Joshuwa 8:35 - EBƆRƐ BE KAWƆL

³⁵ Mosis be mbra na be kedosobi gba maŋ ka nɛ Joshuwa maŋ kraŋ ŋ ŋini jimaŋ na. Beche nɛ mbia nɛ befɔ nɛ b wɔ bumo to na kikɛ daŋ ti so.

Joshuwa 8:35 ပူးပေါင်းရင်းမြစ်များ

Ɛzra 10:1

Anebi Ɛzra ka wɔ nɛ alubi be ketampaŋ be kabɔrɛkule to nsaa shu ŋkpal bumo be alubi damta nɛ b wora na so na, nɛ Israɛlebi be benyɛn nɛ beche nɛ mbia damta ko ba yili ŋ kulti mo ŋ wɔtɔ a shu kenishipereso.

Nehemaya 8:2

Ndoŋ nna nɛ Ɛzra ya ta mbra be kawɔl na m ba. Benyɛn nɛ beche nɛ mbia nɛ baa pin asheŋ to na kikɛ e daŋ shɛr ndoŋ.

Nehemaya 8:3

Yili kachipurdidi n ya fo kapiidi nɛ e yili kelɔnɛ nɛ k mata kabuna so a kraŋ mbra be kawɔl na a sa basa na nɛ baa nu kumo nɛnɛ.

Ɛksodɔs 12:38

Basa pɔtɛ damta gba daŋ ti bumo so n yɔ. B daŋ keta asɔbɔya fanɛ mbolpɔ nɛ mboe nɛ ana kikɛ n ti so n yɔ.

Jɛremaya 26:2

E yɛ: “Jɛremaya, ŋ kɔ kubɔya ko a sa ekama fanɛ Juda be ndeana to be basa e ba kaa shuŋ ma ashi ma bɔrɛlambu to. Yɔ bɔrɛlambu na be kelɔnɛ so n ya kaŋɛ kusɔ kama nɛ meeŋ kaŋɛ fo fanɛ fo malga. Sa maŋ kaŋ yige kamalga na kusɔ kama n lɛ.

Jowɛl 2:16

Men gbargbar abar m ba shɛr kecheembiya be ekpa so. Men shin nɛ basa nɛ b bel kikɛ e ba loŋ be nshɛr na to. Men shin nɛ mbiwurbi nɛ mbi popɔrbi gba e ba. Bumo nɛ b ta abar kepopɔr to gba daga fanɛ b lar bumo be ebuana to m ba.

Zakareya 8:23

Loŋ be jemanɛ na so, eyiri pɔtɛ nɛ efuli pɔtɛana so be basa kudu beeŋ pɛ Israɛl be esa koŋwule be kale to nsaa kaŋɛ mo le: Shin nɛ an bɛ fo so a yɔ, ŋkpal manɛ so, an nu fanɛ Ebɔrɛ wɔ men kutɔ nna.”

Maak 10:14

Yesu ka pin loŋ nɛ agbo pɛ mo, nɛ e kaŋɛ mbe bebɛsopo na: “Men shin nɛ mbia na e baa ba ma kutɔ, men sa maa kuŋ bumo ekpa, ŋkpal manɛ so, Ebɔrɛ be kuwura na la loŋ be basa peya nna.

Ashuŋ Shunso 20:27

ŋkpal manɛ so, m maŋ ta kusɔ nɛ Ebɔrɛ yili fanɛ e beeŋ wora na ŋ ŋana menyi so.

Ashuŋ Shunso 21:5

Ama anyi be keyige bumo n yɔ be saŋɛ ka ba fo nɛ an lar bumo kutɔ ndoŋ. Bumo kikɛ nɛ bumo be beche nɛ mbia e daŋ shuŋi anyi n lar kadegboŋ na to nɛ an kikɛ ya gbir shishɛr so ashi teku na ase ŋ kule Ebɔrɛ.

Ditɛronɔmi 29:10

Enyɛnpe menyi be Ebɔrɛ na be anishito nɛ menyi nɛ men be bejuŋkparpo nɛ benimu nɛ benyɛn

Ditɛronɔmi 29:11

nɛ beche nɛ mbia nɛ befɔ nɛ baa kil ndibi nsaa sulɔ nchu a sa menyi na kikɛ yil kabre na.

Ditɛronɔmi 29:9

Amoso, men baa bɛ menyi nɛ Enyɛnpe Ebɔrɛ na be kɔnɔkoŋwule be ŋkre na be atande so nɛnɛ, nɛ kusɔ kama nɛ menyeeŋ wora e nite nɛnɛ n sa menyi.

Ditɛronɔmi 31:12

Menyeeŋ tre benyɛn nɛ beche nɛ mbia nɛ befɔ nɛ b tu menyi n chena men be ndeana to na n shɛr; saŋɛ na so, bumo be ekama beeŋ nu mbra na nseŋ koya kebaabunyaŋ Enyɛnpe menyi be Ebɔrɛ na a wora mbe mbraana kasonu kashenteŋto.

Ditɛronɔmi 4:2

Men sa maŋ ta shɛŋ n ti asheŋ nɛ mee kaŋɛ menyi kenishipere so ere so ŋko n lara shɛŋ ashi amo to n lɛ. Men baa wora Enyɛnpe, menyi be Ebɔrɛ na be mbraana nɛ mee ta a sa menyi ere kasonu.