Joshuwa 4:24 - EBƆRƐ BE KAWƆL

²⁴ Ŋkpal le be kusɔ nɛ k wora ere so bomin kikɛ beeŋ pin eleŋ nɛ an Nyɛnpe Ebɔrɛ ere kɔ nɛ kumo be loŋ e shin nɛ menyi alɛ e baa bunyaŋ mo saŋkama.”

Joshuwa 4:24 ပူးပေါင်းရင်းမြစ်များ

1 Bewura 8:40

saŋɛ na so fo basa beeŋ baa bunyaŋ fo nsaa nu a sa fo ashi kasawule nɛ fo ta n sa an nananyɛnana ere so.

1 Bewura 8:60

Saŋɛ na so durnya kikɛ beeŋ pin fanɛ fo Enyɛnpe na nawule e la Ebɔrɛ. Ebɔrɛ kikɛ maŋ naa wɔtɔ.

2 Bewura 19:19

Ama fo Enyɛnpe e la anyi be Ebɔrɛ! Anyee kule fo nna nɛ fo mɔlga anyi ashi Asiriya be ewura be enɔ to, saŋɛ na so ekama nɛ e wɔ durnya to be efuli kama so beeŋ pin fanɛ fo nawule e la Ebɔrɛ.”

2 Bewura 5:15

Kede be kaman nɛ Neeman nɛ basa nɛ mo nɛ bumo daŋ yɔ ndoŋ na kikɛ bɛta m ba anebi Elaisha kutɔ nɛ Neeman kaŋɛ le: “Naniere nɛ m pin fanɛ Ebɔrɛ kikɛ maŋ naa wɔtɔ ama Israɛl be Ebɔrɛ ere nawule. Amoso jande, sɔ ma kakɛ ere.”

1 Kronikɛls 29:12

Fo e naa sa basa kedamaya nɛ eleŋ nɛ kemaŋkura. Fo gbagba be eleŋ nɛ yuku so nɛ fee ji kusɔ kama so kuwura.

Job be kawɔl 40:9

Fo eleŋ fo ma eleŋ so a? Fo ebɔl beeŋ tiŋ m ponte to fanɛ meya a?

Nshɛ 106:8

Ama e daŋ mɔlga bumo, fanɛ kananɛ e nase kɔnɔ na; nseŋ ŋini bumo mbe eleŋgboŋ.

Nshɛ 89:13

Fo shibi nsaa kɔ eleŋ pasaa!

Nshɛ 89:7

Fo nɛ ekama bee ŋana ga ashi ebɔrɛso ndoŋ. Fo asheŋ malɛ bee keta kufu nsaa kɔ bunyaŋ ga a chɔ bekama nɛ b wɔ ebɔrɛso.

Ɛksodɔs 14:31

Israɛlebi na ka wu eleŋgboŋ nɛ Enyɛnpe Ebɔrɛ ŋini ŋ kɔ m pɔɔ Ijiptebi na so na nɛ b bunyaŋ Enyɛnpe Ebɔrɛ na nseŋ yirda mo nɛ mbe kayɛrbi Mosis.

Ɛksodɔs 15:16

nɛ kufu nɛ kechichachicha e tɔr bumo so. Ŋkpal eleŋ nɛ k beeŋ lar fo enɔ to na so, baaŋ wora shruum fanɛ kejembu na n ya fo saŋɛ nɛ fo basa nɛ fo lara ashi kenyaya to na choŋ na pɔɛŋ.

Ɛksodɔs 20:20

Ndoŋ nna nɛ Mosis kaŋɛ basa na: “Men sa maa lɔ kufu. Ebɔrɛ ba nna nɛ e ba wora menyi ŋ keni nseŋ shin nɛ men baa wora mo kasonu nsaa maa wora alubi.”

Ɛksodɔs 9:16

Ama ŋkpal ŋ ka bee sha fanɛ ŋ ŋini fo ma eleŋ so nɛ n shin nɛ fo kraa wɔtɔ na, saŋɛ na so durnya ere be esa kama beeŋ pin esa nɛ e la ma.

Aizaaya 52:10

Enyɛnpe Ebɔrɛ na beeŋ ta mbe eleŋgboŋ m mɔlga mbe basa ashi bumo doŋana be enɔ to, saŋɛ na so durnya to ebi kikɛ beeŋ wu kumo.

Jɛremaya 32:40

Ma nɛ bumo malɛ beeŋ wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Ma alɛ maaŋ yige kebaawora asheŋ lela a sa bumo nseŋ shin nɛ b baa ŋana ma ashi bumo be ŋgbene to, a maaŋ naaŋ shile ma.

Ditɛronɔmi 28:10

Saŋɛ na so, durnya be basa kikɛ beeŋ wu fanɛ Enyɛnpe Ebɔrɛ na e lara menyi nɛ men baa la mbe basa. Bumo alɛ beeŋ baa ŋana menyi.

Ditɛronɔmi 6:2

A daga fanɛ menyi nɛ menyi be kamanebi kikɛ ka bee bunyaŋ Enyɛnpe menyi be Ebɔrɛ na nsaa wora mbe mbraana nɛ n ta a sa menyi ere kasonu menyi be kebaawɔtɔ kikɛ to, saŋɛ na so menyeeŋ chena kasawule na so n chɛr.

1 Samuɛl 17:46

Kabre be kachɛ ere, Enyɛnpe Ebɔrɛ beeŋ ta fo m bɔɔ ma enɔ nɛ m pɔɔ fo so ŋ ku fo kumu ere, nseŋ ta Filisti be benapo be eyurana n sa mbuibi nɛ kupuŋ to be asɔbɔya nɛ b ji. Saŋɛ na so nɛ durnya kikɛ e pin fanɛ Ebɔrɛ wɔ Israɛlebi kutɔ.