Joshuwa 6:27 - EBƆRƐ BE KAWƆL

²⁷ Ŋkpal Enyɛnpe Ebɔrɛ na ka daa wɔ Joshuwa kutɔ so mbe ketre daŋ dii nna ga ashi efuli na kikɛ so.

Joshuwa 6:27 ပူးပေါင်းရင်းမြစ်များ

Jɛnesis 39:21

Enyɛnpe Ebɔrɛ na daa wɔ Josɛf kutɔ ashi kabuti na to gba nna a ŋini mo mbe kasha nseŋ shin nɛ Josɛf be asheŋ bee bɔlɔ kabutikenipo na kenishi.

2 Samuɛl 7:9

Kaplɛkama nɛ e baŋ yɔ, ma nɛ mo nna. Nɛ ma alɛ bee pɔɔ mo doŋana kikɛ so a sa mo. Kananɛ basa ko be atre dii ga durnya ere to na, loŋ gbagba nɛ meeŋ shin nɛ mo alɛ gba be ketre e dii.

1 Kronikɛls 14:17

Amoso Deevid be ketre daŋ dii n yɔ kaplɛkama nna, nɛ Enyɛnpe Ebɔrɛ shin nɛ efuli kama so ebi bee ŋana mo.

Ɛsta 9:4

Mɔdikaya daŋ ki esagboŋ nna ashi ewurkpa na nɛ mbe ketre dii ashi efuli na so kikɛ nɛ mbe eleŋ malɛ bee ti so saŋkama.

Matiu 14:1

Jemanɛ na so nɛ Hɛrɔd, Galili be ewura nu Yesu be asheŋ nseŋ kaŋɛ mbe nyɛrbi:

Matiu 18:20

Ŋkpal manɛ so, kaplɛkama nɛ basa anyɔ ŋko besa ba shɛr ma ketre to, n wɔ bumo kutɔ ndoŋ.”

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Matiu 4:24

Amoso mbe ketre daŋ sɔ Siriya kikɛ to nna nɛ basa bar mo belɔpo nɛ bumo be alɔ be nnaŋ to kikɛ, bumo nɛ b daa wɔ ebesa to nɛ bumo nɛ mbuibi lubiana daŋ tɔr so nɛ kegbuŋgbuŋwuraana nɛ eyurwusowuraana kikɛ nɛ e chɛ n chɛ bumo.

2 Kɔrintebi 13:14

Enyɛnpe Yesu Kristo be kuwɔr be kakɛ na nɛ Ebɔrɛ be kasha na nɛ Kiyoyu Cheeŋ na be kɔnɔkoŋwule be kebaawɔtɔ na e baa wɔ menyi kikɛ so.

Ditɛronɔmi 31:6

Men nya kagbene a kɔ kenyɛn. Men sa maa ŋana bumo. Ŋkpal manɛ so, Enyɛnpe menyi be Ebɔrɛ na gbagba beeŋ baa wɔ menyi kutɔ. Mo alɛ maaŋ lar menyi kaman ŋko ŋ kplaŋ menyi so kikɛ.”

2 Timoti 4:17

Ama Enyɛnpe bre maŋ shile ma, e sa ma eleŋ nna nɛ n tiŋ m bɔ kubɔya na kikɛ nyam n sa nnyamase na kikɛ nseŋ nya ŋ gelge ebuluŋ be nnɔ to be keluri.

2 Timoti 4:22

Enyɛnpe e baa kɔ fo kiyoyu to. Ebɔrɛ be kuwɔr be kakɛ e baa wɔ menyi so.

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”

Joshuwa 9:1

Bewura nɛ b wɔ Jɔɔdan be lɔr na be epeŋitɔrkpa be efuli nɛ k wɔ abee be kaba so nseŋ kra Mɛditerenia be teku na be kepla n ya fo Lebanɔn na daŋ nu Israɛlebi be kekɔmpɔɔso na be asheŋ nna. B daa la Hitebi nɛ Amɔriebi nɛ Keenanebi nɛ Pɛrizebi, nɛ Hivebi nɛ Jebusiebi be bewura nna.

Joshuwa 9:3

Ama Gibiɔnebi na ka nu kusɔ nɛ Joshuwa wora Jɛriko nɛ Ai na,

Joshuwa 9:9

Nɛ b kaŋɛ le: “An shi efuli wɔfɔ nna nseŋ nu Enyɛnpe, menyi be Ebɔrɛ na be asheŋ. An nu kusɔ kama nɛ e wora n sa menyi ashi Ijipt be kasawule so,

Demujipoana 1:19

Enyɛnpe Ebɔrɛ na e daŋ chɛ Judaebi na to nɛ b tiŋ ŋ kɔ n suge efuli nɛ a daa wɔ kebeesawule so na. Ama b daŋ maŋ tiŋ n ju basa nɛ b daa tase aplasawule so na bre, ŋkpal manɛ so, b daa kɔ abɛlso be egbaŋɛturko nna.

1 Samuɛl 18:14

Saŋkama malɛ nɛ Deevid baŋ yɔ kena to, e daa kɔ nna a pɔɔ so ŋkpal Enyɛnpe Ebɔrɛ ka daa wɔ mo kutɔ so.

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.