Joshuwa 6:23 - EBƆRƐ BE KAWƆL

²³ Nɛ b ya lara Reehab nɛ mo tuto nɛ mo nio nɛ mo daana nɛ mo sipoana nɛ mbe basa nɛ b wɔ laŋ na to na kikɛ. B daŋ lara bumo kikɛ nna n yɔ kakpa nɛ k mata Israɛlebi be keeyi to nɛ baaŋ nya kumɔlga na.

Joshuwa 6:23 ပူးပေါင်းရင်းမြစ်များ

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 18:24

Nɛ fanɛ basa nɛ b niŋi fo basa adunu kade na to, feeŋ mur kade na kikɛ a? Fo maaŋ kpal basa adunu na so n ta m paŋ bumo a?

Jɛnesis 19:29

Ebɔrɛ malɛ ka daŋ mur ketaŋɛ to be nde na nɛ e nyiŋi Eebraham nseŋ lara Lɔt ashi kemur be tɔrɔ nɛ e daŋ ta n lɛ nde nɛ Lɔt daa wɔ amo be kuko to na to.

Nɔmbɛs 31:19

Menyi be ekama malɛ nɛ e mɔ esa ŋko m beta ebuni, e lar keeyi na to n yɔ kakpa ko nchɛ ashunu. Bumo nɛ basa nɛ b pɛ kena to na e fɔr bumo be eyur so daŋkare be ekpa so kachɛ sasopo nɛ kushunusopo na.

Ashuŋ Shunso 10:28

Nɛ e kaŋɛ bumo: “Menyi alɛ gba baa nyi geeŋ fanɛ Juwebi be mbraana na ka bee ŋini fanɛ Juw be esa e sa maŋ kaŋ ya chɔrɔ ŋko n shin nɛ mo nɛ kanyamase e ba abar so kikɛ. Ama Ebɔrɛ ŋini ma fanɛ n sa maa ta dimɛdi pɔtɛ kama fanɛ eyurpiwura fanɛ kananɛ anyi Juwebi bee tre nnyamase na.

Ashuŋ Shunso 27:24

‘Pɔɔl, sa maa lɔ kufu. A daga fanɛ fo ya yili Romebi be ewurgboŋ na be anishito. Ŋkpal Ebɔrɛ malɛ nɛ mbe kelela so, basa nɛ fo nɛ bumo wɔ nchu so be enite ere to ere be ekama maaŋ mur.’

1 Kɔrintebi 5:12

Kashenteŋto, m maŋ kɔ ekpa nɛ n ji bumo nɛ b maŋ wɔ asɔri na to demu. Bumo nɛ b wɔ asɔri na to e la bumo nɛ k daga an ka bee keni bumo be asheŋ to.

Ɛfesesebi 2:12

Men daa la befɔ nna ashi Israɛl be efuli so ebi to. Menyi alɛ be shɛŋ daa maŋ wɔ nnɔkoŋwule nɛ a wɔ Ebɔrɛ nɛ Israɛlebi be nferinto na to, ŋkpal mbe nnɔ naseso nɛ e nase n sa mbe basa na so. Men daa wɔ durnya ere to nna a maŋ kɔ tama kikɛ, menyi alɛ daa maa ta Ebɔrɛ a wɔtɔ men be asheŋ to.

Hibruwebi 11:31

Sakaleche Reehab be yirda so nɛ Israɛlebi daa maŋ mɔ mo n ti basa nɛ b daa maŋ kɔ kasonu ana so na, ŋkpal manɛ so, Reehab daŋ sɔ bumo nɛ b daŋ yɔ kade na be kebɔɔso ŋ keni na so nna nɛnɛ.

Hibruwebi 11:7

Yirda so nɛ Nowa daŋ nu Ebɔrɛ be kɔnɔ a yɛ asheŋ nɛ a daa beeŋ ba kachako so nɛ esa maŋ naŋ wu na. Ebɔrɛ ka daŋ kaŋɛ loŋ na e daŋ nu n sa mo nseŋ gbir kuloŋgboŋ nɛ mo nɛ mbe kanaŋ luri m mɔlga bumo be amu. Ŋkpal loŋ na so durnyaebi daa maŋ nya kashenteŋ, kumo be kaman nɛ e nya yirda be tɔnɔ, kumo e la fanɛ e ki elelapo Ebɔrɛ be anishito.

Joshuwa 2:13

Men nase kɔnɔ fanɛ menyi maaŋ wora n tuto nɛ n nio nɛ n siponyɛnana nɛ n sipocheana nɛ bumo be basa kikɛ shɛŋ nsaa beeŋ mɔlga anyi ashi luwu to.”

Joshuwa 2:16

Kumo be kaman nɛ e kaŋɛ bumo le: “Men ya ŋana abee to, saŋɛ na so basa nɛ baa fin menyi na maaŋ wu menyi. Men ba wɔ abee na to n ya fo nchɛ nsa. B kaŋ fin menyi ŋ gben nseŋ bɛta m ba na pɔɛŋ nɛ men baa yɔ kakpa nɛ menyee yɔ.”

Joshuwa 2:18

Ama, an kaŋ bɛta m ba nɛ an ba kɔ menyi be efuli so ebi kena fo ta efɔl peper ere n cha fo tokuro nɛ anyeeŋ bɔla kumo to n lar na. Kumo be kaman nɛ fo bar fo tuto nɛ fo nio nɛ fo siponyɛnana nɛ fo kanaŋ kikɛ fo laŋ to.

Demujipoana 1:25

Nɛ kanyɛn na ŋini bumo nɛ Efrayimebi nɛ Manaseebi na ya mɔ kade na to ebi kikɛ. Ama b daŋ maŋ mɔ kanyɛn na nɛ mbe kanaŋ bre.