Joshuwa 4:6 - EBƆRƐ BE KAWƆL

⁶ Kumo be loŋ beeŋ baa la tɔɔnɛ n sa menyi kachako so. Saŋɛ na so nɛ men nanabiana kaŋ bishi menyi kusɔ nɛ ajembu ere bee ŋini,

Joshuwa 4:6 ပူးပေါင်းရင်းမြစ်များ

Nshɛ 44:1

Enyɛnpe anyi be Ebɔrɛ, an nananyɛnana kaŋɛ anyi kusɔ nɛ fo wora dra dra na. Nɛ anyi alɛ kaŋ asoe n nu,

Nshɛ 71:18

Naniere, nɛ m bel n fuli kumu, sa maŋ pal kaman n sa ma, O Ebɔrɛ. Shin nɛ m baa kraa wɔtɔ a malga fo eleŋgboŋ be asheŋ a sa kaman to ebi nɛ baa ba na.

Ɛksodɔs 12:14

“A daga fanɛ menyi nɛ men be kaman to ebi kikɛ e baa wora kejigboŋ kafɛ kikɛ a nyiŋi kusɔ nɛ ma, Enyɛnpe Ebɔrɛ wora n sa menyi ere. Men shin nɛ k ki mbra n sa menyi mbaanaayɔ.

Ɛksodɔs 13:14

Ama saŋko nɛ menyi be mbia kaŋ bishi menyi kejigboŋ ere be kifito, men kaŋɛ bumo le: ‘Enyɛnpe Ebɔrɛ daŋ ta mbe eleŋgboŋ nna n lara anyi kenyaya to ashi Ijipt be kasawule so.

Ɛksodɔs 13:9

Kesheŋ ere beeŋ baa la kanyiŋi nna nsaa du fanɛ b ka kre mbra na m mata menyi be enɔana so ŋko menyi be nsɔto nɛ men baa ŋini beko kumo be asheŋ. Saŋɛ na so, k beeŋ baa nyiŋi menyi kananɛ Enyɛnpe Ebɔrɛ be mbra na bɔlɔ menyi to kpal manɛ so, Enyɛnpe Ebɔrɛ ta mbe eleŋgboŋ nna n lara menyi ashi Ijipt be kasawule so.

Ɛksodɔs 31:13

“Kaŋɛ Israɛlebi fanɛ b baa bɛ ma kewushiachɛ be daŋkare so nsaa ta kumo fanɛ kachɛ cheembi, ŋkpal manɛ so, kewushiachɛ na la ma nɛ menyi nɛ menyi be kaman to ebi kikɛ be kanyiŋi be kachɛ nna a ŋini fanɛ ma, Enyɛnpe Ebɔrɛ na e lara menyi fanɛ ma basa.

Aizaaya 38:19

Basa nɛ b wɔ ŋkpa to e naa kpaŋ fo, fanɛ kananɛ mee kpaŋ fo naniere na. Bekurgepo bee kaŋɛ bumo be mbia fo kashenteŋji be asheŋ.

Aizaaya 55:13

Ndibi sɔrso beeŋ kɔr n yili mboŋ nɛ ewidibi daa yil, saŋɛ na so k beeŋ baa la tɔɔnɛ a dese mbaanaayɔ. Kumo alɛ beeŋ naa la kanyiŋi a laŋɛ kusɔ nɛ ma, Enyɛnpe Ebɔrɛ na wora be kaplɛa so.”

Ezikɛl 20:12

Kumo be kaman, nɛ n yili ma Kewushiachɛ n sa bumo nɛ k baa la ashi tɔɔnɛ ma nɛ bumo be kefɛato, saŋɛ na so baaŋ pin fanɛ ma, Enyɛnpe Ebɔrɛ na e shin nɛ b ki basa cheembi.

Ezikɛl 20:20

Men ta ma Kewushiachɛ naŋ ki kachɛ cheembi, saŋɛ na so k beeŋ baa la tɔɔnɛ a ŋini fanɛ men la ma basa nna nɛ ma alɛ la Enyɛnpe menyi be Ebɔrɛ na.

Nɔmbɛs 16:38

ŋkpal b ka ta amo m ba Enyɛnpe Ebɔrɛ na be bɔrɛsure na ase so. Ta basa nɛ edɛ chɔ m mɔ ŋkpal bumo be alubi so ere be edɛtɔl m bɛl ebuuso a buu bɔrɛsure na so nɛ kumo be loŋ e baa la kefiɛso n sa Israɛlebi.”

Ashuŋ Shunso 2:39

Ŋkpal manɛ so, kumo be loŋ be kɔnɔ nɛ Enyɛnpe Ebɔrɛ daŋ nase n sa menyi nɛ menyi be mmantoebi nɛ basa pɔtɛ nɛ b maŋ taga to nfe ere na kikɛ, bumo e la bumo nɛ Enyɛnpe Ebɔrɛ bee tre a ba mo kutɔ na.”

Ditɛronɔmi 11:19

Men baa ŋini menyi be mbia amo nsaa malga amo be asheŋ jemanɛ kikɛ ashi menyi be elaŋ to nɛ jemanɛ nɛ men lar kowu a nite nɛ jemanɛ nɛ men ya dese kanyɛso nɛ jemanɛ nɛ men koso kachipurso.

Joshuwa 22:27

Ama an wora loŋ nna nɛ k baa la shɛda n sa anyi nɛ menyi be basa nɛ an be kenana fanɛ anyee lara sarga chɔɔso nɛ ajibi be sarga nɛ kɔnɔkoŋwule be sarga a shuŋ Enyɛnpe Ebɔrɛ ashi Enyɛnpe be wajɛbu na be anishito ashi Jerusalɛm. Le e naaŋ shin nɛ men nanabiana e sa maŋ tiŋ ŋ kaŋɛ an nanabiana fanɛ Enyɛnpe na la Israɛlebi nawule be Ebɔrɛ nna.

Joshuwa 4:21

nseŋ kaŋɛ Israɛlebi na le: “Men nanabiana kaŋ koso kachako so m bishi menyi le be ajembu ere be kifito,

Joshuwa 4:5

ŋ kaŋɛ bumo le: “Men be ekama e yɔ men Nyɛnpe Ebɔrɛ be ŋkre be deka na ase ashi Jɔɔdan be lɔr na be nferinto n ya ta kejembu n deŋi mbe kebatemu so n yili katelamu n sa mbe kanaŋ ashi Israɛl be nnaŋ kuduanyɔ na to.