ya fo Yufreetes be lɔr na to. Meeŋ ta nsawule na so ebi m bɔɔ menyi enɔ nɛ men ju bumo ashi to.

Ɛksodɔs 3:17

Ma alɛ yili kumo fanɛ meeŋ lara menyi ashi tɔrɔ nɛ menyee ji ashi Ijipt be efuli so na to n yɔ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi be nsawuleana so. Loŋ be nsawule na e kɔ kanya alegaiso nsaa wora ajibi nɛnɛ.”

Ɛksodɔs 34:11

Amoso, nɛ men bɛ ma mmalga nɛ mee ta a sa menyi kabre ere so, meeŋ ju Amɔriebi nɛ Keenanebi nɛ Hitebi nɛ Pɛrizebi nɛ Hivebi nɛ Jebusiebi ashi kasawule ere so.

Nɔmbɛs 13:29

Amalɛkebi e chena kasawule na be kelargato be kaseto be kaba so, nɛ Hitebi nɛ Jebusiebi nɛ Amɔriebi malɛ chena kebee be efuli na be kaba so; nɛ Keenanebi malɛ chena m mata Teku nɛ baa tre Mɛditerenia na nɛ Jɔɔdan be lɔr na be ekarso.”

Nɔmbɛs 34:6

Kumo be epeŋitɔrkpa be ekar e naŋ baa la Mɛditerenia be Teku na.

Ditɛronɔmi 1:7

Men kaa keeyi nseŋ fara a yɔ Amɔriebi be kepreŋsawule nɛ mboŋ nɛ a kulti ndoŋ na so, an ta fanɛ Jɔɔdan be ketaŋɛ na nɛ keplasawule nɛ abonfu nɛ a dese a laŋɛ kelargato be kaseto na nɛ Teku nɛ baa tre Mɛditerenia na be ekarso. Men yɔ Keenan be kasawule so hale m baŋ so n yɔ Lebanɔn be abee ase n ya fo Lɔrgboŋ nɛ baa tre Yufreetes na ase.

Ditɛronɔmi 3:25

Jande, Enyɛnpe Ebɔrɛ, shin nɛ ma alɛ gba e dii Jɔɔdan be lɔr na n ya wu kasawule lela nɛ k dese kaba ndoŋ na; kumo e la kepreŋsawule lela na, nɛ Lebanɔn be abeegboŋ na.”

Ditɛronɔmi 4:49

Efuli na be kebonfugboŋ nɛ k dese Jɔɔdan be lɔr na be epeŋilarkpa hale ŋ gbelge to n ya fo Teku Wuso na ase ashi kelargato be kaseto na nseŋ naŋ ta epeŋilarkpa n ya fo Pisga be kebeemase na ase kikɛ daŋ ti bumo be nsawule na so nna.

Ditɛronɔmi 7:1

Ndoŋ nna nɛ Mosis naŋ kaŋɛ: “Israɛlebi, Enyɛnpe menyi be Ebɔrɛ na beeŋ chɛ menyi to nɛ men suge Hitebi nɛ Giigashebi nɛ Amɔriebi nɛ Keenanebi nɛ Pɛrizebi nɛ Hivebi nɛ Jebusiebi be nsawule. Efuli ashunu ere be kekama be basa shibi nsaa kɔ eleŋ a chɔ menyi Israɛlebi, ama nɛ men kre kena n ya tu bumo,

Joshuwa 1:15

n ya fo saŋkama nɛ Enyɛnpe na beeŋ sa bumo alɛ gba ewushi fanɛ kananɛ e sa menyi na. Kumo be kaman pɔɛŋ nɛ men bɛta n ya chena men be kasawule nɛ Enyɛnpe Ebɔrɛ be kayɛrbi Mosis ta n sa menyi ashi Jɔɔdan be lɔr na be epeŋilarkpa na.”

Joshuwa 1:4

Menyi be kasawule beeŋ fara kelargato be kaseto be keshishɛrsawule na ase n ya fo Lebanɔn be abee so ashi kelargato be esoso, nɛ lɔrgboŋ nɛ baa tre Yufreetes na ashi epeŋilarkpa nseŋ bɔla Hitebi be efuli so n ya fo teku nɛ baa tre Mɛditerenia na ashi epeŋitɔrkpa.

Joshuwa 10:23

Ndoŋ nna nɛ b ya bugi kebeelaŋ na n lara Jerusalɛm nɛ Hibrɔn nɛ Jaamɔf nɛ Lakish nɛ Iglɔn be bewura na

Joshuwa 11:17

Kasawule na dese hale n ya fo Halak be kebeegboŋ nɛ k wɔ kelargato be kaseto be kaba so a mata Edɔm be efuli so na, n ta n ya fo Baal Gad nɛ k wɔ kelargato be esoso be kaba so ashi Lebanɔn be ketaŋɛ nɛ k wɔ Hɛɛmɔn be kebeegboŋ na be kelargato be kaseto be kaba so na. Joshuwa nɛ le be bewura ere daŋ kɔ abar kena n chɛr ga, ama e daŋ pɔɔ bumo so m mɔ bumo kikɛ.

Joshuwa 13:5

N ta Gebalebi be efuli nɛ Lebanɔn kikɛ ashi epeŋilarkpa, n yili Baal Gad nɛ k wɔ kebeegboŋ nɛ baa tre Hɛɛmɔn na be kelargato be kaseto hale n ya fo Hamaf.

Joshuwa 15:12

e daa la kasawule na be epeŋitɔrkpa be ekar. Le be kasawule ere so nɛ Juda be yiri to ebi na daa wɔ.

Joshuwa 22:4

Naniere Enyɛnpe menyi be Ebɔrɛ na ka sa men niopibiana Israɛlebi kagbenewushi fanɛ kananɛ e nase kɔnɔ na ere, men bɛta n yɔ menyi be kasawule nɛ k wɔ Jɔɔdan be lɔr na be epeŋilarkpa be kaba so nɛ Enyɛnpe Ebɔrɛ be kayɛrbi Mosis ta n sa menyi na so.

Joshuwa 23:4

Men baa nyiŋi kananɛ n ta basa nɛ b ka na be nsawule nɛ efuli nɛ ŋ kɔ m pɔɔ so nɛ k yili Jɔɔdan be lɔr na ashi epeŋilarkpa n ya fo teku nɛ baa tre Mɛditerenia na ashi epeŋitɔrkpa na be nsawule n sa menyi be yiri yiri to ebi fanɛ bumo be kapetɛ.

Joshuwa 24:11

Men ka dii Jɔɔdan be lɔr na m ba Jɛriko, nɛ Jɛriko be basa na kɔ menyi kena. Loŋ gbagba nɛ Amɔriebi nɛ Pɛrizebi nɛ Keenanebi nɛ Hitebi nɛ Gɛgashebi nɛ Hivebi nɛ Jebusiebi daŋ kɔ menyi. Ama n shin nɛ men kɔ m pɔɔ bumo kikɛ so.

Joshuwa 3:10

Kananɛ menyeeŋ pin fanɛ Enyɛnpe Ebɔrɛ nɛ e wɔ ŋkpa to na wɔ menyi kutɔ nde. E beeŋ ju Keenanebi nɛ Hitebi nɛ Hivebi nɛ Pɛrizebi nɛ Gɛgashebi nɛ Amɔriebi nɛ Jebusiebi nɛ b wɔ Jɔɔdan be lɔr be kaba ndoŋ na kikɛ.

Joshuwa 3:17

Bɔrɛmatapoana nɛ b sulɔ ŋkre be deka na daŋ yili kakpa wɔlso nna ashi Jɔɔdan be lɔr na be nferinto hale nɛ Israɛlebi na kikɛ nite kasawule wɔlso so n dii lɔr na n yɔ kumo be kaba ndoŋ.

Joshuwa 5:1

Amɔriebi be bewura nɛ b wɔ Jɔɔdan be epeŋitɔrkpa na nɛ Keenan be bewura nɛ b chena m mata teku nɛ baa tre Mɛditerenia na kikɛ ka nu kananɛ Enyɛnpe Ebɔrɛ shin nɛ Jɔɔdan be lɔr na ku to nɛ Israɛlebi na nite kumo to n dii na nɛ bumo ŋgbene fara a ku nɛ baa ŋana ketu Israɛlebi na ŋ kɔ.

Joshuwa 6:27

Ŋkpal Enyɛnpe Ebɔrɛ na ka daa wɔ Joshuwa kutɔ so mbe ketre daŋ dii nna ga ashi efuli na kikɛ so.

Joshuwa 9:7

Ama le nɛ Israɛlebi na daŋ kaŋɛ: “Manɛ so nɛ anyi nɛ menyi bee wora kɔnɔkoŋwule be ŋkre? Ashere anyi nɛ menyi maŋ chena n feŋ abar ga gba.”