Joshuwa 6:22 - EBƆRƐ BE KAWƆL

²² Ndoŋ nna nɛ Joshuwa kaŋɛ basa anyɔ nɛ b daŋ shuŋi fanɛ b ya dara kade na le: “Men luri sakaleche na be laŋ to n lara mo nɛ mbe laŋ to ebi kikɛ ŋkpal manɛ so, loŋ be kɔnɔ nɛ men nase n sa mo.”

Joshuwa 6:22 ပူးပေါင်းရင်းမြစ်များ

2 Samuɛl 21:2

Gibiɔnebi na daa maŋ la Israɛlebi, b daa la Amɔriebi be katuŋ fimbi ko nna nɛ Israɛlebi na daŋ nase kɔnɔ n sa bumo fanɛ baŋ baa kuŋ bumo. Ama Sɔɔl daŋ wora ania nɛ e mur bumo nna ŋkpal e ka daa sha fanɛ Israɛlebi nɛ Judaebi e sɔ bumo be efuli na kikɛ so.

2 Samuɛl 21:7

Ama ŋkpal kashenteŋ be kɔnɔ naseso nɛ Deevid nɛ Jonatan nase n sa abar na so Deevid daŋ yige Sɔɔl mo nanabi Mifiboshɛf nɛ e la Jonatan pibi na bre nna.

Nshɛ 15:4

nɛ bumo nɛ bumo nɛ alubiworapoana maŋ kɔ shɛŋ na. Bumo e naa sa basa nɛ baa ŋana Ebɔrɛ bunyaŋ nsaa wora a bɔlɔ bumo be nnɔ naseso so, hale k du kpakpa gba na.

Ezikɛl 17:13

Babilɔn be ewurgboŋ na daŋ ta Juda be ewura be kanaŋ to be esa ko nna n shin nɛ e bɔ ntaŋ fanɛ e beeŋ baa nu a sa mo, nseŋ shin nɛ mo nɛ mo wora kɔnɔkoŋwule be ŋkre. Kumo be kaman nɛ e pɛ kade na be basa gboŋ n ti so n yɔ,

Ezikɛl 17:16

Kumo be kaman nɛ Enyɛnpetale Ebɔrɛ kaŋɛ le: “Ŋ ka baa la Enyɛnpetale Ebɔrɛ nɛ e bee sa ŋkpa ere bre, Juda be ewura ere beeŋ wu ashi Babilɔn be efuli so, ŋkpal e ka lar kɔnɔkoŋwule be ŋkre nɛ mo nɛ Babilɔn be ewurgboŋ kre na kaman so nseŋ wora n da mo gbagba be ntaŋ nɛ e bɔ na so so.

Hibruwebi 11:31

Sakaleche Reehab be yirda so nɛ Israɛlebi daa maŋ mɔ mo n ti basa nɛ b daa maŋ kɔ kasonu ana so na, ŋkpal manɛ so, Reehab daŋ sɔ bumo nɛ b daŋ yɔ kade na be kebɔɔso ŋ keni na so nna nɛnɛ.

Joshuwa 6:17

Men mur kade na nɛ kusɔ kama nɛ k wɔ kumo to kikɛ nɛ kumo be loŋ e baa la sarga n sa Enyɛnpe Ebɔrɛ na. Sakaleche Reehab nɛ basa nɛ b wɔ mbe laŋ to nawule e naaŋ ji efute ŋkpal e ka daŋ ta basa nɛ an shuŋi fanɛ b ya dara kasawule na ŋ ŋana so.

Joshuwa 6:23

Nɛ b ya lara Reehab nɛ mo tuto nɛ mo nio nɛ mo daana nɛ mo sipoana nɛ mbe basa nɛ b wɔ laŋ na to na kikɛ. B daŋ lara bumo kikɛ nna n yɔ kakpa nɛ k mata Israɛlebi be keeyi to nɛ baaŋ nya kumɔlga na.

Joshuwa 9:15

Nɛ Joshuwa nɛ Gibiɔn be basa na wora kagbenewushi be kɔnɔkoŋwule be ŋkre nseŋ nase nnɔ n sa abar fanɛ Israɛlebi maaŋ mɔ bumo. Nɛ Israɛlebi be bejuŋkparpoana na shuli so fanɛ baaŋ bɛ kɔnɔ naseso na so.

Demujipoana 1:25

Nɛ kanyɛn na ŋini bumo nɛ Efrayimebi nɛ Manaseebi na ya mɔ kade na to ebi kikɛ. Ama b daŋ maŋ mɔ kanyɛn na nɛ mbe kanaŋ bre.