Joshuwa 24:32 - EBƆRƐ BE KAWƆL

³² Kasawule nɛ Jeekɔb daŋ tɔ Shɛchem pibi Hamɔn be mbia kutɔ gbiti be ndarbi kalfa na so nɛ Israɛlebi na daŋ ta Josɛf be awibi ashi Ijipt m ba puli. Josɛf be kanaŋ to ebi e naa ji kasawule na be kapetɛ.

Joshuwa 24:32 ပူးပေါင်းရင်းမြစ်များ

Jɛnesis 33:19

Gbiti be ndarbi kalfa nɛ Jeekɔb daŋ ta n tɔ kasawule nɛ e chena so na ashi Hamar be mbia kutɔ. Hamar ere e daa la Shɛkɛm mo tuto na.

Jɛnesis 48:22

Ma alɛ bee sa fo kasawule nɛ k chɔ fo daana peya ŋkpal fo ka beeŋ ba ka chɔ bumo so so. Loŋ be kasawule na nɛ n daŋ ta ma tokobi nɛ keta ŋ kɔ n sɔ ashi Ammɔnebi kutɔ na.”

Jɛnesis 50:24

Kachako nɛ e kaŋɛ mo daana na le: “To, k maaŋ naŋ chɛr ko nɛ n wu, ama abaanaaworasheŋ Ebɔrɛ maaŋ yige menyi n to, e beeŋ keni menyi so nseŋ juŋkpar menyi, n lara menyi kasawule ere so n ta menyi n yɔ kakpa nɛ e daŋ nase kɔnɔ n sa Eebraham nɛ Aizek nɛ Jeekɔb fanɛ e beeŋ sa na.”

Jɛnesis 50:25

Kede be kaman nɛ Josɛf kaŋɛ mo daana na le: “Ama, men nase kɔnɔ n sa ma fanɛ ŋ kaŋ wu nɛ Ebɔrɛ lara menyi nfe, menyeeŋ ta ma eyur n ti so n yɔ.”

Ɛksodɔs 13:19

B ka daa lar Ijipt be kasawule so na Mosis muu Josɛf be awibi nna, ŋkpal Josɛf ka daŋ shin nɛ Jeekɔb be mbia nase kɔnɔ n sa mo pɔɛŋ nɛ e wu so. Le nɛ e daŋ kaŋɛ bumo: “Abaanaaworasheŋ Ebɔrɛ beeŋ ba mɔlga menyi kachako. Nɛ mo alɛ kaŋ mɔlga menyi, men ta ma kebuni be awibi n ti menyi be amu so n lar Ijipt.”

Baru lela nɛ Jɔn kute na 4:5

E ta loŋ m ba fo kade ko nɛ baa tre Sikaa ashi Samɛria. Sikaa nɛ kasawule nɛ Jeekɔb daŋ ta n sa mo pibi Josɛf na daa maŋ wɔ kufɔ.

Ashuŋ Shunso 7:15

Ndoŋ nna nɛ Jeekɔb kaa n yɔ Ijipt be efuli so, ndoŋ nɛ mo nɛ an nanaana kikɛ ya wu n wu n loge

Ashuŋ Shunso 7:16

nɛ b ta bumo n yɔ Shɛkɛm n ya puli kebeelaŋ ko nɛ Eebraham daŋ tɔ ashi Hamɔ be kanaŋ to ebi kutɔ na to.

Hibruwebi 11:22

Yirda so nɛ Josɛf daa shin nɛ e wu nseŋ daŋ malga Israɛlebi be kelar Ijipt to be asheŋ nseŋ kaŋɛ kusɔ nɛ baaŋ ta mbe kebuni n wora na be asheŋ.