Joshuwa 24:21 - EBƆRƐ BE KAWƆL

²¹ Ama le nɛ basa na daŋ kaŋɛ Joshuwa: “Anyi maaŋ shuŋ agbir! Enyɛnpe Ebɔrɛ na nɛ anyeeŋ shuŋ.”

Joshuwa 24:21 ပူးပေါင်းရင်းမြစ်များ

Ɛksodɔs 19:8

Nɛ basa na kikɛ chɛ abar n shuli so ŋ kaŋɛ: “Anyeeŋ wora asheŋ nɛ Ebɔrɛ kaŋɛ na kikɛ.” Kumo be kaman nɛ Mosis ya kaŋɛ Enyɛnpe Ebɔrɛ kusɔ nɛ basa na malɛ kaŋɛ na.

Ɛksodɔs 20:19

Kumo be kaman nɛ b kaŋɛ Mosis le: “Nɛ fo ere gbagba malga anyi kutɔ, anyeeŋ nu, ama Ebɔrɛ bre malga anyi kutɔ, anyeeŋ wu.”

Ɛksodɔs 24:3

Mosis ka shi kebee na so m ba nɛ e ba kaŋɛ basa na mmalga nɛ Enyɛnpe Ebɔrɛ malga kikɛ nɛ mbraana nɛ e nase kikɛ. Nɛ basa na kikɛ kpaŋɛ ŋ kaŋɛ le: “Mmalga nɛ Enyɛnpe Ebɔrɛ malga na kikɛ, anyeeŋ bɛ amo so.”

Ɛksodɔs 24:7

Kede be kaman nɛ e ta kɔnɔkoŋwule be ŋkre be kawɔl na ŋ kraŋ kumo awɔrso nɛ basa na nu nseŋ kaŋɛ le: “Mmalga nɛ Enyɛnpe Ebɔrɛ na malga na kikɛ, anyeeŋ bɛ amo so nseŋ wora kasonu n sa amo.”

Aizaaya 44:5

Basa pɔtɛ beeŋ kaŋɛ le kukoko to: ‘N la Enyɛnpe Ebɔrɛ peya nna.’ Baaŋ ta bumo be amu n ti Israɛl be basa so. Bumo be ekama beeŋ sibɛ Enyɛnpe Ebɔrɛ na be ketre n deŋi mbe be kabre so nsaa tre mo kumu Ebɔrɛ be esa.”

Ditɛronɔmi 26:17

Kabre, men shuli so fanɛ Enyɛnpe na e la menyi be Ebɔrɛ. Menyi alɛ bee nase kɔnɔ nna fanɛ menyeeŋ wora mbe mbraana kikɛ kasonu nseŋ bɛ kusɔ kama nɛ e kaŋɛ menyi so.

Joshuwa 24:20

Men baŋ yige Enyɛnpe na nsaa shuŋ nnyamase na be agbir na bre, e beeŋ kilgi ŋ gberge menyi kusoe. Kashenteŋ nna fanɛ e daa wɔ menyi kutɔ ama e beeŋ mur menyi cheche.”

Joshuwa 24:22

Ndoŋ nna nɛ Joshuwa malɛ kaŋɛ bumo le: “Menyi gbagba e naa ji kumo shɛda fanɛ Enyɛnpe Ebɔrɛ na nɛ menyeeŋ shuŋ na.” Nɛ b kaŋɛ le: “Kashenteŋto nɛ an ji kumo be shɛda.”