Joshuwa 6:13 - EBƆRƐ BE KAWƆL

¹³ Le nɛ b daŋ bɛ abar so n nite ŋ kulti kade na. Benapo ko e daŋ juŋkpar, n ta bɔrɛmatapoana beshunu nɛ baa foŋ mbel na m bɛ so, n ta bɔrɛmatapoana nɛ b sulɔ Enyɛnpe Ebɔrɛ be ŋkre be deka na m bɛ so nseŋ naŋ ta benapo ko m bɛ so lalaloge.

Joshuwa 6:13 ပူးပေါင်းရင်းမြစ်များ

1 Kronikɛls 15:26

Ŋkpal Ebɔrɛ ka daŋ chɛ Livaiebi na to nɛ b tiŋ n sulɔ Enyɛnpe be ŋkre be deka na so, egbolu ashunu nɛ ekpakpa ashunu nɛ b daŋ ta n lara sarga n sa Enyɛnpe Ebɔrɛ na.

Nɔmbɛs 10:25

Dan be yiri nɛ eyiri nɛ a chena m mata bumo na e naaŋ baa la katuŋ lalalogesopo n ta bumo be etuuta a wɔ kaman a kuŋ. Amishadai pibinyɛn Ahieza e daa la Dan be yiri to be benapo be ejuŋkparpo.

Matiu 24:13

Ama ekama nɛ e ji kanyiti n ya fo lalaloge na beeŋ nya kumɔlga.

Galeeshaebi 6:9

Amoso, men sa maŋ shin nɛ kelela be kewora e baa gben menyi, ŋkpal manɛ so, nɛ an baa maŋ pɔ aba nsaa kɔ to loŋ, kachako anyeeŋ nya kelela be kewora be asɔ.

Joshuwa 6:12

Kare ka chɛ chipurdidi, nɛ Joshuwa wule ŋ koso n shin nɛ bɔrɛmatapoana na nɛ benapo na naŋ nite ŋ kulti kade na kela nyɔsopo.

Joshuwa 6:14

Kachɛ nyɔsopo na gba kela koŋwule nɛ b daŋ nite ŋ kulti kade na pɔɛŋ nseŋ bɛta n yɔ bumo keeyi to. Aloŋ nɛ b daa wora kachɛ kama m bɛ abar so hale ya fo nchɛ ashe.

Joshuwa 6:4

Men ta ŋkre be deka na nseŋ shin nɛ bɔrɛmatapoana na be basa ashunu e ta kpakpa be alambɛ be mbel juŋkpar kumo saŋɛ nɛ menyee kulti kade na. Kachɛ shunusopo na nɛ men kikɛ e nite ŋ kulti kade na ale ashunu nɛ bɔrɛmatapoana na malɛ e baa foŋ bumo be mbel na.