Joshuwa 7:6 - EBƆRƐ BE KAWƆL

⁶ Nɛ Joshuwa nɛ Israɛlebi be benimu na kikɛ kpɛa bumo be asɔbuuso to kagbenejijaso nseŋ tɔr kasawule ashi Enyɛnpe Ebɔrɛ be ŋkre be deka na ase n dese ndoŋ hale n ya fo kaaseso. B daŋ muu shishɛr gba nna n wurge bumo be amu so a ŋini fanɛ bumo be ŋgbene jija bumo ga.

Joshuwa 7:6 ပူးပေါင်းရင်းမြစ်များ

Jɛnesis 37:29

Ruben ka laŋɛ m ba ketirbu na ase m ba wu fanɛ Josɛf maŋ naa wɔtɔ nɛ e kpɛa mbe asɔbuuso to ŋkpal kagbenejijaso

Jɛnesis 37:34

Ndoŋ nna nɛ e kpɛa mbe asɔbuuso to nseŋ ta kusɔbuuso ko nɛ kumo be kapɔr du sesaga fanɛ bɔtɛ m buu n ta nchɛ damta n shu mbe kebia na be keeli ga.

2 Samuɛl 1:11

Deevid ka nu loŋ nɛ mo nɛ basa nɛ b wɔ mo kutɔ na kikɛ kpɛa bumo be asɔbuuso to kagbenejijaso.

2 Samuɛl 1:12

Nseŋ shu keeli ga ŋ kishi n ya fo kaaseso ŋkpal Ewura Sɔɔl nɛ mo pibi Jonatan nɛ Enyɛnpe Ebɔrɛ be basa Israɛlebi na be bedamta ka wu kena na to so.

2 Samuɛl 1:2

Kumo be nchɛ asa be kaman nɛ kabrantiɛbia ko shi ewura Sɔɔl be keeyi to m ba. E daŋ kpɛa mbe asɔbuuso to nna nseŋ wora shishɛr n wurge mbe kumu so a ŋini kagbenejija nɛ k tɔr mo so. Kumo be kaman nɛ e yɔ Deevid kutɔ n ya jɔŋɛ m bunyaŋ mo.

2 Samuɛl 12:16

Nɛ ewura Deevid kule Ebɔrɛ a fin fanɛ kebia na e nya alenfia. E daa kishi nna a kule Ebɔrɛ nsaa dese kasawule kanyɛso kikɛ.

2 Samuɛl 13:19

Ndoŋ nna nɛ Tamaa muu nsunɔ n wurge mbe kumu so, nseŋ kpɛa mbe kale to n ta mbe enɔana m buu mbe anishi so a shu a yɔ.

2 Samuɛl 13:31

Nɛ ewura Deevid kpa n niŋi to, nseŋ kpɛa mbe epiŋi to kagbenejijaso nseŋ dese kasawule. Mbe nyɛrbi nɛ b daa wɔ mo kutɔ na gba daŋ kpɛa bumo be epiŋi to nna.

2 Bewura 22:11

Ewura na ka nu kusɔ nɛ k wɔ mbra be kawɔl na to nɛ e kpɛa mbe asɔbuuso to kagbenejijaso,

2 Kronikɛls 34:19

Ewura na ka nu kusɔ nɛ k wɔ mbra be kawɔl na to na, nɛ e kpɛa mbe epiŋi to kagbenejijaso,

Ɛzra 10:1

Anebi Ɛzra ka wɔ nɛ alubi be ketampaŋ be kabɔrɛkule to nsaa shu ŋkpal bumo be alubi damta nɛ b wora na so na, nɛ Israɛlebi be benyɛn nɛ beche nɛ mbia damta ko ba yili ŋ kulti mo ŋ wɔtɔ a shu kenishipereso.

Nehemaya 9:1

Kufɔl shunusopo na be kachɛ adunyɔ nɛ ana na nɛ Israɛlebi na shɛr ŋ kishi nseŋ buu nli be nle nseŋ wora eshishɛr ŋ gbiti bumo be amu to a ŋini bumo be ŋgbene ka jija bumo ŋkpal bumo be alubi so so.

Ɛsta 4:1

Mɔdikaya ka nu kusɔ nɛ ewura na wora na, nɛ e kpɛa mbe asɔbuuso to kagbenejijaso, nseŋ ta kagbenejijaso be kusɔbuuso m buu n wora nsunɔ n wurge mbe kumu so nsaa shu awɔrso ebesa so a na a kulti kade na to,

Ɛsta 4:3

Efuli na so be kaplɛkama malɛ nɛ b kraŋ kawɔl na jimaŋ to, Juwebi nɛ b wɔ ndoŋ bee teŋi keeli nna a boŋto a shu. B daŋ kishi nna nseŋ shu ga nɛ bumo be bedamta ta kagbenejijaso be asɔbuuso m buu nseŋ dese nsunɔ to.

Job be kawɔl 1:20

Job ka nu le be asheŋ ere kikɛ, nɛ e pɛ mbe asɔbuuso ŋ kpɛa to nseŋ she mbe kumu so be emin kikɛ ŋkpal kagbenejija damta nɛ k tɔr mo so na so. Kumo be kaman nɛ e gbir m bunyaŋ Ebɔrɛ

Job be kawɔl 2:12

B kraa wɔ kufɔ kufɔ nna nseŋ wu Job, ama b daa maŋ pin mo. B ka ba pin fanɛ Job nna nɛ b fara a shu a boŋ to awɔrso nseŋ kpɛa bumo be asɔbuuso to nsaa wora eshishɛr a wurge bumo be amu so a ŋini fanɛ bumo be ŋgbene jija bumo.

Job be kawɔl 42:6

Amoso nɛ ŋ gbagba be asheŋ bee nu ma agbo nɛ n tuba nseŋ chena nsunɔ to, a ŋini kebɔltofinfin nɛ k kɔ ma.”

Nfabel 2:10

Jerusalɛm be benimuana na daŋ buu nli be asɔbuuso a tase kasawule a maŋ naa kɔ shɛŋ nɛ b kaŋɛ abar, nseŋ wora eshishɛr ŋ gbiti bumo be amu to a ŋini bumo be kagbenejija nna. Nɛ bechefɔlbi na malɛ chena ŋ kurgi amu n yuu to a keni kasawule.

Nɔmbɛs 14:6

Nɛ Nun pibinyɛn Joshuwa nɛ Jefune pibinyɛn Kalɛb nɛ b ti basa nɛ b ya dara kasawule na so na kpɛa bumo be asɔbuuso to kagbenejijaso

Nɔmbɛs 16:22

Ama Mosis nɛ Ɛɛrɔn bre daŋ gbir nna ŋ kurgi amu n yuu to nseŋ kaŋɛ le: “O Ebɔrɛ, fo e naa sa anyi ŋkpa. Feeŋ shuli n nya agbo n wɔtɔ basa ere kikɛ ŋkpal esa koŋwule be kulubi so a?”

Nɔmbɛs 16:45

“Men shile basa ere kutɔ nɛ m ba mɔ bumo epul ere to!” Epul na to nɛ Mosis nɛ Ɛɛrɔn gbir ŋ kurgi amu n yuu to ŋ kule Ebɔrɛ,

Ashuŋ Shunso 14:14

Baanabas nɛ Sɔɔl ka nu kusɔ nɛ b daa shin nɛ b wora na nɛ b kpɛa bumo be asɔbuuso to a ŋini kananɛ kesheŋ na jija bumo be ŋgbene nseŋ shile n luri jimaŋ na be nferinto a boŋ to a bishi bumo a kaŋɛ:

Joshuwa 7:7

Ndoŋ nna nɛ Joshuwa kaŋɛ le: “Enyɛnpetale Ebɔrɛ, manɛ e ba nɛ fo ta anyi n dii Jɔɔdan be lɔr ere nɛ Amɔriebi e baa mur anyi? Manɛ nna bre, nɛ fo maŋ shin nɛ an wɔ lɔr na be kaba ndoŋ?

Kelaraŋŋini 18:19

Kumo be kaman nɛ b ta shishɛr n wurge bumo be amuana so ŋkeŋ boŋ to n shu anishichubi ŋ kaŋɛ: “O kadegboŋ, asheŋ nya fo, asheŋ nya fo. Kadegboŋ ere to nɛ bekama nɛ b kɔ ekuloŋgboŋana a shuŋ tekuana so na bɔla mbe dama so n dii dama, ŋkeshin nɛ awa koŋwule to nɛ e mur kuraa!

Demujipoana 11:35

E ka baŋ wu mo pibiche na nɛ e kpɛa mbe piŋi to a ŋini mbe kagbene ka jija mo ga nseŋ boŋ to ŋ kaŋɛ le: “O! M pibiche! Fo tɔrɔ ma n shin nɛ ma kagbene ji ebesa pasaa! Ŋkpal manɛ so, n nase kɔnɔ n sa Enyɛnpe Ebɔrɛ na nna. Ma alɛ maaŋ tiŋ ŋ kini kumo be kewora m bɔlɔ so!”

Demujipoana 20:26

Ndoŋ nna nɛ Israɛl be basa na kikɛ yɔ Bɛtɛl, kakpa nɛ baa shuŋ Ebɔrɛ na, n ya shu ga a maŋ ji shɛŋ ashi Enyɛnpe Ebɔrɛ be anishito hale nɛ epeŋi ya tɔr. Kaase ka fo nɛ b lara esarga chɔɔso nɛ kɔnɔkoŋwule be esarga n sa Enyɛnpe Ebɔrɛ na a fin mbe nɛfa.

Demujipoana 21:2

Israɛlebi na daŋ ta kagbenejija nna n yɔ Bɛtɛl n ya shu ŋ ŋini Ebɔrɛ hale nɛ kaase ya fo.

1 Samuɛl 4:12

Kumo be kamɔnchɛ na kikɛ nɛ Bɛnjamin be kanaŋ to be enapo ko shile kena na to n yɔ Shilo. E daŋ kpɛa mbe asɔbuuso to nna nseŋ muu shishɛr n wurge mbe kumu so a ŋini kagbenejija nɛ k tɔr mo so.