Joshuwa 6:26 - EBƆRƐ BE KAWƆL

²⁶ Loŋ be jemanɛ na nɛ Joshuwa daŋ fiɛ basa na so ŋ kaŋɛ le: “Enyɛnpe Ebɔrɛ e sho ekama nɛ e beeŋ naŋ laŋɛ n ya pɔr Jɛriko be kade ere kɔnɔ. Ekama malɛ nɛ e beeŋ naŋ ya fara a pɔr kumo be gbaltɔlase beeŋ paŋ mbe wurkoŋnyɛn. Ekama malɛ nɛ e beeŋ lɔŋɛ kumo be mbunagboŋana na m pɔr beeŋ paŋ mbe kaluge.”

Joshuwa 6:26 ပူးပေါင်းရင်းမြစ်များ

1 Bewura 16:34

Jemanɛ nɛ Ahab daa ji kuwura na, nɛ Heil nɛ e shi Bɛtɛl na lɔŋɛ m pɔr Jɛriko be kade na. Saŋɛ so nɛ Heil daa pɔr kade na be egbal na be gbaltɔlase, nɛ mbe wurkoŋnyɛn Abiram wu. E ka pɔr kumo be mbunagboŋ a loge na malɛ nɛ mbe kowurnyɛn Segɔb malɛ wu. Le be kesheŋ ere daŋ wora nna nɛ kusɔ nɛ Enyɛnpe Ebɔrɛ daŋ bɔla Nun pibi Joshuwa so ŋ kaŋɛ dra dra na e bɔlɔ so.

1 Bewura 22:16

Nɛ ewura Ahab naŋ kaŋɛ: “Ŋ kaŋɛ fo alɛ damta fanɛ, fo baŋ yili Enyɛnpe Ebɔrɛ na be ketre to a malga, a daga fanɛ fo baa malga kashenteŋ! Alɛ fanɛ nɛ fee sha ŋ ka kaŋɛ fo le be kasheŋ?”

2 Bewura 2:4

Ndoŋ nna nɛ Anebi Elaija naŋ kaŋɛ Elaisha le: “Enyɛnpe Ebɔrɛ na yɛ n yɔ Jɛriko, amoso ba jo nfe.” Nɛ Elaisha malɛ kaŋɛ le: “Enyɛnpe Ebɔrɛ ka baa wɔ ŋkpa to nɛ fo ere gba wɔ ŋkpa to ere bre, maaŋ bɛta fo so kikɛ.” Ndoŋ nna nɛ b yɔ Jɛriko.

Malakai 1:4

Hale nɛ Isɔɔ be kaman to ebi nɛ b la Edɔm be efuli so ebi na kaŋɛ le gba: “Anyi be nde kikɛ mur, ama anyi alɛ beeŋ naŋ lɔŋɛ m pɔr amo.” Ma Enyɛnpe Ebɔrɛ na malɛ beeŋ kaŋɛ bumo le: “Nɛ men lɔŋɛ m pɔr amo gba meeŋ naŋ bure amo nɛ basa e baa tre ndoŋ ‘Belubiworapoana be efuli nɛ Enyɛnpe Ebɔrɛ be agbo wɔ kumo so mbaanaayɔ.’ ”

Matiu 26:63

Ama Yesu daŋ la to nna a yil. Nɛ bɔrɛmatapo nimuso na kaŋɛ mo le: “Ebɔrɛ nɛ e wɔ ŋkpa to ere so, kaŋɛ anyi, fo e la Kristo, Ebɔrɛ Pibinyɛn na a?”

Ashuŋ Shunso 19:13

Juwebi ko gba daa na a kilgi to a ju ayoyu lubi nseŋ wora ania nɛ b ta Enyɛnpe Yesu be ketre gba n wora loŋ ŋ kaŋɛ ayoyu lubi na: “Yesu nɛ Pɔɔl bee bɔ mbe kubɔya na be ketre to nɛ mee kaŋɛ menyi na, men lar esa ere to.”

Joshuwa 16:7

nseŋ yili Janua n yɔ Atarɔf nɛ Naara n ta n ya fo Jɛriko ŋ keta loŋ n ya fo Jɔɔdan be lɔr na.