Joshuwa 8:31 - EBƆRƐ BE KAWƆL

³¹ Kananɛ Enyɛnpe be kayɛrbi Mosis daŋ kaŋɛ Israɛlebi na gbagba chap nɛ mo alɛ gba daŋ bɛ so m pɔr kumo, fanɛ kananɛ Mosis be mbra kaŋɛ le na: “Bɔrɛsure mo nɛ b ta ajembu nɛ b maŋ ta kebɛlso n shɛl m pɔr so nɛ baaŋ lara sarga chɔɔso, nɛ kɔnɔkoŋwuleso be sarga n sa Enyɛnpe Ebɔrɛ.”

Joshuwa 8:31 ပူးပေါင်းရင်းမြစ်များ

2 Bewura 14:6

E daa maŋ mɔ bumo be mbia bre, ŋkpal manɛ so e daŋ bɛ kusɔ nɛ Enyɛnpe Ebɔrɛ kaŋɛ ashi Mosis be mbra to na so nna. E yɛ: “B sa maŋ kaŋ mɔ mbia bumo kurgepoana ŋkpal kulubi nɛ bumo be mbia wora so, loŋ koŋwule nɛ a maŋ daga b ka mɔ mbia ŋkpal kulubi nɛ bumo kurgepoana wora so. Ekama nɛ e wora kulubi, mo e daga kumo be kasogberge.”

2 Bewura 22:8

Shafan ka lara kubɔya na n loge nɛ Hilkiya ta mbra be kawɔl na n sa mo nseŋ kaŋɛ le: “N wu mbra be kawɔl ere bɔrɛlambu to nna.” Ndoŋ nna nɛ Shafan kraŋ kawɔl na,

2 Kronikɛls 25:4

E daa maŋ mɔ bumo be mbia bre, ŋkpal manɛ so e daŋ bɛ kusɔ nɛ Enyɛnpe Ebɔrɛ kaŋɛ ashi Mosis be mbra to na so nna. E yɛ: “B sa maŋ kaŋ mɔ ekurgepo ŋkpal kulubi nɛ bumo be mbia wora so. Loŋ koŋwule nɛ a maŋ daga b ka mɔ mbia ŋkpal kulubi nɛ bumo kurgepoana wora so. Ekama nɛ e wora kulubi, mo e daga kumo be kasogberge.”

2 Kronikɛls 35:12

Ndoŋ nna nɛ b barga eblaŋ nɛ baaŋ ta n lara sarga chɔɔso na to n sa basa na kanaŋ kanaŋ nɛ ntuŋ ntuŋ so fanɛ kananɛ Mosis ŋini mbe mbra na to na gbagba chap. Loŋ koŋwule na nɛ b daŋ ta egbolu na gba n wora.

Ɛzra 6:18

B daŋ ŋini bɔrɛmatapoana na nɛ Livaiebi na ashuŋ nɛ baŋ baa shuŋ bɔrɛlambu na to ashi Jerusalɛm to fanɛ kananɛ anebi Mosis be mbra bee ŋini na nna.

Nehemaya 13:1

Kachɛ nɛ b kraŋ Mosis be mbra na awɔrso n sa ekama na nɛ kelar efuli fanɛ Ammɔnebi nɛ Mowabebi maŋ daga fanɛ b ti Ebɔrɛ be basa so.

Ɛksodɔs 18:12

Ndoŋ nna nɛ Jetro lara sarga chɔɔso nɛ esarga pɔtɛana ko n sa Ebɔrɛ. Ɛɛrɔn nɛ Israɛlebi be bejuŋkparpo na kikɛ daŋ ya tu Mosis mo shanyɛn Jetro nna n ji kejigboŋ Ebɔrɛ be anishito.

Ɛksodɔs 24:5

Kumo be kaman nɛ Mosis lara Israɛl be basa na to be mbrantiɛbia nɛ b ya lara sarga chɔɔso nseŋ ta ana n lara kɔnɔkoŋwuleso be esarga n sa Enyɛnpe Ebɔrɛ na.

Matiu 12:26

Amoso, nɛ Setani bee ju Setani, e barga mbe kumu to a kɔ mo gbagba be kumu kena nna na. Nuso nɛ mbe kuwura na beeŋ wora a wɔtɔ

Ditɛronɔmi 27:2

Kachɛ nɛ menyi beeŋ dii lɔr nɛ baa tre Jɔɔdan na n yɔ kasawule nɛ Enyɛnpe menyi be Ebɔrɛ na bee ta a sa menyi ere so, menyeeŋ ta ajembu gboŋgboŋi n yuu nseŋ baga eshishɛr n la amo.

Ditɛronɔmi 27:8

Menyi alɛ e sa maŋ teŋ so fanɛ menyeeŋ sibɛ Ebɔrɛ be mbraana ere kikɛ n deŋi ajembu nɛ menyeeŋ yuu nseŋ baga eshishɛr n la amo na so. Saŋɛ na so ekama beeŋ tiŋ a wu amo a kraŋ.”

Joshuwa 1:8

Sa maŋ yige kebaamalga mbra be kawɔl ere be asheŋ. Baa koya kumo kapa nɛ kanyɛ kikɛ. Fo alɛ nsaa de so a bɛ kusɔ nɛ mbra na bee ŋini na kikɛ so. Saŋɛ na so feeŋ nya nɛfa nɛ fo asheŋ malɛ e baa nyalɛ a sa fo.