Joshuwa 8:22 - EBƆRƐ BE KAWƆL

²² Ndoŋ nna nɛ Israɛlebi nɛ b wɔ kade na to na gba ba chɛ bumo braana na to a kɔ. Israɛlebi na daŋ kulti Ai be benyɛn na kikɛ nna n wɔtɔ n mɔ bumo kikɛ. Bumo be ekama daa maŋ nya kakpa n shile, ekama malɛ daa maŋ pete.

Joshuwa 8:22 ပူးပေါင်းရင်းမြစ်များ

Job be kawɔl 20:5

basa lubi be kagbenefuli maa chɛr.

Ditɛronɔmi 7:2

Enyɛnpe Ebɔrɛ na beeŋ tintiŋ bumo n lar kasawule na so, nɛ menyi alɛ e mur bumo cheche nsaa maŋ wu bumo kuwɔr. Menyi alɛ nɛ bumo e sa maŋ kaa wora kayurwushi be kɔnɔkoŋwule be ŋkre kikɛ.

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.

Joshuwa 10:28

Kumo be kachɛ na nɛ Joshuwa kɔ m pɔɔ Makɛda be kade na nɛ kumo be ewura so. E daŋ mɔ kade na to be basa kikɛ nna. Esa kama daa maŋ ji efute kumo be kachɛ na. Kananɛ e daŋ wora Jɛriko be ewura na, loŋ koŋwule na nɛ e wora Makɛda be ewura na gba.

Joshuwa 6:21

nseŋ ta bumo etokobi m mɔ benyɛn nɛ beche nɛ mbia nɛ benimu nɛ kusɔ kama nɛ k wɔ kade na to kikɛ. B daŋ mɔ ana nɛ mbolpɔ nɛ ekurma nɛ amo kikɛ ki sarga n sa Ebɔrɛ.

Joshuwa 8:21

Joshuwa nɛ mbe benapo na ka wu fanɛ bumo braana na pɔɔ kade na so nseŋ wɔtɔ kumo edɛ nɛ bumo alɛ gba fara a kɔ Ai be benyɛn na nsaa mɔ bumo.

Joshuwa 8:23

Ai be ewura na nawule nɛ b daŋ pɛ n ya sa Joshuwa.

Joshuwa 8:8

Men kaŋ pɔɔ kade na so n loge, men wɔtɔ kumo kikɛ edɛ fanɛ kananɛ Enyɛnpe Ebɔrɛ kaŋɛ menyi na gbagba. Ma kubɔya nɛ ŋ kɔ a sa menyi nna na.”