Joshuwa 4:5 - EBƆRƐ BE KAWƆL

⁵ ŋ kaŋɛ bumo le: “Men be ekama e yɔ men Nyɛnpe Ebɔrɛ be ŋkre be deka na ase ashi Jɔɔdan be lɔr na be nferinto n ya ta kejembu n deŋi mbe kebatemu so n yili katelamu n sa mbe kanaŋ ashi Israɛl be nnaŋ kuduanyɔ na to.

Joshuwa 4:5 ပူးပေါင်းရင်းမြစ်များ

Jɛnesis 31:46

E ka wora loŋ n loge nɛ e kaŋɛ mbe laŋ to ebi na: “Men gama ajembu n deŋi abar so.” Nɛ b gama ajembu n deŋi abar so nseŋ chena amo ekpa n ji.

Ɛksodɔs 24:4

Ndoŋ nna nɛ Mosis sibɛ Enyɛnpe Ebɔrɛ be mmalga na kikɛ n nase. Kare ka chɛ kachipurdidi nɛ e wule ŋ koso n ya yuu bɔrɛsure ashi kebee na be kaseto nseŋ ta ajembu tenteŋ kuduanyɔ n yuu nɛ a yili n sa Israɛlebi be eyiri kuduanyɔ na.

Ditɛronɔmi 27:2

Kachɛ nɛ menyi beeŋ dii lɔr nɛ baa tre Jɔɔdan na n yɔ kasawule nɛ Enyɛnpe menyi be Ebɔrɛ na bee ta a sa menyi ere so, menyeeŋ ta ajembu gboŋgboŋi n yuu nseŋ baga eshishɛr n la amo.

Ditɛronɔmi 9:1

Israɛlebi, men nu nfe! Menyee sha kedii lɔrgboŋ nɛ baa tre Jɔɔdan na nna n ya kɔ n sɔ efuliana nɛ amo be basa kɔ eleŋ a chɔ menyi be kasawule n chena so na. Bumo be ndegboŋ kɔ egbalana nɛ amo be jeŋgreŋ du fanɛ a kaa bee chute awɔlpa nna.

Joshuwa 22:10

Ruben nɛ Gad be eyiri nɛ Manase be epeŋilarkpa be kaba so be yiri na ka ba Gelilɔf ashi Jɔɔdan be lɔr na be epeŋitɔrkpa be kaba so na nɛ b pɔr bɔrɛsure gboŋgboŋi ko Jɔɔdan be lɔr na ase.

Joshuwa 4:4

Ndoŋ nna nɛ Joshuwa tre Israɛl be basa kuduanyɔ nɛ b lara ashi kanaŋ kikɛ to na

Joshuwa 4:6

Kumo be loŋ beeŋ baa la tɔɔnɛ n sa menyi kachako so. Saŋɛ na so nɛ men nanabiana kaŋ bishi menyi kusɔ nɛ ajembu ere bee ŋini,