Joshuwa 6:17 - EBƆRƐ BE KAWƆL

¹⁷ Men mur kade na nɛ kusɔ kama nɛ k wɔ kumo to kikɛ nɛ kumo be loŋ e baa la sarga n sa Enyɛnpe Ebɔrɛ na. Sakaleche Reehab nɛ basa nɛ b wɔ mbe laŋ to nawule e naaŋ ji efute ŋkpal e ka daŋ ta basa nɛ an shuŋi fanɛ b ya dara kasawule na ŋ ŋana so.

Joshuwa 6:17 ပူးပေါင်းရင်းမြစ်များ

Jɛnesis 12:3

Bekama malɛ nɛ b nɛfa fo, ma alɛ gba beeŋ nɛfa bumo. Ama ekama nɛ e sho fo kɔnɔ, ma alɛ gba beeŋ sho amodoŋwura kɔnɔ. Fo so nɛ meeŋ bɔla n nɛfa durnya to ebi kikɛ.”

Ɛzra 10:8

Nseŋ kaŋɛ fanɛ esa kama nɛ e kini keba nshɛr na to nchɛ asa be kefɛato, beeŋ paŋ mbe asɔ kikɛ. Kumo ba kaman nɛ an lara mo ashi anyi to nɛ e maaŋ naa la anyi to be eko.

Aizaaya 34:6

Bumo be ŋklaŋ beeŋ gbiti Enyɛnpe Ebɔrɛ na be tokobi na fanɛ kananɛ mbolpɔ fɔlbi nɛ mboe nɛ b ta n lara esarga be ŋklaŋ bee gbiti nsaŋɛbi na. Ŋkpal manɛ so, Enyɛnpe Ebɔrɛ na beeŋ mɔ basa damta n ta bumo n lara sarga ashi kadegboŋ nɛ baa tre Bozra na nɛ Edɔm be efuli so be kaplɛkama.

Jɛremaya 46:10

Enyɛnpetale Ebɔrɛ na be kachɛ nna na; e beeŋ wora n tal to kabre; kabre e beeŋ gberge mo doŋana kusoe. Mbe tokobi beeŋ mɔ bumo kumo be keparso, nɛ ŋklaŋ e gbiti kumo be kaplɛkama le gbetɛɛ. Enyɛnpetale Ebɔrɛ na beeŋ ta bumo n lara sarga ashi kelargato be esoso a mata Yufreetes be Lɔrgboŋ na.

Ezikɛl 39:17

Ndoŋ nna nɛ Enyɛnpetale Ebɔrɛ na naŋ kaŋɛ ma le: “Dimɛdi pibi, tre mbuibi nɛ kupuŋ to be asɔbɔya kikɛ nɛ b shi kaplɛkama m ba ji sarga nɛ mee wora a sa bumo na. K beeŋ baa la kejigboŋ nna ashi Israɛl be abee so, nɛ b we eblaŋ nseŋ nuu ŋklaŋ ndoŋ.

Levitikɔs 27:21

Kelaŋɛ n sa be Kafɛ na malɛ baaŋ fo, loŋ be kasawule na beeŋ ki kusɔ cheembi a la Enyɛnpe Ebɔrɛ na peya mbaanaayɔ. Saŋɛ na so, k ki bɔrɛmatapoana na be kapetɛsawule nna na.

Maika 4:13

Kumo be kaman nɛ Enyɛnpe Ebɔrɛ na naŋ kaŋɛ le: “Jerusalɛm to ebi, men ya gberge men doŋana kusoe. Meeŋ shin nɛ men baa kɔ eleŋ fanɛ egbolu nɛ amo be alambɛ du fanɛ abɛlso nɛ amo be alotobi malɛ du fanɛ danyaŋ na. Menyeeŋ pɔ efuli damtaana so nseŋ sɔ asɔ nɛ b daŋ ta eleŋsheŋ n nya na m ba sa ma, nɛ n la durnya kikɛ be Enyɛnpe Ebɔrɛ na.”

Matiu 25:40

Nɛ ma, Ewura na e kaŋɛ le: ‘Ma e kaŋɛ menyi kashenteŋto na fanɛ, kusɔ kama nɛ men daŋ wora n sa ŋ kurgepobi ere be ekama, ma nɛ men daŋ wora n sa na.’

1 Kɔrintebi 16:22

Ekama nɛ e maa sha Enyɛnpe na, kɔnɔso e baa wɔ amodoŋwura na so. An Nyɛnpe e naaŋ bɛta m ba.

1 Kɔrintebi 2:7

Kanyiasheŋ mo nɛ anyee malga kumo be asheŋ ere la Ebɔrɛ be wulo be kanyiasheŋ nna nɛ k daŋ ŋana basa so. Ama pɔɛŋ nɛ Ebɔrɛ to durnya ere, e yili asheŋ ere nna, saŋɛ na so anyeeŋ tu mo n luri mbe kemaŋkura to.

Galeeshaebi 3:10

Bumo nɛ b ta bumo be nfɛra n wɔtɔ mbra na be kebɛso na to na wɔ kɔnɔso to nna na, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ ekama nɛ e maa bɛ mbra na be kawɔl na so nɛnɛ saŋkikɛ na so nna.”

Galeeshaebi 3:12

Mbra na be kebɛso malɛ maŋ yil yirda so. Kusɔ nɛ k la nɛ abɔrɛsibɛ na malɛ bee kaŋɛ na fanɛ: “Esa kama nɛ e bee wora asɔ nɛ mbra na bee ŋini na wɔ mbra na be kebaawɔtɔ to nna na.”

Ditɛronɔmi 20:17

Ŋkpal manɛ so, Enyɛnpe Ebɔrɛ na teŋ yili kumo fanɛ men mur Hitebi nɛ Amɔriebi nɛ Keenanebi nɛ Pɛrizebi nɛ Hivebi nɛ Jebusiebi na kikɛ nna.

Hibruwebi 11:31

Sakaleche Reehab be yirda so nɛ Israɛlebi daa maŋ mɔ mo n ti basa nɛ b daa maŋ kɔ kasonu ana so na, ŋkpal manɛ so, Reehab daŋ sɔ bumo nɛ b daŋ yɔ kade na be kebɔɔso ŋ keni na so nna nɛnɛ.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.

Jeems 2:25

An naŋ ta sakaleche Reehab, mannɛ kelela nɛ e daŋ wora Israɛlebi be mbɔ ŋ keta bumo kufɔ nseŋ ŋini bumo ekpa nɛ b bɔla ŋ gelge bumo doŋana n yɔ na so e shin nɛ Ebɔrɛ daŋ yili kumo fanɛ e maŋ kɔ kulubi mo to na a?

Joshuwa 2:1

Saŋɛ nɛ Israɛlebi na be keeyi to daa wɔ Shitim na nɛ Nun pibi Joshuwa shuŋi basa anyɔ fanɛ b dii Jɔɔdan be lɔr na be kaba ndoŋ n ya ŋana n dara Keenan be kasawule na, fɔnfɔŋ Jɛriko. Basa na ka fo Jɛriko be kade to nɛ b ya luri sakaleche ko nɛ baa tre Reehab be laŋ to.

Joshuwa 2:22

Nɛ basa nɛ b ba nɛ b ba ŋana n dara efuli na lar n ya ŋana abee na to nchɛ asa nɛ basa nɛ baa fin bumo na fin bumo ŋ gben nseŋ bɛta n yɔ Jɛriko.

Joshuwa 7:1

Israɛlebi daŋ kini kenu n sa kusɔ nɛ Enyɛnpe Ebɔrɛ daŋ kaŋɛ fanɛ b sa maŋ kaŋ ta kusɔ kama ashi Jɛriko n lar na nna. Kanyɛn ko nɛ b daa tre Eekan daŋ wora n da kusɔ nɛ Enyɛnpe kaŋɛ na so nna. Ŋkpal loŋ so nɛ Enyɛnpe Ebɔrɛ nya agbo ga n wɔtɔ Israɛlebi na. Eekan mo tuto e daa la Kaami nɛ mo nananyɛn malɛ la Zabdi nɛ mo alɛ mo tuto daa la Zɛra nɛ e shi Juda be kanaŋ to na.

1 Samuɛl 15:3

Men ya kɔ Amalɛkebi na nseŋ jija bumo be kusɔ kama nɛ b kɔ kikɛ kuraa. Men sa maŋ kaŋ yige shɛŋ shɛŋ. Men mɔ bumo be benyɛn nɛ beche nɛ mbia nɛ mbi popɔrbi kikɛ. Men mɔ bumo be ana nɛ mbolpɔ nɛ enyɔma nɛ ekurma gba.”

1 Samuɛl 15:6

Le nɛ Sɔɔl daŋ kaŋɛ Kenebi ko nɛ b daŋ chena m mata Amalɛkebi na: “Saŋɛ nɛ anyi be efuli ere so ebi daŋ lar Ijipt a ba na, menyi be basa daŋ wora bumo kelela ga. Amoso men lar Amalɛkebi ere to manaŋ nɛ an sa maŋ kaŋ mɔ menyi n ti bumo so saŋɛ nɛ anyee kɔ bumo kena na.” Ndoŋ nna nɛ Kenebi na lar Amalɛkebi na to.