Joshuwa 8:29 - EBƆRƐ BE KAWƆL

²⁹ E daŋ chɛ Ai be ewura na efɔl nna n shiga kedibi so nseŋ yige mbe kebuni n ya fo kaaseso. Epeŋi ka tɔr nɛ Joshuwa kaŋɛ fanɛ b ya shiga kebuni na kedibi na so n ya lɛ kade na be kabunagboŋ na ase. Kumo be kaman nɛ b bela ajembu gboŋgboŋi damta n deŋi ewura na be kebuni na so. Loŋ be kakpa na kra dese hale kabre.

Joshuwa 8:29 ပူးပေါင်းရင်းမြစ်များ

2 Samuɛl 18:17

Kumo be kaman nɛ b ta Absalɔm b kebuni n ya lɛ kupo na to be kejamaŋ chiŋgeliŋ ko to nseŋ muu ajembu gboŋgboŋi damta n deŋi mo so kululu. Loŋ be jemanɛ na so nɛ Absalɔm be bebɛsopo na kikɛ pɛ ekpa n shile n yɔ bumo peana.

Ɛsta 7:10

Nɛ b ya chɛ Heman efɔl n shiga kedibi nɛ e yuu fanɛ b chɛ Mɔdikaya n shiga so na so. Nɛ ewura na be kagbene wushi mo.

Nshɛ 107:40

Ama Enyɛnpe Ebɔrɛ na beeŋ sɔ menyi be kɔnɔ so ŋ kɔ basa nɛ b daŋ pɔɔ menyi so na n shin nɛ b baa nite cham cham keshishɛrsawule so.

Nshɛ 110:5

Enyɛnpe Ebɔrɛ na wɔ fo jisa so nna; kachɛ nɛ e beeŋ nya agbo, e beeŋ pɔɔ bewura pɔtɛana so.

Baru lela nɛ Jɔn kute na 19:31

Kumo be kachɛ na daa la Kebelaseachɛ nna nɛ kumo be ŋklade malɛ daa la Kewushiachɛgboŋ ko. Ŋkpal Juwebi na malɛ ka daa maa sha basa nɛ b daŋ gbir m mata ndibi na so be eyurana na ka shir a wɔ ndibi largatoana na so ŋkpal kewushiachɛ na so, b daŋ ya kaŋɛ Pailat nna fanɛ e shin nɛ b buri m buri basa na be aya nseŋ lara n lara bumo be eyurana na ndibi largatoana na so.

Ashuŋ Shunso 12:23

Epul na to nɛ Enyɛnpe be malaika ba ta kulɔ n lɛ Hɛrɔd so ŋkpal e ka maŋ ta kemaŋkura na n sa Ebɔrɛ so. Ashushombi e daŋ ji mbe eyur nɛ e wu.

Joshuwa 10:30

Nɛ Enyɛnpe Ebɔrɛ shin nɛ Israɛlebi naŋ kɔ m pɔɔ kumo malɛ nɛ kumo be ewura so. B daŋ mɔ ekama nna. Esa kikɛ daŋ maŋ ji efute. Kananɛ b daŋ wora Jɛriko be ewura na gbagba chap nɛ b wora ndoŋ be ewura na gba.

Joshuwa 10:33

Gɛza be ewura nɛ baa tre Horam na daŋ ba chɛ Lakishebi to nna ama Joshuwa daŋ pɔɔ mo nɛ mbe benapo so nna nseŋ mɔ bumo kikɛ.

Joshuwa 12:9

Le be nde ere be bewura nɛ Israɛlebi na daŋ kɔ m pɔɔ so: Jɛriko be ewura nɛ Ai nɛ k mata Bɛtɛl na be ewura.

Joshuwa 7:26

B daŋ bela ajembu gboŋgboŋi damta nna n deŋi Eekan so kululu. Nɛ Enyɛnpe Ebɔrɛ be agbo nyaŋnyaŋso na wushi. Amoso nɛ b kra tre kaboŋ na Akɔɔ be ketaŋɛ to hale kabre na.

Joshuwa 8:23

Ai be ewura na nawule nɛ b daŋ pɛ n ya sa Joshuwa.